SAN LUCAS 15:24 - Lengua Sur (Enxet) Nuevo Testamento

²⁴ Hakte apketsepmeyk axta s'e hatte nak, apxátekhágwokmek eyke kaxwo'; apxegáneykmek axta anhan, negwetákxeyk eyke kaxwo'.’ Apkeláneygkek axta anhan ektámáxche elpayhekxo apwáxók.

SAN LUCAS 15:24 ပူးပေါင်းရင်းမြစ်များ

SAN MATEO 8:22

Aptahak axta apchátegmowágko Jesús se'e: —Hétlawha ko'o, yoho kalatawónek apkeletsapma m'a nétsapma nak.

SAN MARCOS 8:22

Apkelwokmek axta tegma Betsaida, kélyentegkesek axta Jesús xama énxet meyke apakta'ák, kéltamhok axta anhan epaknegwomho'.

SAN LUCAS 10:19

Ekmések axta ko'o kéxegke kélmowána yakwayam kólteyammok yéwa, tén han yettaha', tén han kólmalánek nepyeseksa m'a kélenmexma nak yetlo meyke kéllegeykegkoho ekmáske xama enxoho.

SAN LUCAS 15:23

Kólyentementa' sat weyke kennawók étkok ekmelé, kólakha sat. ¡Anlának sat ektámáxche yakwayam kalpayhekxak egwáxok!

SAN LUCAS 15:25

“Yókxexma axta aptamháha apketche metnaha apketkok. Xama axta aptakháwo, apchágketchesakxeyk axta apxagkok, keñe axta apleg'a apkelpáwaso énxet, tén han ma'a eknéwomáxche.

SAN LUCAS 15:32

Payhawók eyke anlának ektámáxche, tén han kalpayhekxak egwáxok, hakte apxátekhágwokmek kaxwo' apyáxeg apketsapma axta; apxegáneykmek axta, negwetákxeyk eyke kaxwo'.’ ”

SAN LUCAS 15:4

“Apyetneyk agkok kéxegke kélnaktóso cien nekkések, keñe exyenmok xama, kólchexak aksa yókxexma m'a noventa y nueve nekkések nak, keñe kólchetmok ma'a nekkések apxegányam ekwokmoho kélwetákxo.

SAN LUCAS 19:10

Hakte apwa'ak axta aptaha nak Apketche énxet yakwayam elchetmok ma'a énxet'ák ektaha axta apkelxegányam, tén han elwagkasek teyp.

SAN LUCAS 9:60

Aptahak axta apchátegmowágko Jesús se'e: —Yoho kalatawónek apkeletsapma m'a nétsapma nak; exeg xép, eltennaha m'a aptémakxa nak Wese' apwányam Dios.

SAN JUAN 11:25

Keñe axta aptaha Jesús apcháneya Marta s'e: —Ko'o sekteme nennakxétekhágwayam tén han ekyennakte egnenyek. Enxet ektahakxa enxoho apteme mehey'áseyam ko'o, yetsapok sat eykhe, keynnakwók sat eyke apnenyek;

SAN JUAN 5:21

Apnakxétekháseykmek cha'a ko'o Táta m'a apkeletsapma axta, egkéshok nahan cha'a elyennakte apnenya'ák, hawók nahan aptémakxa nak Apketche apkelmeyáseykegko cha'a elyennakte apnenya'ák ma'a apmokókxa enxoho egkések.

ROMANOS 11:15

Sawheykxók agkok Dios segásekheykekxoho keso náxop, eñama m'a apkelyetnakhaso axta Dios énxet'ák judíos, ¿háxko katnehek apkelásekhákxoho enxoho makham Dios xa énxet'ák judíos? Elmekxak apkelyennakte m'a énxet apkeletsapma axta.

ROMANOS 12:15

Kalpayhekxa cha'a kélwáxok xamo' énxet'ák elpayheykekxa nak apwáxók, kóllekxagwaha nahan cha'a xamo' ma'a énxet'ák apkellekxagweykha nak.

ROMANOS 6:11

Ekhawo nak han kéxegkáxa, kaxén kélwáxok kéltemesásamáxkoho kélagko' máxa kélhapák neyseksa megkólenmexmo m'a mólya'asáxma nak, kaxének nahan kélwáxok kéltaha kélhaxnagcha'ak nápakto' ma'a Dios, eñama kélyepetcheyo m'a Cristo Jesús.

ROMANOS 6:13

Nágkólmés kélyókxa mólya'asáxma, yakwayam enxoho kóltemésesek elané aksok ekmaso, akke tásek kólmések kélyókxa m'a Dios, kélhawók kéxegke m'a énxet'ák apkeletsapma axta, kélhawók nahan ma'a ektémakxa nak apnakxétekhágwayam, kólmés kélyókxa m'a Dios yakwayam enxoho kóltemésesek elané aksok ektakmela kélyókxa.

ROMANOS 8:2

hakte ẽlhexyawáseykxeyk axta negko'o m'a segánamakxa eñama nak Espíritu, segmésamol'a cha'a ekyennakte egnenyek eñama negyepetcheyo Cristo Jesús, cham'a sẽlmoma axta m'a ektémakxa nak ekmowána mólya'asáxma, tén han sẽlhexyawáseykxo neyseksa m'a ektémakxa nak ekmowána nétsapma.

1 CORINTIOS 12:26

Legágkok agkok xama ekyetno nak negyókxa, kasawhaxkohok nahan ellegeykegkoho ekyókxoho nak, xakak agkok xama ekyetno negyókxa ekyawe agko' kélapeykha, kasawhaxkohok nahan elpayheykekxa awáxók ekyókxoho nak.

EFESIOS 2:1

Máxa kélhapák axta kéxegke nano', eñama m'a kéltémakxa ekmaso axta, tén han eñama m'a megkólya'asáxma axta,

EFESIOS 2:5

ékeso eñamakxa segmeyáseykxo nak ekyennakte egnenya'ák xamo' Cristo, cham'a nentémakxa axta makham máxa eghapák eñama m'a nentémakxa axta mólya'asáxma. Apmések axta aksa kéxegke Dios kélwagkásamáxche teyp eñama m'a ektémakxa nak segemleykekxoho.

EFESIOS 5:14

hakte elseyexma kapekkenekxak yáxñakxoho. Ekeso eñamakxa ektéma nak amya'a s'e: “Exatakha, xeyep ektaha nak apteyenma, exnekxa néten nepyeseksa énxet'ák ektaha nak apkeletsapma, Cristo sat yelsásesexma exchep.”

COLOSENSES 2:13

Máxa kélhapák axta kéltemék kéxegke nápakto' Dios nano' axta eñama m'a megkólya'asáxma axta, tén han eñama m'a megkólkahásamáxche axta kélyenyekhamol'a egyempehek; apmések eyke kaxwo' kéxegke Dios ekyennakte kélnenyek xamo' Cristo, cham'a Dios aptaha nak meyakmagkáseykekxa ekyókxoho ektémakxa mólya'asáxma.

1 TIMOTEO 5:6

Keñe m'a tampe' ekyetleykekxa enxoho aksok ekyespagko nak, máxa katnehek étsapma neyseksa ekyenneykha empehek.

SAN JUDAS 1:12

Hegmegkaksohok nahan cha'a negko'o xa énxet'ák nak, cham'a kélanchesákxexa enxoho kéxegke ẽlyáxeg'a apkelásekhamakpoho nak, hakte etawagkok aksa aptéyak, tén han énagkok aksa apyenéyak yetlo meyke elnawagko xama enxoho. Cháxa keláneykha nekkések aptaha nak wánxa apkeltakmelchásamákpekxoho apancha'awo' xa. Máxa anhan ma'a yaphopé meyke ekmámeyel'a, kaswok aksa exchahayam. Máxa anhan ma'a yámet megkeyxnol'a kawakxak ekyexnamakxa, cham'a étsapmo agko' la'a, ekweykmohol'a kepmenák kélpátekkeso.

APOCALIPSIS 3:1

“Etáxéses nahan xép Dios apchásenneykha nak ma'a apchakneykekxexa nak énxet tegma apwányam Sardis: ‘Keso aptahakxa nak appeywa apyetna nak siete espíritus apkeñama Dios se'e, cham'a apyetna nak han siete yaw'a: Ekya'ásegkok ko'o ekyókxoho aksok apkelané nak xép, ekya'ásegkok nahan apketsapma exchep, kélanagkamchek eykhe keynnakték apyempehek neyseksók apha.