SAN LUCAS 14:11 - Lengua Sur (Enxet) Nuevo Testamento

¹¹ Hakte kéxegke ektahakxa enxoho kéltémo kólawho nepyeseksa kélnámokkok, mékoho sat kóltemesásekxa', keñe sat kéxegke kéltemesásamáxche nak mékoho, ekha kéláyo sat kóltemesásekxa'.

SAN LUCAS 14:11 ပူးပေါင်းရင်းမြစ်များ

SAN MATEO 23:12

Kéxegke ektahakxa enxoho kéltémo kólawho nepyeseksa kélnámokkok, mékoho sat kóltemesásekxa'; keñe sat kéxegke kéltemesásamáxche nak mékoho, ekha kéláyo sat kóltemesásekxa'.

SAN LUCAS 1:51

Ekyókxoho apmopwána axta apmáha aptamheyncha'a apkexpánchesa m'a énxet'ák eleymáxkoho nak apwáxók yetlo m'a ektémakxa axta ekxéneykha apwáxók yakweykenxa etnahagkok.

SAN LUCAS 1:52

Apkelántekkesek axta apheykegkaxa néten apkeltaháno m'a kelwese'e apkelwányam nak, keñe axta aptemesáseykxo néten ma'a énxet'ák meyke apkeleymákpoho nak

SAN LUCAS 14:12

Aptahak axta anhan apcháneya Jesús énxet ektaha axta apcháneyeykha s'e: —Kéllanak agkok kéxegke ektámáxche, esenhan ma'a nento ektámáxche taxnamla'a, nágkóláneyha aksa kélnámokkok kélásekhayókxa nak, tén han ma'a kélyáxeg, tén han ma'a kélteme kélnámokkok nak, tén han ma'a kelwese'e kélhóxo nak, hakte yáneyha sat nahan kéxegkáxa xa énxet'ák nak, cháxa kélxaka kéxegke ekyakmageykekxa eñama kélteme xa.

SAN LUCAS 18:14

Eltennásek ko'o kéxegke aptakhákxo apxagkok yetlo meyakmagkáseykekxa Dios aptémakxa mey'asáxma xa énxet apkelmomo axta cha'a selyakye yakwayam kólmések wese' Roma, axta kaxnók ma'a énxet fariseo. Hakte kéxegke ektahakxa enxoho kéltémo kólawho nepyeseksa kélnámokkok, mékoho sat kóltemesásekxa'; keñe sat kéxegke kéltemesásamáxche nak mékoho, ekha kéláyo sat kóltemesásekxa'.”

SANTIAGO 1:9

Egyáxeg apteme enxoho meyke aksok apagkok, kéméxchek kapayhekxak aksa apwáxok ma'a aptemésesa enxoho Dios néten nepyeseksa apnámokkok;

SANTIAGO 4:10

Kólteme megkeymáxkoho kélwáxok nápakto' Wese' egegkok Dios, keñe sat nahan etnésesek kéxegke Dios néten nepyeseksa kélnámokkok.

SANTIAGO 4:6

Empasmeyk eyke cha'a negko'o Dios yetlo segásekhayo, hakte temegkek eknaktáxésamaxche s'e: “Apkenmexchek cha'a Dios ma'a énxet'ák apkeleymákpoho nak, appasmeyk eyke cha'a Dios yetlo apkelásekhayo m'a énxet'ák megkaleymáxkoho nak apwáxók.”

1 SAN PEDRO 5:5

Hawók nahan kéxegkáxa wokma'ák nak, kólteme cha'a kélyaheykekxoho m'a apkelwányam kélagkok nak. Negyókxoho cha'a kéméxchek antehek nelyaheykekxoho egmók, yetlo megkeymáxkoho egwáxok, hakte: “Apkelmexchek cha'a Dios ma'a énxet'ák apkeleymákpoho nak, wánxa agkok, appasmeyk eyke cha'a yetlo apchásekhayo m'a énxet'ák meleymákpoho nak.”

1 SAN PEDRO 5:6

Kólteme cha'a megkóleymáxkoho nápakto' Dios, ekha nak apmopwána hegmeyók, yakwayam enxoho etnésesek kéxegke ekha kéláyo Dios, cham'a ekwokmo enxoho ekhem ekxénakxa apwáxok etnésesek.