SAN LUCAS 12:33 - Lengua Sur (Enxet) Nuevo Testamento

³³ Kólchexeykxa aksok kélagkok, kólmés ma'a énxet meyke nak aksok apagkok; kóllenxánem kólwetak ma'a yágkentamáhak megkatné nak ápak, tén han kólxámasagkok aksok kélagkok meyke néxa m'a néten, cham'a megkapwagkexa nak etxek énxet apmenyexma tén han megkatamakxa nak cha'a aksok askok.

SAN LUCAS 12:33 ပူးပေါင်းရင်းမြစ်များ

SAN MATEO 19:21

Aptahak axta apchátegmowágko Jesús se'e: —Apmokók agkok xép etnehek appéwomo, exeg, ekxeykxa m'a aksok apagkok ekyetna nak xép, elmésák ma'a énxet meyke nak aksok apagkok, keñe sat keytek ekxákma aksok apagkok xép ma'a néten. Keñe sat exyók, hétlawha sat nahan.

SAN LUCAS 11:41

Kólmés kéxegke énxet'ák meyke aksok apagkok ekyetno nak kañe', keñe sat kasawhaxkohok ekteme eláxñeyo.

SAN LUCAS 12:21

Cháxa ektémakxa nak han énxet apxámáseyak nak aksok apagkok xa, méko eyke aksok apagkok nápakto' Dios.”

SAN LUCAS 16:9

“Eltennásek ko'o kéxegke seltamho kólmaha ekyókxoho aksok kélagkok ekyetna nak keso náxop ekyetnamakxa nak mólya'asáxma, yakwayam enxoho kólxamásekxak kélnámokkok, yakwayam enxoho anhan kólmaxchek takha' kéxegke m'a yakwánxa sat kólhamok meyke néxa, cham'a eksawhéxko enxoho ekyókxoho aksok kélagkok.

SAN LUCAS 18:22

Xama axta apleg'a Jesús xa, aptahak axta apchátegmowágko s'e: —Xama aksok kéméxchek elának xép: ekxeykxa m'a ekyókxoho aksok apagkok ekyetnakxa nak xép, elmés ma'a énxet meyke aksok apagkok nak. Keñe sat keytek xép ekxákma aksok apagkok ma'a néten. Exyem sat makham, keñe sat hétlawha.

SAN JUAN 12:6

Háwe axta eyke ekxéneykha apwáxok Judas ma'a énxet'ák meyke nak aksok apagkok aptaha appeywa xa, hakte apmenyexma axta m'a, selyakye axagkok axta anhan aptakmelcheso, emenyexhok axta anhan cha'a m'a selyakye kélxata nak kañe'.

LOS HECHOS 2:45

Selyakye axta nahan aptegyeykekxak ekyókxoho aksok apagkok, cham'a aksok apagkok ekyetnakxa enxoho, emlassakpohok axta nahan cha'a selyakye, cham'a ekyetnakxa enxoho eyéméxchexa aksok apagkok pók.

2 CORINTIOS 8:2

Kelpayheykekxeyk aksa apwáxók neyseksa apkelweté m'a aksok ekyekkónma nak; méko eykhe nahan aksok apagkok, axta eyke emyágweykxak appekkena aksok apméso Dios, máxa aptamheykegkok ma'a ekxákma enxoho aksok apagkok.