SAN LUCAS 11:34 - Lengua Sur (Enxet) Nuevo Testamento

³⁴ Egakta'ák negko'o ekteme chálewaso ekyetno keso negyókxa nak; keltásek agkok kélakta'ák, keytek sat elseyexma agkok ekyókxoho kélyókxa; wánxa agkok, asagcha'awók agkok kélakta'ák, kasawhekxohok sat ekyaktesóxma ekyókxoho kélyókxa.

SAN LUCAS 11:34 ပူးပေါင်းရင်းမြစ်များ

SAN MARCOS 4:12

yakwayam enxoho elano', melwetyehek eyke, yakwayam enxoho anhan ellega', melyekpelchehek eyke, yakwayam enxoho nahan metnekxék melya'áseyam Dios, keñe eyakmagkásekxak Dios ma'a apkeltémakxa nak.”

SAN MARCOS 7:22

kéltawáseykha elyamhápeyak, tén han ma'a étsapma nak kélnenyek aksok, ekmaso kéltémakxa, kélyexancháseykha kélmók, aksok kélyespagko, kélnathaheyak aksok, kéltekkesáseykha apwesey kélmók, eyeymáxkoho kélwáxok, tén han ma'a kélyeykesamaxkohoxma nak.

SAN MARCOS 8:18

Yetneyk eykhe kélakta'ák, akke kólweteyk, yetneyk eykhe anhan kélheyk'ák, akke anhan kóllegeyk. ¿Yagkaxénak kélwáxok

SAN LUCAS 11:35

Kóllenxánem keytek kéxegke elseyexma, kápok katnehek ekyaktesóxma.

LOS HECHOS 13:11

Wese' egegkok Jesús sat eñásesagkohok kaxwo' xép; meyke apakta'ák sat etnehek, kawegkohok sat meté elsasóxma ekhem. Yetlókók axta anhan eyahapwé ekyaktesóxma Elimas, aptegyáha axta énxet yakwayam emha apmek, hakte meyke apakta'ák axta aptahak.

LOS HECHOS 2:46

Yaknekxohok axta cha'a kañe' tegma appagkanamap ekyókxoho ekhem, apxanák axta eyke cha'a etawagkok aptéyak, yaknekxohok axta nahan cha'a etawagkok yetlo elpayheykekxa apwáxók tén han yetlo megkaleymáxkoho apwáxók.

LOS HECHOS 26:18

Eyáphásek xép nepyeseksa xa énxet'ák nak, yakwayam enxoho elyekpelchásesamhok, tén han kamaskok apkelteyáseyncha'a ekyaktesakxaxma, wánxa aksa elteyésha m'a neyseksa elseyexma nak, yakwayam enxoho anhan kamaskok ekyetna ekmowána Satanás nepyeseksa xa énxet'ák nak, wánxa aksa elyetlakxak ma'a Dios; yakwayam enxoho etnahagkok mehey'áseyam ko'o, keñe anhan elxawagkok ma'a meyakmagkáseykekxa nak Dios apkeltémakxa melya'asáxma, tén han exkak yakwayam epáxakwók ma'a Dios énxet'ák apagkok apkelpagkanamap nak.

2 CORINTIOS 1:12

Yetneyk negko'o xama aksok segmésa nak ekpayheykekxa egwáxok, cham'a negya'áseykegkoho nak negko'o ektakmalma cha'a nentémakxa, tén han mampósamo cha'a nentémakxa keso náxop, ekyagwánxa agkok ma'a nentémakxa nak cha'a negko'o kélnepyeseksa kéxegke. Háwe negko'o sempékesáseyak ma'a ektémakxa nak negya'ásegwayam egagko', wánxa sempékesáseyak ma'a Dios segásekhayo nak.

2 CORINTIOS 11:3

Wánxa agkok, eyekak ko'o kólyexanchesha nahan kéxegkáxa, ekhawo ektémakxa axta elyexancháseykencha'a yéwa ekha ekya'áseykegkoho Eva, eyekak nahan ko'o kólyensók ma'a ektémakxa nak megkólyenseyam ektakmela ekxeyenma kélwáxok ma'a Cristo.

2 CORINTIOS 4:4

Apkelya'ásekmek cha'a xa énxet'ák nak, hakte meyke apakta'ák temésesók ma'a dios ektaha nak eláneykha keso náxop, yakwayam enxoho melwetyehek ma'a tásek amya'a elseyexma agkok eñama nak ma'a Cristo ekha nak apcheymákpoho, aptaha nak aphémo apagko' ma'a Dios.

EFESIOS 1:17

Elmaxnakkek ko'o Dios Jesucristo Wese' egegkok Apyap, ekha nak apcheymákpoho, seltamho egkések kéxegke Espíritu yakwayam elya'ásesagkohok kéxegke m'a aksok senxekmósamo nak Dios, yakwayam enxoho kólyekpelchágwomhok ektakmela agko' kéxegke m'a aptémakxa nak Dios.

EFESIOS 6:5

Kéxegke kélteme nak kélmomaxche kéltemesáseykha aksa, kólyahakxoho cha'a kéxegke kelwese'e kélagkok apheykha nak keso náxop. Kólteme nahan cha'a kélyaheykekxoho, kólteme nahan cha'a kéláyo, yetlo meyke kélyexamaxkoho xama enxoho, ekhawo m'a kéltémakxal'a kóllának kéltamheykha eñama nak Cristo.

COLOSENSES 3:22

Kéxegke kélteme nak kélmomaxche kéltemesáseykha aksa, kólyahakxoho cha'a kélwese'e kélagkok apheykha nak keso náxop, kóllanés cha'a aksok wese' kélagkok, háwe ekwánxa agkok ma'a apkelánencha'a enxoho, yakwayam enxoho yának katakmelak kéltamheykha, wánxa agkok, kóltemeykha yetlo ekmáheyo kélwáxok, eñama kélaye m'a Wese' egegkok.