SAN LUCAS 14:21 - Lengua Sur (Enxet) Nuevo Testamento

²¹ Aptakháwok axta m'a wese' apchásenneykha nak, apkeltennásekxeyk axta wese' apagkok ekyókxoho xa ektahakxa axta apkelpakmeyesma énxet'ák. Keñe axta aplawa m'a wese'. Aptahak axta apcháneya apchásenneykha s'e: ‘Emhok heykxa m'a ámay nepyeseksa tegma nak, tén han ma'a ámay étkók apkelmaheykegkaxal'a énxet. Enaklanta sat énxet meyke aksok apagkok se'e, tén han ma'a énxet'ák apkelyelkamap nak, tén han ma'a énxet'ák meyke apakta'ák nak, tén han ma'a meyke aptapnák nak.’

SAN LUCAS 14:21 ပူးပေါင်းရင်းမြစ်များ

SAN MATEO 11:28

Helyo'óta' ko'o kélyókxoho kéxegke kéltaha nak kélyampayo eñama kéltamheykha tén han ekyentaxnamo nak kélha, ko'o sat allókasesek kélyampé.

SAN MATEO 11:5

Kóltennasha sat Juan apkelwetákxoxma énxet'ák meyke nak apakta'ák, keñe apkelxegákxo m'a énxet meyke aptapnák nak, keñe anhan apkeltakmelwokmo m'a énxet ektamhéyak nak negmasé ektepelchamáxche egyempehek, keñe anhan apkellegákxoxma m'a énxet'ák meyke apeyk'ák nak, keñe anhan apnakxétekhágwokmo m'a énxet'ák apkeletsapma axta, keñe anhan kéllegasa amya'a segwagkasamo teyp ma'a énxet'ák meyke nak aksok apagkok.

SAN MATEO 15:12

Keñe axta apya'aweykxo apkeltámeséyak Jesús. Aptahak axta apcháneya s'e: —Apkelnatha'awók énxet'ák fariseos apkelleg'a xa aptahakxa nak appeywa exchep.

SAN MATEO 18:31

Yetnakhásawók axta apwáxók apkelxegexma'a aptamheykha aptahakxa pók, apkeltennáseykxek axta wese' apagkok ekyókxoho ektahakxa.

SAN MATEO 20:7

Aptahak axta apkelátegmowágko s'e. ‘Méko eyke segmésama nentamheykha.’ Keñe axta aptaha apkeláneya s'e: ‘Kólmohok nahan kéxegkáxa kóltemeykha m'a seneykekxexa nak anmen yámet.’

SAN LUCAS 14:13

Kéllanak agkok kéxegke ektámáxche, Kóláneyha sat ma'a énxet meyke aksok apagkok nak, tén han ma'a énxet'ák apkelyelkamap nak, tén han ma'a meyke aptapnák nak, tén han ma'a meyke apakta'ák nak;

SAN LUCAS 14:20

Keñe axta pók aptaha s'e: ‘Kaxwo' xeyk elyamhápak ko'o, mowanchek axog.’

SAN LUCAS 14:22

Nano' axta entahak aptaha apcháneya wese' apagkok apchásenneykha s'e: ‘Wese', elanak xeyk ko'o m'a apkeltamhókxa exchek alának xép, awanhek eyke makháxma s'e.’

SAN LUCAS 14:24

Eltennásek ko'o peya metawagkok ektámáxche selané xa apmonye'e exchek seláneyeykha.’

SAN LUCAS 24:47

kóltennaha sat ekyókxoho yókxexma amya'a eñama nak Mesías, Jerusalén sat kólénhok sekxo', yakwayam enxoho elyakmagkasek apwáxók énxet'ák, yakwayam enxoho megkólyakmagkásekxék ma'a apkeltémakxa nak melya'asáxma.

SAN LUCAS 9:10

Xama axta apkelwákxo aphakxa Jesús ma'a apkeltámeséyak, apkeltennáseyha axta Jesús ma'a ektahakxa axta aksok apkeláneyak. Mók nekha axta apkelya'ásak Jesús apxakcha'awók xa, axta apkelya'áseykxak ma'a nátegma eltamhomaxchexa axta Betsaida.

SAN JUAN 9:39

Keñe axta aptaha appakmeta Jesús se'e: —Ekwa'ak axta ko'o keso náxop yakwayam enxoho atnehek selyekpelchémo énxet'ák, yakwayam enxoho anhan étekxaxma m'a énxet apteme nak meyke apakta'ák, yakwayam enxoho nahan etnekxak meyke apakta'ák ma'a énxet ekha nak apakta'ák.

HEBREOS 13:17

Kólyahakxoho cha'a m'a aptaha nak apkelámha apmonye'e kélagkok kélakneykekxexa. Kólteme cha'a m'a aptemésesakxa enxoho. Hakte mellókaseykmok apkelyampé apkeltakmelchesama kéxegke xa énxet'ák nak, apkelya'ásegkok nahan peya eltennaksek Dios ma'a ektémakxa nak apkeltamheykha. Nágkóltemésesamhóxma neyseksa apkeltamheykha, yakwayam enxoho kalpayhekxak apwáxók neyseksa apkeltamheykha. Hakte megkapasmek kéxegke m'a ektahakxa enxoho apkeltamheykha xa énxet'ák nak, cham'a kellapwagkasa enxoho.

HEBREOS 2:3

¿Háxko sat antehek ólegketaxchek negko'o mantakmelchesa enxoho m'a nelwagkásamáxche teyp ektaha nak ektakmela agko'? Wese' egegkok Jesús apagko' axta ektaha aplegaso apmonye xa nelwagkásamáxche teyp nak, axta senxekmóso negko'o ektaha ekmámnaksoho m'a énxet'ák ektaha axta apkellegé.

SANTIAGO 2:5

Elyáxeg selásekhayo, kóleyxho hana s'e: Apkelyésáha Dios ma'a ektaha nak meyke aksok apagkok keso náxop, yakwayam enxoho kayáwak melya'áseyam, yakwayam enxoho nahan exkekxak ma'a aptémakxa nak Wese' apwányam Dios, cham'a apxeyenma axta egkések Dios ma'a ektaha nak apkelásekhayo;

APOCALIPSIS 19:15

Sókwenakte ekmahanta axta nahan tépak apátog, yakwayam emha ellegásesagkohok ma'a apyókxoho pók aptémakxa énxet'ák nak. Wese' sat etnehek yetlo meyke apmopyósa elanok pók, etnehek sat nahan apkelyekpelchémo apyókxoho énxet ekhawo aptémakxal'a m'a ektaha nak apkelyakhapma anmen yámet ekyexna, elagkok sat nahan ma'a Dios aplo ekxegakmo nak ektémol'a agyenek vino, cham'a Dios meyke ekhémo nak.

APOCALIPSIS 22:17

Aptahak seyáneya Espíritu aptakmalma tén han Nekkések Apketkok aptáwa s'e: “¡Empoho!” Enxet ektahakxa enxoho aplegé etne nahan appeywa s'e: “Empoho” Hem agkok enchakhak énxet, cham'a, apmopmenyého nak ének yegmen, empoho eyhagwata s'e yegmen ekyennaktésamo nak egnenyek meyke ekyanmaga.