SAN LUCAS 12:32 - Lengua Sur (Enxet) Nuevo Testamento

³² “Nágkólé' aksa kéxegke kéltaha nak seknaktóso nekkések; kélkántawók eykhe kéxegke, wánxa agkok, apmokók eyke egkések kéxegke aptémakxa nak Wese' apwányam ma'a Dios, aptaha nak Kélyap, eñama m'a apkelásekhayo nak.

SAN LUCAS 12:32 ပူးပေါင်းရင်းမြစ်များ

SAN MATEO 14:27

Aptahak axta apkelpakhetchesa Jesús se'e: —¡Kólyennakteyásekxoho kélwáxok! ¡Náhelé', ko'o s'e!

SAN MATEO 20:16

“Sat nahan katnehek énxet'ák apteme nak apkelámha apmonye'e keso kaxwo' nak, kónegók sat kóltemesásekxak, keñe sat kóltemesásekxak apkelámha apmonye'e m'a énxet'ák apteme nak kónegók keso kaxwo' nak.

SAN MATEO 25:34

Sat etnehek yának Wese' énxet'ák apheykha ekpayhókxa apkelya'asamakxa s'e: ‘Kólchexyem kéxegke kéltaha nak ektakmela apkelxeyenma Táta; Kólma m'a aptémakxa nak Wese' apwányam Dios, kéllánesamakxa axta kéxegke amonye apkelané Dios keso náxop.

SAN MATEO 7:15

“Kólawho kéxegke énxet'ák apkelmopwána amya'a nak, apkelxeyenmol'a ektaha eñama Dios ma'a apkeltenneykha nak. Nekkések cha'a exnésakpohok ey'áwak kéxegke xa énxet'ák nak, aksok nawha'ák ello eyke.

SAN LUCAS 10:21

Yetlókók axta ekpayheykekxa agko' apwáxok Jesús eñama apméso m'a Espíritu Santo. Aptahak axta s'e: “Ektemésesek ko'o exchep apcheymákpoho Táta aptaha nak Wese' néten tén han Wese' keso náxop, hakte apxekmósek xép aksok ma'a énxet'ák ekmasextoho nak makham apkelya'áseyak, cham'a aksok mexekmósama axta exchep ma'a énxet'ák ekha nak apkelmopwána, tén han ma'a ekha nak apkelya'áseyak. Nakso' Táta, cháxa apkepmenyého axta katnehek xép xa.

SAN JUAN 18:36

Aptahak axta apchátegmowágko Jesús se'e: —Háwe ko'o wese' apwányam keso náxop. Ektemék axta agkok ko'o wese' apwányam keso náxop, yetneyk axta katnehek seláneykha yakwayam ennapakpok yakwayam enxoho ko'o mehelmések ma'a énxet'ák judíos. Háwe eyke ko'o wese' apwányam keso náxop.

LOS HECHOS 20:28

Kólleyxmakha kéxegke, kóltakmelches ma'a ekyókxoho apchakneykekxexa nak, cham'a aptemésesamakxa nak kéxegke Espíritu Santo kélláneykegkaxa, yakwayam enxoho kóltakmelchesek Dios énxet'ák apagkok, aptaha axta anhan apkelma eñama m'a apyenkenma axta éma apagkok.

LOS HECHOS 20:29

Ekya'ásegkok ko'o m'a sekxega sat peya elwak pók énxet'ák, emawhok sat emasésak ektémakxa nak apchakneykekxa énxet, máxa sat etnahagkok ma'a aksok nawha'ák ellól'a.

ROMANOS 6:23

Nétsapma ekteme ekyanmaga m'a mólya'asáxma nak, wánxa agkok, ekyennakte egnenya'ák megkatnegwayam enéxa eñama negyepetcheyo Cristo Jesús Wese' egegkok akke m'a aksok segméso naksa nak Dios.

1 CORINTIOS 1:21

Dios, aptaha nak ekha apya'áseykegkoho, apkeltamhok axta mékpelchehek Dios énxet'ák apheykha keso náxop eñama m'a apkelya'áseykegkoho apancha'awo nak; xénchek axta eyke apwáxok elwagkasek teyp ma'a énxet'ák apteme nak apcháyo eñama m'a appeywa nak, neyseksók eykhe eyánemaxche amya'a ekyéháxma xa amya'a nak.

FILIPENSES 2:13

Hakte Dios aptaha aptekkeseso kéxegke m'a kélmámenyého nak kóllának kéltémakxa ektakmela, aptaha nak han appasmo kéxegke yakwayam kólsawhohok kélteme kélyaheykekxoho m'a ektémakxa nak apmopmenyého.

2 TESALONICENSES 1:11

Cháxa keñamak nelmaxnésesa nak cha'a kéxegke xa, nelmaxnakkek cha'a Dios neltamho kaxének apwáxok ekpayhawo m'a apkelwóneykencha'a axta kéxegke, neltamhok nahan elának Dios eñama apmopwána m'a ekyókxoho aksok eltakmela kélmámenyého nak kóllának kéxegke, tén han elának ma'a ektémakxa nak kéllané kéxegke kéltamheykha eñama m'a megkólya'áseyam nak.

2 TESALONICENSES 1:5

Cháxa senxekmóso ektaha ekpéwomo agko' ma'a ektémakxa nak segyekpelchémo Dios, cham'a ekxeyenma nak apwáxok ekpayhawo kólántexek kéxegke m'a aptémakxa nak Wese' apwányam Dios. Cháxa keñamak kéllegágkoho nak kéxegke xa.

HEBREOS 12:28

Méko kawának kaltakhesha m'a aptémakxa nak Wese' apwányam Dios segmésama nak negko'o. Agmések hana ekpayheykekxa egwáxok Dios eñama xa, ólpeykeshok hana Dios yetlo nempagkanchásamáxche, tén han yetlo negáyo, cham'a ekleklamókxa nak apwáxok antehek.

SANTIAGO 2:5

Elyáxeg selásekhayo, kóleyxho hana s'e: Apkelyésáha Dios ma'a ektaha nak meyke aksok apagkok keso náxop, yakwayam enxoho kayáwak melya'áseyam, yakwayam enxoho nahan exkekxak ma'a aptémakxa nak Wese' apwányam Dios, cham'a apxeyenma axta egkések Dios ma'a ektaha nak apkelásekhayo;

2 SAN PEDRO 1:11

Sat kañék kélhayo kólántexek kéxegke yetlo kélapeykha m'a aptémakxa nak wese' apwányam megkatnegwayam enéxa m'a Wese' egegkok Jesucristo segwagkasamo nak teyp.

APOCALIPSIS 1:6

entemésesek axta anhan negko'o nenlánamáxkoho nempasmo nelmaxnéseso Dios énxet'ák apagkok yakwayam anlának nentamheykha eñama nak ma'a Dios, aptaha nak Jesucristo Apyap. ¡Apagkok sat cha'a etnehek Jesús ma'a ektémakxa nak apcheymákpoho tén han ma'a ektémakxa nak apmopwána! Katnahagkok sat.

APOCALIPSIS 22:5

Méko sat nahan katnehek axta'a m'a tegma apwányam nak, kamaskok sat nahan apkepmenyého chálewaso ektaha nak apheykha m'a, tén han ma'a elsasó nak exma ekhem, hakte Dios Wese' egegkok sat egkések elseyexma, kelwese'e sat nahan etnahagkok megkatnegwayam enéxa.