SAN LUCAS 12:48 - Lengua Sur (Enxet) Nuevo Testamento

⁴⁸ Wánxa agkok, asextók sat eyke katnehek kéllegasáseykegkoho wese' apkeláneykha apkelané nak aksok neyseksa mey'áseyak, cham'a ekpayhawo neykhe kóllegásesagkohok. Enxet apxawé nak ekyawe apya'áseyak, awanhek sat nahan katnehek kéltémo etneykha; énxet kélásennagko nak yakwayam etneykha, kólyateyagkohok kélagko' sat nahan kólának eyanchesagkohok ma'a aptamheykha.

SAN LUCAS 12:48 ပူးပေါင်းရင်းမြစ်များ

SAN MATEO 13:12

Kéxegke ekyetnakxa enxoho aksok, kólmeyásekxohok sat makham mók, kayeykhágwomok sat nahan; keñe kéxegke meyke nak aksok, kóltápexcháseshok sat kólyementemekxak ma'a ekyetnakxa enxoho, antawók eykhe katnehek.

SAN MATEO 23:14

Kéxegkel'aye kélxekmóso nak kélnámokkok ektémakxa segánamakxa, tén han kéxegke kéltaha nak fariseos, kéltaha nak kélmeyókásamáxkoho kéltémakxa, hakte kólyementamhok cha'a kéxegke axanák ma'a kelán'ák tampe' nak, kólwenaktéshok nahan cha'a nempeywa nelmaxnagko yakwayam megkeykpelchexchek kéltahakxa. Ekeso eñamakxa peya nak kólxawak kéxegke ekyawe kéllegasáseykegkoho.

SAN LUCAS 12:41

Aptahak axta apkelmaxneyeyncha'a Pedro s'e: —Wese', ¿negko'oya aksa ẽltennáseyha xa aksok apyetcháseykekxoho nak, apyókxoho énxet enxeykel'a?

SAN LUCAS 12:49

“Ekwa'ak axta ko'o seksókmoho táxa yakwayam ayensak keso náxop; eltamhok eykhe ko'o kálewak heykxa xa táxa nak.

SAN LUCAS 16:2

Apwóneyha axta wese' apagkok xa apkemha apmonye apkeláneykha nak. Aptahak axta apcháneya s'e: ‘¿Yaksak aksok apkeláneya sekleg'a axta amya'a apxénákpo exchep? Hexekmos ko'o weykcha'áhak ektémakxa axta aptamheykha, hakte kamaskok sat aptaha apkemha apmonye ahagkok xép.

SAN JUAN 15:22

“Axta agkok axegakmok ko'o yakwayam altennasha xa énxet'ák nak, méko axta katnehek apkelsexnánémap. Kaxwo' eyke mopwanchek exének mey'ásegko m'a aksok apkelané nak ektaha mey'asáxma;

LOS HECHOS 17:30

Axta yenmexmók Dios ektémakxa axta melya'áseyak aksok énxet'ák nano' axta, kaxwo' eyke apkeltamhok negko'o agyakmagkasek egwáxok Dios negyókxoho nak, tén han ma'a ekyókxoho yókxexma nak.

1 TIMOTEO 1:11

Cháxa nelxekmowásamáxche sẽlxekmósama nak tásek amya'a ektaha nak amya'a ektakmela xa, cháxa seyásennagkama nak ko'o Dios aptakmalma añeksek xa.

1 TIMOTEO 1:13

neyseksa axta eykhe enmexeykha sekpeywa Dios, ekyakmáseykha axta anhan, ekwanyeykha axta anhan, wánxa agkok, axta eyke eyakmagkásekxak sektémakxa ko'o Dios, hakte matnamakxa axta makham ko'o may'áseyam ma'a, axta anhan ay'áseykegkok ko'o m'a aksok seláneya axta.

1 TIMOTEO 6:20

Xép, Timoteo, etakmelches ma'a aptamheykha apxaka axta exchep. Nágyeyxho aksa exchep ektémakxa nak amya'a eñama keso náxop ektaha nak han mékoho, nágyeyxho nahan ma'a kélya'ásegwayam megkamámnaksoho ekxénamaxkoho nak ektaha negya'ásegwayam.

TITO 1:3

Elya'asásegwokmek eyke kaxwo' negko'o Dios keso negwánxa nak, cham'a ektémakxa nak appeywa, eñama m'a kéltenneykha nak tásek amya'a, cham'a seyánémaxko axta anhan ko'o xa altennaha, eñama apkeltémo m'a Dios segwagkasamo nak teyp.

SANTIAGO 3:1

Elyáxeg, nágkólho aksa exámak kélnepyeseksa kéxegke m'a énxet'ák apkelxekmóso nak apnámokkok, hakte kélya'ásegkok kéxegke negko'o nentaha nak nelxekmóso ennámokkok peya hẽlyekpelcháseshok ekyentaxno agko', megkaxók sat ma'a pók énxet'ák nak.