SAN LUCAS 15:28 - Lengua Sur (Enxet) Nuevo Testamento

²⁸ Aplókok apagko' axta eyke m'a apepma', axta emokók etxek kañe'; keñe axta apyap aptepa yókxexma yakwayam enxoho yának etxek kañe'.

SAN LUCAS 15:28 ပူးပေါင်းရင်းမြစ်များ

SAN MATEO 20:11

Xama axta apkelmágko selyakye, apkelpakméteyha axta apxéna m'a wese'.

SAN MARCOS 1:40

Xama énxet negmasé ektepelchamáxche egyempehek ekteme axta apmahágkok aphakxa Jesús. Apkeltekxekwokmek axta aptapnák. Aptahak axta apcháneya s'e: —Apmokók agkok xép, apwanchek heyaxñásekxak ektémakxa nak sekháxamáxche ko'o.

SAN LUCAS 13:34

“¡Jerusalén, Jerusalén! Kélnapmakxa nak cha'a Dios appeywa apkellegaso nak, kélyetneykxa nak han cha'a meteymog ma'a seykha amya'a Dios apkeláphaso nak! ¡Hágkaxwe amawhok wánchásekxak énxet'ák apheykha xa Jerusalén, ektémol'a kánchásekxak étkók tat'a kóneg axampagkok, axta eyke kólmáheyók kéxegke!

SAN LUCAS 15:2

Apkelpakmeteyha axta énxet'ák fariseos, tén han ma'a énxet'ák apkelxekmóso axta apnámokkok ektémakxa segánamakxa. Aptahak axta apkelpakmeta s'e: —Apkelápeyha nak énxet'ák melya'asáxma xa énxet nak, aptókok nahan xamo' aptéyak.

SAN LUCAS 15:27

Aptahak axta apcháneya apkeláneykha s'e: ‘Apyáxeg apwakta'; keñe exchek apyap apkeltamho kamátog weyke kennawók étkok ekmelé, hakte tásek apweykta m'a apketche, méko nahan ektémakxa.’

SAN LUCAS 15:29

Aptahak axta apcháneya apyap wokma'ák metnaha apketkok se'e: ‘Apya'ásegkok xép selánesama cha'a aksok ekyókxoho apyeyam yetlo selyaheykekxoho, akke hegkésók xép xama yát'ay apketkok enxoho yakwayam kapayhekxak ewáxok xamo' enámokkok.

SAN LUCAS 24:47

kóltennaha sat ekyókxoho yókxexma amya'a eñama nak Mesías, Jerusalén sat kólénhok sekxo', yakwayam enxoho elyakmagkasek apwáxók énxet'ák, yakwayam enxoho megkólyakmagkásekxék ma'a apkeltémakxa nak melya'asáxma.

SAN LUCAS 5:30

Apkelpakmeteyha axta eyke m'a énxet'ák fariseos, tén han ma'a énxet'ák ektaha axta apkelxekmóso ektémakxa segánamakxa, cham'a ektaha axta apkelxegexma'a apancha'awo'. Aptahak axta apkeláneya Jesús apkeltámeséyak se'e: —¿Yaksak ektaha kéltoko nak xamo' kéxegke énxet apkelmomo nak selyakye yakwayam kólmések wese' Roma tén han kélyenawo xamo' apyenéyak, tén han ma'a énxet'ák melya'asáxma nak?

SAN LUCAS 7:39

Xama axta apwet'a fariseo ektaha axta apcháneyeykha Jesús xa, entahak axta elchetamso apwáxok se'e: “Nakso' agkok aptaha Dios appeywa aplegaso xa, ékpelkohok ektémakxa xa kelán'a ekpaknegwa'awo nak: kelán'a ekmaso ektémakxa xa.”

LOS HECHOS 13:45

Xama axta apwet'a énxet'ák judíos apxáma énxet apyetleykekxa Pablo tén han Bernabé, apnatha'ak axta, sagkek axta anhan cha'a apchátegmoweyak aptahakxa appeywa Pablo, apwanyeyha axta anhan.

LOS HECHOS 13:50

Wánxa agkok, apkelpakhetcháseykpók axta eyke énxet'ák judíos ma'a kelán'ák elpéwomo axta eltémakxa nápakto' Dios, cham'a kelán'ák kelwese'e nak, apkelpakhetcháseykpók axta nahan énxet'ák judíos ma'a kelwese'e nak tegma apwányam, apkelyáteyagkók axta apkeltamho kólmenxenmakha Pablo tén han Bernabé, yakwayam enxoho kólántekkesek xa yókxexma nak.

LOS HECHOS 14:19

Chakhawók axta nahan apkelwokmo nápakha judíos apkeleñama Antioquía tén han apkeleñama m'a Iconio, apyakmagkásesek axta ektahakxa elchetamso apwáxók énxet'ák. Keñe axta kélyetna'a meteymog Pablo. Xama axta apcháneya yetsapak Pablo xa énxet'ák nak, nepyáwa tegma apwányam axta kélyensakmok.

LOS HECHOS 14:2

Wánxa agkok, apkelenxanakmek axta eyke énxet'ák judíos apteme axta apkelya'áseyam apmoko ellókasek ma'a énxet'ák metnaha nak judíos yakwayam enxoho kasók ekxeyenma apwáxók ma'a apkelyáxeg'a aptémo xamo' nak melya'áseyam.

ROMANOS 10:19

Ektahak makham selmaxneyeyncha'a s'e: ¿Enxeykel'a elya'ásegkok énxet'ák Israel xa? Hakte axta aptemék sekxo' appeywa Moisés se'e: “Ko'o sat kañék yakwayam kólnathak ma'a pók énxet'ák melya'áseyak nak Dios; allókasek sat ko'o kéxegke yakwayam kóltaknók ma'a énxet melya'áseyak nak aksok.”

2 CORINTIOS 5:20

Negko'o nenteme nenxeyenma amya'a eñama nak Cristo, máxa cha'a katnehek ma'a Dios apagko' enxoho apkeltémo kóltehek kéxegke xa, eñama m'a nenxeyenma nak negko'o. Ekeso eñamakxa neltamho nak negko'o kólásekhekxohok Dios yetlo nenxeyenma apwesey Cristo.

1 TESALONICENSES 2:16

Negmokók agkok cha'a negko'o óltennasha amya'a eñama Dios ma'a énxet'ák metnaha nak judíos yakwayam enxoho nahan elwagkasakpok teyp, wánxa agkok, meheghók eyke cha'a énxet'ák judíos. Cháxa ektahakxa nak ekyeykhágwokmoho apteme melya'asáxma xa. Kaxwo' eyke, wa'ak yakwayam ellegásesagkohok ekmaso agko' Dios xa énxet'ák nak.