SAN LUCAS 12:37 - Lengua Sur (Enxet) Nuevo Testamento

³⁷ Apkeleñémo apagko' wese' apkeláneykha apwakto enxoho m'a wese' apagkok, cham'a apwetágwakto enxoho menaktena. Yának sat nahan exmakha wese' apagkok ma'a nekha mésa, keñe sat elagkok aptéyak. Nakso' xa sektahakxa nak seláneya kéxegke.

SAN LUCAS 12:37 ပူးပေါင်းရင်းမြစ်များ

SAN MATEO 24:42

“Kólleyxmakha kéxegke, hakte megkólya'ásegkok ekwánxa ekhem yakwánxa ewatak Wese' kélagkok.

SAN LUCAS 12:36

Kólteme kéxegkáxa m'a aptamheykegkaxal'a wese' apkeláneykha apkelhaxanmol'a ewatak wese' apagkok yenyentak elánéxchexa sẽlyamhopma, yakwayam enxoho emeykesesek átog ekmanyehe agko', cham'a aptekpagwakto enxoho átog apwa'akto m'a wese'.

SAN LUCAS 12:43

Apkeleñémo agko' énxet kélásenneykha apwetágweykxo enxoho wese' apagkok apkelana m'a apkeltamhókxa axta etnehek.

SAN LUCAS 17:8

Megkóltehek kólának xa, wánxa aksa kóltehek kólának se'e: ‘Helanés sat sekto, elánekxa aptahakxa yakwayam hesantegkesek cha'a aksok neyseksa sekto sekto tén han neyseksa sekya s'e sekya nak. Keñe sat etwok xép axayo'.’

SAN LUCAS 21:36

Kóllánekxa kéltahakxa kéxegke, nágkólyensem kélteme nempeywa nelmaxnagko, yakwayam enxoho kólegketaxchek kéxegke neyseksa ekyókxoho xa aksok peya nak katnehek, yakwayam enxoho anhan kólchánwók nápakto' ma'a aptaha nak Apketche énxet.”

SAN LUCAS 22:27

¿Yaksak ektahakxa ekyawe kéláyo nepyeseksa xa apkánet nak? ¿Keya m'a aphamol'a nekha mésa etwok apto, enxeykel'a m'a kélásenneykencha'awol'a esantak nento néten mésa? ¿Háwe enxeykel'a m'a aphamol'a nekha mésa etwok apto? Wánxa agkok, ekheyk eyke ko'o kélnepyeseksa kéxegke sekyetchásamáxkoho m'a énxet kélásenneykhal'a.

SAN JUAN 12:26

Enxet ektahakxa enxoho apmáheyo etnehek seláneykha ko'o, hetlawha sat; exnók sat nahan ma'a sekhámxa enxoho. Táta sat egkések yakwayam kóltehek kéláyo m'a énxet apteme nak seláneykha ko'o.

1 CORINTIOS 2:9

Wánxa agkok, temegkek eyke eknaktáxésamaxche weykcha'áhak se'e: “Apkelanesákxek axta aksok Dios ma'a énxet'ák apkelásekhayókxa nak, cham'a aksok megkótémaxko nak, tén han ma'a megkañamáxko nak, tén han ma'a megkaxéneykencha'a nak egwáxok”.

FILIPENSES 1:21

Cristo ko'o yakwayam altemésesek apcheymákpoho s'e sekha nak makham, keñe sat katyapok aksok eltakmela m'a sétsapa enxoho.

FILIPENSES 1:23

Eyapagkánexchek ko'o alyésha xa ánet nak. Mók ekxeyenma ewáxok nahan, emenyék watsapok yakwayam axhok xamo' Cristo, hakte xénchek ko'o ewáxok ektakmela agko' hetnehek ko'o xa ektaha nak.

2 SAN PEDRO 1:11

Sat kañék kélhayo kólántexek kéxegke yetlo kélapeykha m'a aptémakxa nak wese' apwányam megkatnegwayam enéxa m'a Wese' egegkok Jesucristo segwagkasamo nak teyp.

2 SAN PEDRO 3:14

Elyáxeg selásekhayo, kóllenxánem cha'a yakwayam enxoho elwetágwatak kéxegke Dios ekyetna meyke ektahakxa kélwáxok, tén han meyke elenchahamaxche kéltémakxa ekmaso, tén han meyke kélsexnánemaxche, neyseksa kélhaxanma katnehek xa.

APOCALIPSIS 14:13

Keñe axta sekleg'a ko'o kélpeywa eñama néten. Entahak axta amya'a s'e: “Etne aptáxéso s'e: ‘Apkeleñémo agko' kaxwo' énxet'ák peya nak eletsapok eñama apkelyepetcheyo Wese' egegkok. Apkeleñémo agko' sat nahan ma'a egmonye sat’ ” “Nakso', —aptahak Espíritu—, kamaskok sat apkeltamheyncha'a, hakte pasmomchek ma'a ektémakxa axta apkeltamheykha.”

APOCALIPSIS 16:15

“Kóllano hana, exyekmek ko'o mehelháxanmakxoho ekhawo aptémakxal'a apmenyexma. Apkeleñémo agko' énxet ektaha nak apkelhaxneykha, tén han ma'a apkeláneykekxa nak apkelnakta yakwayam elántaxnekxa', yakwayam enxoho nahan metyesha meyke apáwa tén han megkataxchek ma'a segmegkasamo nak.”

APOCALIPSIS 3:21

Enxet'ák ektahakxa enxoho apkelmalanma, agkések sat ko'o yakwayam exek nekha sektáhano sekhamakxa nak, ekhawo ektémakxa axta ko'o xa sekmalanmá, ekhákxek axta m'a nekha aphamakxa nak Táta.

APOCALIPSIS 7:17

hakte eltakmelchesek sat ma'a Nekkések Apketkok apha nak ma'a néten aptaháno ektakmalma nak, ekhawo aptemésesamakxa nak apkeltakmelchesama m'a nekkések. Enaklók sat nahan ma'a ekteyapmakxa nak yegmen ekyennaktésamo nak egnenyek. Dios sat nahan emasésesek apaktek égmenek xa énxet'ák nak.”