SAN LUCAS 14:13 - Lengua Sur (Enxet) Nuevo Testamento

¹³ Kéllanak agkok kéxegke ektámáxche, Kóláneyha sat ma'a énxet meyke aksok apagkok nak, tén han ma'a énxet'ák apkelyelkamap nak, tén han ma'a meyke aptapnák nak, tén han ma'a meyke apakta'ák nak;

SAN LUCAS 14:13 ပူးပေါင်းရင်းမြစ်များ

SAN MATEO 15:30

Apxámok axta énxet apkelwokmo m'a aphakxa axta Jesús. Apnaklókok axta anhan énxet meyke aptapnák, tén han ma'a meyke apakta'ák nak, tén han ma'a elyakseykekxa apmék nak, tén han ma'a meyke appeywa nak, tén han ma'a ekyókxoho ektémakxa nak apkelháxamap, kélnegkenwokmek axta apkenmágkaxa Jesús, keñe axta apkeltakmelchesekmo.

SAN MATEO 22:10

Apkelxegkek axta nahan xa wese' apkelásenneykha nak, apchánchesakxeyk axta apyókxoho énxet'ák ektaha axta apkelweté, elmasagcha'a apkeltémakxa, tén han ma'a ektakmela nak apkeltémakxa; keñe axta aplana énxet ma'a ektámáxchexa nento.

SAN LUCAS 11:41

Kólmés kéxegke énxet'ák meyke aksok apagkok ekyetno nak kañe', keñe sat kasawhaxkohok ekteme eláxñeyo.

SAN LUCAS 14:12

Aptahak axta anhan apcháneya Jesús énxet ektaha axta apcháneyeykha s'e: —Kéllanak agkok kéxegke ektámáxche, esenhan ma'a nento ektámáxche taxnamla'a, nágkóláneyha aksa kélnámokkok kélásekhayókxa nak, tén han ma'a kélyáxeg, tén han ma'a kélteme kélnámokkok nak, tén han ma'a kelwese'e kélhóxo nak, hakte yáneyha sat nahan kéxegkáxa xa énxet'ák nak, cháxa kélxaka kéxegke ekyakmageykekxa eñama kélteme xa.

SAN LUCAS 14:14

kapayhekxak sat nahan kélwáxók, hakte mopwancha'ak eyanmagkasesek kéxegke xa énxet'ák nak, keytek sat eyke kéxegke ekyakmageykekxa kéltahakxa m'a ekhem apnakxétekhágwokmo sat énxet'ák apkelpéwomo nak.

SAN LUCAS 14:21

Aptakháwok axta m'a wese' apchásenneykha nak, apkeltennásekxeyk axta wese' apagkok ekyókxoho xa ektahakxa axta apkelpakmeyesma énxet'ák. Keñe axta aplawa m'a wese'. Aptahak axta apcháneya apchásenneykha s'e: ‘Emhok heykxa m'a ámay nepyeseksa tegma nak, tén han ma'a ámay étkók apkelmaheykegkaxal'a énxet. Enaklanta sat énxet meyke aksok apagkok se'e, tén han ma'a énxet'ák apkelyelkamap nak, tén han ma'a énxet'ák meyke apakta'ák nak, tén han ma'a meyke aptapnák nak.’

LOS HECHOS 9:39

Apkelyetlákxeyk axta Pedro xa énxet'ák nak. Xama axta apkelwákxo m'a, kélyentamákxeyk axta Pedro kañe' tegma netno' ekyetnakxa axta ápak xa kelán'a nak; wakha'ak axta kelán'ák tampe' apkenmágkaxa Pedro. Kellekxagweyha axta ekxekmósa Pedro m'a apáwa tén han ma'a apáwa kéltaxno elané axta Dorcas ekyennaktamakxa.

1 TIMOTEO 3:2

Ekeso eñamakxa eyéméxko nak etnehek meyke kélxéncháseykekxoho aptémakxa énxet ektaha nak apxegkeso kélakneykekxexa, kéméxchek etnehek wánxa xama aptáwa, etnehek nahan apmopwána apkeláneykegkoho aptémakxa, etnehek nahan ekha apya'áseykegkoho, etnehek nahan ektakmela aptémakxa. Kéméxchek cha'a emok takha' pók exnésók ma'a apxagkok; kéméxchek nahan etnehek ma'a apmopwána nak elxekmósek apnámokkok;

1 TIMOTEO 5:10

Kéméxchek nahan kólya'asagkohok ektakmela axta ektémakxa, tén han ma'a ektakmela enxoho éktegkeso étchek, tén han ma'a ekteme enxoho elápeykha ektaha apkelwayam axagkok, tén han ma'a elyenyesesamo enxoho apmagkok énxet'ák apteme nak melya'áseyam, tén han ma'a ekpasmoma enxoho m'a énxet'ák apkellegeykegkoho nak, tén han elenxáneykmoho enxoho elané m'a ekyókxoho ektémakxa nak nentamheykha ektakmela.

TITO 1:8

Wánxa agkok, kéméxchek cha'a emok takha pók exnésók ma'a apxagkok, tén han etnehek ma'a énxet ektakmela nak aptémakxa, cham'a apmopwána nak elanagkohok aptémakxa, kéméxchek nahan etnehek ma'a ekpéwomo nak aptémakxa, etnehek nahan appagkanchásamap Dios, etnehek nahan cha'a meyenseyam apkelané aptamheykha.

FILEMÓN 1:7

Awanhok agko' ko'o ekpayheykekxa ewáxok, ekwaskápekxók nahan eñama m'a ektémakxa nak sẽlásekhayo exchep, eyáxeg, xép keñamak kélpeykesásekxo apwáxók apyókxoho énxet'ák apteme nak melya'áseyam.

HEBREOS 13:2

Nágkalwagkamák ma'a ektémakxa nak cha'a kélapeykha ektaha nak apkelwayam kélxagkok, hakte nápakha énxet nahan aphésakmohok cha'a apxagkok Dios apchásenneykha neyseksa mey'áseyak.