SAN LUCAS 15:22 - Lengua Sur (Enxet) Nuevo Testamento

²² Wánxa agkok aptahak axta apcháneya apyap apkeláneykha s'e: ‘Kólhexyawásekxa heykxa apáwa apkeltakmela nak, kólántaxneyásekxa' sat se'e; kólatcheses sat nahan apophék nétcheso egaphék nak, kólatchesásekxa sat nahan apkeltéto apmagkok.

SAN LUCAS 15:22 ပူးပေါင်းရင်းမြစ်များ

SAN LUCAS 15:21

Aptahak axta appakhetchesa apyap wokma'ák se'e: ‘Táta, asagko' ko'o sektahakxa nápakto' Dios tén han nápakto' xép; megkapayhawok kaxwo' heltehek apketche.’

SAN LUCAS 15:23

Kólyentementa' sat weyke kennawók étkok ekmelé, kólakha sat. ¡Anlának sat ektámáxche yakwayam kalpayhekxak egwáxok!

ROMANOS 13:14

Kólteme kélahakkásamáxche Wese' egegkok Jesucristo, nágkóllána kaxwo' ma'a ektémakxa nak aksok ekmaso ekyespagko negyókxa.

ROMANOS 8:15

Axta kólxaweyk kéxegke espíritu yakwayam egkeyásekxak makham kélmeneykha ektémol'a énxet apkelmomap, wánxa m'a Espíritu aptemésesama nak kéxegke Dios apketchek. Espíritu nahan keñamak nentéma cha'a nempeywa s'e: “¡Táta!”

GÁLATAS 3:27

yakpasameygmen nahan keñamak kéltemésesama kéxegke kélyepetcheyo Cristo, kéltemék nahan kaxwo' kélahakkásamáxche kéxegke m'a Cristo.

EFESIOS 6:15

Kólpenaksoho kélatcháseykekxa kélatcheso kélmagkok, yakwayam enxoho kólxog kólsawha tásek amya'a segmésamo nak meyke ektahakxa egwáxok.

APOCALIPSIS 19:8

kel'awok axta kataxnekxak apáwa apkexyawáyo apcháxñeyo apagko'la'a, tén han ma'a apkelyenmeyakla'a, hakte cháxa apáwa apkexyawáyo nak ekyetchesamaxkoho m'a nentémakxa ekpéwomo nak, cham'a apkeltémakxa nak Dios énxet'ák apagkok.”

APOCALIPSIS 2:17

¡Kéxegke ekha nak kélheyk'ák, kóleyxho aptahakxa appeywa Espíritu kélakneykekxexa! Enxet'ák ektaha nak apkelmalanma agkések sat yakwayam etawagkok maná, cham'a kélpósamo nak; agkések sat nahan meteymog ekmopé, cham'a ektáxésamaxko nak kaxwé kélwesey meyke ekya'áseyak, wánxa aksa ey'asagkohok ma'a ektahakxa enxoho apxawé.’

APOCALIPSIS 3:18

Ekeso eñamakxa seltennasa nak xép seltamho etegyek sawo ekyátekto elyenma ekmomnáwa kélyamasmol'a neyseksa táxa yakwayam kólyenmaksek, eñama nak ko'o, yakwayam enxoho etnehek xép ekmámnaksoho ekxákma aksok apagkok; emenyék nahan ko'o etegyek xép aptaxno apmopé apkeñama nak ko'o, yakwayam enxoho etaxnekxa', yakwayam enxoho nahan kamaskok etnehek xép meyke apáwa segmegkasamo nak, emenyék nahan ko'o etegyek panakte eñama nak ko'o, yakwayam enxoho eltexnagkok apakta'ák keñe étekxak makháxma exchep.

APOCALIPSIS 6:11

Keñe axta kélmeyásegko apkelántaxno apkelmopé, kéltennásek axta peya sekxo' makham kóllókasesek apkelyampé yakwatakxoho, ekwokmoho aptahanyekxo ekwánxa apxámokma m'a apkelyáxeg'a yakwayam nak han etekyok eñama apkelané apkeltamheykha eñama nak Cristo, ekhawo aptamheykegkaxa axta xa énxet'ák nak.

APOCALIPSIS 7:9

Enmexawok axta ko'o natámen xa, ekwet'ak axta ko'o énxet apxámokma apyókxoho pók aptémakxa énxet nak, tén han ma'a móktémakxa nak apkelpakmeyesma. Amonye taháno ektakmalma axta apchakneykha m'a, nápakto' ma'a Nekkések Apketkok. Apxámok apagko' axta m'a, megkólwanchek axta kólyetsetek. Apkelmopé axta nahan apkelántaxno, áxa áwa' axta anhan apkelmeykha.