SAN LUCAS 10:2 - Lengua Sur (Enxet) Nuevo Testamento

² Aptahak axta apkeláneya s'e: “Xámok neyke agkok aksok yakwayam nak kanakxaxchek, keñe apkantawók ma'a énxet ektaha nak apkeltamheykha. Kólmaxna kéxegke m'a ektaha nak apagkok namyep yakwayam enxoho eláphaksek énxet ektaha nak apkeltamheykha, yakwayam enxoho yanchásekxak xa ekyexna nak.

SAN LUCAS 10:2 ပူးပေါင်းရင်းမြစ်များ

SAN MATEO 20:1

“Máxa xama wese' namyep kélcheneykekxexa anmen yámet ma'a aptémakxa nak Wese' apwányam Dios, cham'a apxegama axta axto'o agko' aptegyeyncha'a énxet yakwayam eltemeykha neyseksa anmen yámet.

SAN MARCOS 13:34

Máxa énxet keto' apmaheykegkaxa mók apkelókxa xa, apkeltémo axta etakmelchesesek apxagkok ma'a apkeláneykha. Mók aptamheykha axta apmeyásak pók, apkeltamhok axta anhan eleyxmakha m'a ektaha axta aptakmelcheso átog.

SAN MARCOS 16:15

Aptahak axta apkeláneya s'e: “Kólmohok ekyókxoho yókxexma, kóllegés nahan apyókxoho énxet'ák se'e amya'a segwagkasamo nak teyp.

SAN MARCOS 16:20

Apkelxegkek axta xa énxet'ák nak, yakwayam eltennaha tásek amya'a ekyókxoho yókxexma; appasmomchek axta anhan Wese' egegkok, ekmámnaksoho axta temék amya'a apkeltenneykha eñama ekpasmo apkelané m'a aksok sempelakkaso nak agweta'.

SAN LUCAS 9:1

Apchánchesákxeyk axta Jesús doce apkeltámeséyak, apkelmeyásegkek axta apkelmopwancha'a yakwayam elántekkesek ekyókxoho ektémakxa kelyekhama', tén han yakwayam eltakmelchesók ma'a elháxamáxche.

LOS HECHOS 11:19

Kélmenxenáha axta énxet'ák apteme melya'áseyam Jesús natámen apketsapma Esteban. Ekeso eñamakxa apkelmahágko axta nápakha apkenyahágko m'a yókxexma Fenicia, tén han ma'a Chipre, tén han ma'a Antioquía. Wánxa axta aksa apkeltennáseykencha'a tásek amya'a m'a apkelánamákpoho nak énxet'ák judíos.

LOS HECHOS 13:2

Xama ekhem axta apakmétak Espíritu Santo neyseksa apchakneykekxa énxet'ák nápakto' Wese' egegkok Dios yetlo metéyak aptéyak. Aptahak axta s'e: “Helpagkanches sat ko'o Bernabé, tén han ma'a Saulo, yakwayam enxoho elmok apkeltamheykha, cháxa ektaha axta ko'o selwóneykha xa.”

LOS HECHOS 13:4

Apkelmahágkek axta yókxexma Seleucia Bernabé tén han ma'a Saulo eñama apkeláphaso m'a Espíritu Santo. Axta apkelchenátwomhok yántakpayhe apkelmahágko yókxexma Chipre m'a.

LOS HECHOS 20:28

Kólleyxmakha kéxegke, kóltakmelches ma'a ekyókxoho apchakneykekxexa nak, cham'a aptemésesamakxa nak kéxegke Espíritu Santo kélláneykegkaxa, yakwayam enxoho kóltakmelchesek Dios énxet'ák apagkok, aptaha axta anhan apkelma eñama m'a apyenkenma axta éma apagkok.

LOS HECHOS 22:21

Wánxa agkok, aptahak axta seyáneya Wese' egegkok se'e: ‘Exeg sat kaxwo', wáphaksek sat xép ma'a mók apkelókxa eyátépexa nak.’ ”

LOS HECHOS 8:4

Apkeltennáha axta cha'a amya'a segwagkasamo teyp apkelmahágkaxa m'a énxet'ák ektaha axta apkelánteyapma Jerusalén.

1 CORINTIOS 12:28

Apmenyék axta Dios etnehek apkemha apmonye nepyeseksa énxet'ák apagkok ma'a seykha amya'a apwetaya axta Jesús; keñe etnehek aptéteyak ma'a énxet'ák apkelxeyenmo nak amya'a eñama Dios; keñe xa etnehek aptéteyak ma'a énxet apkelxekmóso nak apnámokkok; tén han ma'a énxet apmopwána nak elának aksok sempelakkaso nak agweta', tén han ma'a énxet apmopwána nak eltakmelchesók elháxamáxche, esenhan ma'a énxet appasmo nak apnámokkok, esenhan ma'a apxegkeso nak kélakneykekxexa, esenhan ma'a ekteyapmol'a aksa mók ektémakxa appeywa magya'áseyak nak.

1 CORINTIOS 15:10

Ektemegkek eyke ko'o kaxwo' seykha amya'a hakte tásek axta setnésesamakxa Dios, háwe nahan eyakhémo m'a ektémakxa nak segkéso naksa seyásekhayo, wánxa agkok, xámok axta eyke ko'o selané sektamheykha, maxnawok ma'a pók énxet'ák seykha amya'a nak, háwe axta eyke ko'o selané ahagko' xa sektamheykha nak, Dios axta eyke aptaha sepasmo.

2 CORINTIOS 6:1

Nágkólteméses aksa eyakhémo apméso kéxegke Dios ma'a ektémakxa nak segásekhayo, cham'a apxekmósa axta kéxegke eñama nenteme nelpasmomaxkoho nenlané m'a Dios aptamheykha nak.

FILIPENSES 2:21

Apyókxoho énxet apketámak ma'a aksok apagkok apagko' nak, mektámak ma'a aksok eñama nak Jesucristo.

FILIPENSES 2:25

Xénchek nahan ko'o ewáxok wáphaksek kélhágkaxa kéxegke egyáxeg Epafrodito aptaha nak sekxegexma sektamheykha, aptaha nak han sennapmáxkoho xamo', cham'a kéláphaso axta kéxegke yakwayam hepasmok hegkések ma'a aksok eyéméxchexa nak ko'o.

FILIPENSES 2:30

hakte xegkásawók axta yetsapok eñama apkelané aptamheykha eñama nak Cristo. Axta yeyásak apyókxa eyesagkexa sepasma ko'o, cham'a megkólewagko axta kóllának kéxegke.

COLOSENSES 1:29

Ekeso eñamakxa sekwaskápeykxoho nak sektamheykha yetlo sekyennakte, tén han sekmowána, ektaha nak cha'a segkéso m'a Cristo.

COLOSENSES 4:12

Apcháphásesek nahan ekxeyenma apwáxok ma'a Epafras, aptaha nak han Cristo Jesús apkeláneykha; aptaha nak nahan apkeñama kélnepyeseksa kéxegke. Elmaxnéseshok nahan cha'a kéxegke, yakwayam enxoho keynnakwók kélteme megkólya'áseyam, tén han kólméshok agko' kélwáxok yakwayam kóllának ma'a Dios apmopmenyého nak.

1 TESALONICENSES 2:9

Elyáxeg, kélya'ásegkok kéxegke ektémakxa axta negko'o nentamheykha, nenlenxaneykmók axta yakwayam antókasaxchek. Nentamheykha axta cha'a negko'o ekyókxoho ekhem tén han ekyókxoho axta'a, yakwayam enxoho manxámásesek kéltahakxa kélxama kéxegke neyseksa nenlegaso amya'a eñama nak Dios.

1 TESALONICENSES 5:12

Elyáxeg, neltamhok negko'o kóltehek kéláyo m'a énxet'ák ektaha nak apkeltamheykha kélnepyeseksa kéxegke, cham'a apxegkeseso nak kélakneykekxexa, cham'a apkeltennáseykegkoho nak han eyéméxchexa nak kóltehek eñama Wese' egegkok.

2 TESALONICENSES 3:1

Elyáxeg, amonye selwateso eltamhok ko'o hẽlmaxnésesek negko'o, yakwayam enxoho kapayheykxak heykxa ekyókxoho yókxexma amya'a eñama nak Wese' egegkok, yakwayam enxoho kamaxchek takha' yetlo kéláyo xa amya'a nak, ekhawo ektahakxa axta kélnepyeseksa kéxegke.

1 TIMOTEO 4:10

Cháxa keñamak neltamheyncha'a nak negko'o xa, tén han nelwaskápeykxoho, hakte nentemék axta nengko'o negásenneykekxa m'a Dios memassegwayam nak, aptaha nak sẽlwagkaso teyp negyókxoho, ekyagwánxa agkok elwagkasek cha'a teyp ma'a énxet'ák apteme nak melya'áseyam.

2 TIMOTEO 4:5

Xép akke kéméxchek etakmelchesek xa ektémakxa nak apmopwána elanagkohok aptémakxa; elenmaxakpoho cha'a m'a nenlegeykegkoho nak, elána wánxa m'a apkeltenneykha nak tásek amya'a, etakmelchesho apkelané m'a ektémakxa nak aptamheykha.

FILEMÓN 1:1

Ko'o Pablo sekha nak se'e sẽlpextétamakxa, sekmomaxche axta eñama seklegaso apwesey Cristo Jesús. Filemón, xép ektáxesásak se'e weykcha'áhak nak, xép aptaha nak nenxegexma nentamheykha negásekhayókxa, Timoteo nahan sekxegexma sektáxésesa xa.

HEBREOS 3:6

Cristo aptaha nak Dios Apketche apteme melwátéseyam apkeltakmelcheso xa Dios énxet'ák apagkok nak, negko'o nenteme Dios énxet'ák apagkok, cham'a magyenseyam nak nenteme magya'áseyam, tén han magyenseyam nak ma'a ekpayheykekxa egwáxok neyseksa nelhaxneykha ekyetna nak negko'o.

APOCALIPSIS 2:1

“Etáxéses Dios apchásenneykha nak ma'a apchakneykekxexa nak énxet tegma apwányam Efeso: ‘Keso ektémakxa nak appeywa aphágko nak siete yaw'a apmek ekpayhókxa apkelya'asamakxa, cham'a apweynchamencha'a nak neyseksa chálewaso ekyátekto elyenma: