SAN LUCAS 13:24 - Lengua Sur (Enxet) Nuevo Testamento

²⁴ Kóllenxánem kólántexek ma'a ektahakxa nak ketsék átog; hakte eltennásek ko'o kéxegke apxáma eykhe énxet apmáheyo elántexek, mopwancha'ak sat eyke elántexek.

SAN LUCAS 13:24 ပူးပေါင်းရင်းမြစ်များ

SAN MATEO 11:12

“Apkellegágkok makham Dios énxet'ák apagkok ekwokmoho keso kaxwo' nak, eyeynamókxa axta m'a apwaya axta Juan el Bautista. Keñe m'a énxet apchásenneykekxa nak apkelyennakte apkelenxáneykmek emasésók ma'a aptémakxa nak Wese' apwányam Dios.

SAN LUCAS 13:23

Xama énxet axta aptahak apkelmaxneyeykha s'e: —Wese', ¿apkántawoya énxet yakwayam elwagkasakpok teyp? Aptahak axta apchátegmowágko Jesús se'e:

SAN LUCAS 21:36

Kóllánekxa kéltahakxa kéxegke, nágkólyensem kélteme nempeywa nelmaxnagko, yakwayam enxoho kólegketaxchek kéxegke neyseksa ekyókxoho xa aksok peya nak katnehek, yakwayam enxoho anhan kólchánwók nápakto' ma'a aptaha nak Apketche énxet.”

SAN JUAN 13:33

Etchek selásekháyo, megkawegkók sat cha'a ko'o sekha kélnepyeseksa kéxegke. Hélchetmok sat kéxegke, hawók ektahakxa axta seláneya énxet'ák judíos se'e sektahakxa nak seláneya kéxegke: Megkólwanchek sat kólmahagkok ma'a yakwánxa nak amhagkok ko'o.

SAN JUAN 5:4

Apwa'akteyk axta agkok cha'a Dios apchásenneykha m'a ekhó yammáxek nak, keñe axta cha'a kalpaktépok yegmen, etakmelwók axta nahan cha'a énxet apháxamap ektaha enxoho apmonye kéltaxnéso yegmen, kamaskok ma'a ektémakxa enxoho apháxamap.

SAN JUAN 6:27

Nágkóltemeykha aksa yakwayam kóltegyek ma'a nento eksawhomáxkohol'a, akke tásek kóltemeykha yakwayam kóltegyek ma'a nento ekyennaktésamo nak egnenyek ektaha nak han megkamassegwayam. Cháxa nento peya nak egkések kéxegke ektaha nak Apketche énxet xa, hakte apkelkahásek axta Dios Egyap xa.

SAN JUAN 7:34

Hélchetmok sat kéxegke, mehelwetekxeyk sat eyke, hakte megkólwanchek sat kólmahagkok ma'a yakwánxa nak axek ko'o.

SAN JUAN 8:21

Aptahak axta makham Jesús apkeláneya énxet'ák se'e: —Axog sat ko'o, helchetmok sat kéxegke, wánxa agkok kóletsapok sat eyke kéxegke neyseksa kéllané megkólya'asáxma. Megkólwanchek sat kólmahagkok kéxegke m'a yakwánxa nak amhagkok ko'o.

ROMANOS 10:3

Melya'ásegkok ektémakxa m'a senteméseso nak nelpéwomo Dios, elenxanmok nahan cha'a eltemésesakpohok apancha'awok apkelpéwomo eñama m'a apkeltémakxa nak, melyaheykekxohok ma'a sempekkenchesama axta Dios yakwayam hentemésesek nelpéwomo.

COLOSENSES 1:29

Ekeso eñamakxa sekwaskápeykxoho nak sektamheykha yetlo sekyennakte, tén han sekmowána, ektaha nak cha'a segkéso m'a Cristo.

HEBREOS 4:11

Kéméxchek cha'a ólwaskápekxohok yakwayam ólántexek xa yakwánxa nak hẽllókasesek nelyampé Dios, yakwayam enxoho méko keytlakxak apkeltémakxa axta m'a énxet'ák apkelya'áseykmo axta.

2 SAN PEDRO 1:10

Elyáxeg kólenxánem keytek kélwáxok kéxegke xa hakte apkelwóneyha axta kéxegke Dios, apkelyésáha axta anhan kéxegke. Kéltemék agkok xa ektaha nak, megkóltemekxék sat cha'a.