SAN LUCAS 13:12 - Lengua Sur (Enxet) Nuevo Testamento

¹² Xama axta apwet'a Jesús xa kelán'a nak, apwóneyha axta, aptahak axta apcháneya s'e: —Kelán'a, yenyókek kaxwo' ma'a ektémakxa axta ekháxamáxche.

SAN LUCAS 13:12 ပူးပေါင်းရင်းမြစ်များ

SAN MATEO 4:23

Apsawhekxók axta apweynchámeykha Jesús ma'a yókxexma Galilea, elxekmóshok axta cha'a énxet'ák apchakneykekxexa judíos ekyókxoho yókxexma. Eltennaha axta cha'a tásek amya'a ekxeyenma m'a aptémakxa nak Wese' apwányam Dios, eltakmelchesamhok axta cha'a énxet ekxámokxoho ektémakxa nak apkelháxamap, tén han ma'a ekyókxoho ektémakxa nak apkellegeykegkoho ekmáske.

SAN MATEO 8:16

Xama axta ekyaktésa, kélnaklókasek axta Jesús apxámokma énxet kelyekhama' elántaxno apwáxók; xama appeywa axta cha'a aptahak apkelántekkesa m'a kelyekhama', apkeltakmelchesakmek axta nahan Jesús apyókxoho énxet'ák apkelháxamap.

SAN LUCAS 13:11

xama kelán'a axta anhan eghak ma'a ekweykmo axta dieciocho apyeyam ekháxamáxche. Espíritu ekmaso axta ekteméseso ékhé, yawanchek axta kapewhok katnamha xama enxoho.

SAN LUCAS 13:13

Appaknegwokmók axta Jesús xa kelán'a nak. Yetlókók axta anhan ekmowána kapewhok katnamha, keltemésesek axta anhan apcheymákpoho Dios.

SAN LUCAS 13:16

Hakte Abraham aptáwen neptámen se'e kelán'a nak, dieciocho apyeyam nahan weykmok ekteméseso Satanás xa ektémakxa nak ekháxamáxche. Payhawók agmasésesek ektémakxa ekháxamáxche ekhem nellókasamakxa nelyampé xa kelán'a nak.