SAN LUCAS 13:15 - Lengua Sur (Enxet) Nuevo Testamento

¹⁵ Aptahak axta apcháneya Wese' egegkok se'e: —Kéxegke kélmeyókásamáxkoho nak kéltémakxa, ¿Megkóllekkeseya kéxegke táma weyke kéltóso, yámelyeheykok esenhan, cham'a ekhem nellókasamakxa nak nelyampé, yakwayam enxoho kólágwakxak yegmen?

SAN LUCAS 13:15 ပူးပေါင်းရင်းမြစ်များ

SAN MATEO 15:14

Kólho aksa, énxet'ák meyke apakta'ák xa, cháxa appeykesáseykegkohol'a apxega pók meyke apakta'ák xa. Appeykesásegkek agkok apxega pók énxet meyke apakta'ák ma'a aptémo xamo' nak meyke apakta'ák, apkánet epalegmak kañe' máxek.

SAN MATEO 15:7

¡Kéxegke kélmeyókásamáxkoho nak kéltémakxa! Apchakhásesamók kéltémakxa kéxegke Isaías aptaha axta Dios appeywa aplegaso, aptéma axta appeywa s'e:

SAN MATEO 23:13

“¡Kéxegkel'aye kéltaha nak kélxekmóso kélnámokkok ektémakxa segánamakxa, tén han kéxegke kéltaha nak fariseos, kéltaha nak kélmeyókásamáxkoho kélagko' kéltémakxa! Megkólhayók nahan kéxegke elántexek énxet ma'a aptémakxa nak Wese' apwányam Dios. Megkólántaxnók nahan kéxegkáxa, megkólhayók nahan elántexek énxet apmáheyo neykhe elántexek.

SAN MATEO 23:28

Cháxa kéltémakxa nak kéxegke xa, máxa kóltehek ektakmela enxoho kéltémakxa nápakta'awo' énxet'ák, keñe kalánhok kélmeyókásamáxkoho kélagko' kéltémakxa m'a kañe' kélwáxok, tén han ma'a ekmaso nak kéltémakxa.

SAN MATEO 7:5

¡Kéxegke kélmeyókásamáxkoho nak kéltémakxa! Kóllek sekxo' kéxegke xa ekyéxakxo ekyawe nak, keñe sat katakmelek kélweté yakwayam kóllekkesek pa'at nekha ekyéxakxo m'a kélyáxeg.

SAN LUCAS 12:1

Apchaknákxeyk axta énxet apxámokma apagko', apkelyegeykpok axta cha'a. Apchénawók axta apkeltenneykha Jesús. Apkeltámeséyak axta sekxo' aptahak apkeláneya s'e: “Kólawho kéxegke fariseos kempáseyak apagkok, cham'a apkelmeyókasamákpoho nak apkeltémakxa.

SAN LUCAS 14:5

Aptahak axta anhan Jesús apkeláneya énxet'ák fariseos s'e: —Apteyekmek agkok kéxegke kélketche kañe' yámelchet esenhan ma'a weyke kéltóso nak, ¿Megkólleyheya heykxa eyakhawo enxoho m'a ekhem nellókasamakxa nak nelyampé?

SAN LUCAS 6:42

Agkok kólyekpelchak kéxegke ekyetna yámet nekha ekyawe ekyéxakxo kélaktek, ¿Yaksak ektaha megkólaka nak kéltaha kéláneya kélyáxeg se'e?: ‘Egyáxeg, hegho anlekkesek ekyéxakxo pa'at nekha ekyetna nak kélaktek’? ¡Kéxegke kélmeyókásamáxkoho nak kéltémakxa. Kóllek sekxo' yámet nekha ekyawe ekyéxakxo ekyetna nak kélaktek, keñe sat kólewának kóllekkesek pa'at nekha ekyéxakxo m'a kélyáxeg!

SAN LUCAS 7:13

Xama axta apwet'a Wese' egegkok ma'a tampe' nak, ayósek axta apkelano. Aptahak axta apcháneya s'e: —Nágkalekxagwaha.

SAN LUCAS 7:19

apkeláphásek axta anhan aphakxa Jesús, yakwayam etnehek apkelmaxneyeykha s'e: —¿Xépya nakso' apxénamakpo axta ewa', pók énxet enxeykel'a makham anleyxek?