SAN LUCAS 12:4 - Lengua Sur (Enxet) Nuevo Testamento

⁴ “Kéxegke eltennásak se'e enámokkok selásekhayo: nágkólé' aksa énxet apmopwána nak hegakhek, hakte mopwanchek hegakhekxak cha'a natámen segakhe.

SAN LUCAS 12:4 ပူးပေါင်းရင်းမြစ်များ

SAN MATEO 10:28

Nágkólé' aksa kéxegke énxet apmopwána nak hegakhek, mopwanchek eyke yakhek ma'a eghagák; akke tásek kólé' ma'a apmopwána nak yakhek negyókxa tén han ma'a eghagák, cham'a sẽlmaséseykenxa nak.

SAN JUAN 15:13

Cha'a negásekhayo ekyawe agko' ma'a negmáheyo nak ótsapok ekyanmaga egnámokkok.

LOS HECHOS 20:24

Wánxa agkok, megkaxeyenmak ko'o ewáxok se'e ektémakxa nak sekyennakte, akke enxéneykha cha'a ko'o ewáxok alenxanmohok ma'a ektémakxa nak selteyásamáxche yetlo ekpayheykekxa ewáxok ekwokmoho sekwokmo néxa, tén han asawhohok alának ma'a Wese' egegkok Jesús axta seyásennagko altennaha amya'a ektakmela eñama nak Dios segásekhayo.

LOS HECHOS 4:13

Xama axta apkelwet'a ektahakxa axta megyeseykekxa apkeltenneykha Pedro, tén han Juan, apkelya'ásegwokmek axta aptaha énxet meyke apkelmopwancha'a tén han meyke kélxekmóso, pelakkasek axta nahan apkelwet'a xa énxet'ák nak, xénwokmek axta nahan apwáxók aptaha Jesús apkeltámeséyak.

FILIPENSES 1:28

Nágkólho aksa elyegwakkasek kéxegke m'a kélenmexma nak. Kéltemék agkok xa, elyekpelchágwók sat ektakmela agko' peya elmahagkok kélmaséseykenxa xa énxet'ák nak, keñe kéxegke peya kólwagkasaxchek teyp. Dios keñamak xa.

SANTIAGO 2:23

Cháxa ektahakxa axta ektaha m'a ektémakxa nak eknaktáxésamaxche s'e: “Aptemegkek axta mey'áseyam Dios Abraham, ékeso eñamakxa apxéna axta Dios aptaha appéwomo Abraham.” Apkeltamhomakpek axta nahan Abraham Dios apteme pók.

1 SAN PEDRO 3:14

Peyk agkok kóllegagkohok makham kéxegke eñama kéllané m'a kéltémakxa ekpéwomo nak, kéleñémo sat kóltehek kéxegke. Nágkólé' aksa xama énxet enxoho, nágkatneykha nahan kélwáxok,

APOCALIPSIS 2:10

Nágyé' aksa m'a yakwánxa nak katnehek aplegeykegkoho exchep, hakte kañe' sẽlpextétamakxa sat kaxatmok kéxegke kélnápakha kelyekhama', yakwayam enxoho keykkónaxchek kéxegke m'a ektémakxa nak megkólya'áseyam; kóllegagkohok sat kéxegke ekweykmoho diez ekhem. Elenxanmoho exchep apyennaktésamo apteme mey'áseyam, nágyeyx ma'a peya enxoho emátog, agkések sat xép sekméso naksa ekyennakte apnenyek.