SAN LUCAS 12:24 - Lengua Sur (Enxet) Nuevo Testamento

²⁴ Kóllano hana máma: meknekxék cha'a aksok aktek, menakxehek nahan cha'a aksok ekyexna, méko nahan apxátamakxa aksok ekyexna apnakxo; wánxa agkok, Dios akke apkeleykegkok cha'a aptéyak. ¡Ennókók agko' eyke kéxegke, megkólhawok ma'a náta!

SAN LUCAS 12:24 ပူးပေါင်းရင်းမြစ်များ

SAN MATEO 10:31

Nágkólé' aksa; ennókek kéxegke, megkólhawok ma'a nátétkók.

SAN MATEO 3:12

Apsókmók nahan pála apagkok ma'a, yaxñásesek sat hótahap, elyetnakhaksek sat ma'a pa'at apák nak. Exatmok sat hótahap apagkok ma'a tegma kéltakmelchesamakxal'a, sat eyke elwatnegwakxak pa'at apák ma'a megkaspóneykxa nak táxa.”

SAN MATEO 6:26

Kóllano nahan náta elchempeykencha'a nak néten, yawanchek kaknekxak aktek, yawanchek nahan kanakxek ekyexna, yawanchek nahan kaxatmok aksok eknakxo m'a tegma kélxátamakxa nak; wánxa agkok, egkéshok eyke cha'a ektéyak ma'a Kélyap Dios apha nak néten. Ennókek eyke kéxegke, kaxnók náta.

SAN MARCOS 6:26

Teyekmek axta apwáxok wese'; wánxa agkok ekmámnaksoho agko' axta eyke aptemesásak appeywa nápakta'awo' ma'a énxet'ák ektaha axta apkeláneyeykha, kennókek axta etakheksoho ektahakxa.

SAN LUCAS 12:18

Entahak axta elchetamso apwáxok se'e: ‘Ekya'ásegkok kaxwo' yakwánxa atnésesek. Apalchesegmak sat tegma sekxátamakxal'a aksok ekyexna eknakxamáxche, keñe sat alánekxak apkelyawe tegma sekxátamakxa aksok ekyexna eknakxamáxche nak, yakwayam enxoho axatmok ekyókxoho m'a aksok eknakxamáxche nak, tén han ma'a ekyókxoho aksok ahagkok nak.

SAN LUCAS 12:23

Hakte ennókek ma'a negyennakte nak megkaxnawok nento, keñe m'a negyókxa nak megkaxnawo apáwa.

SAN LUCAS 12:7

Weykmók eyke kéxegke apkelyetsetcheso Dios ekyókxoho kélwa'. Nágkólé' aksa: ennóke kéxegke, megkólhawok ma'a nátétkók.