SAN LUCAS 10:13 - Lengua Sur (Enxet) Nuevo Testamento

¹³ “¡Kéxegke sat laye kélheykha nak tegma apwányam Corazín, tén han ma'a tegma apwányam Betsaida! Hakte kaxtemek axta elánamáxche aksok sempelakkaso agweta' ma'a tegma apwányam Tiro tén han ma'a Sidón, cham'a elánéxko axta kélnepyeseksa kéxegke, nano' axta elyakmagkasek apwáxók, exekmóshok axta anhan aptamhágkaxa apkelyakmagkasa apwáxók, elántaxnekxak axta m'a apáwa sẽlwaxkamo nak, neyseksa tahap axta anhan exmakha.

SAN LUCAS 10:13 ပူးပေါင်းရင်းမြစ်များ

1 TIMOTEO 4:2

Elyahakxohok sat aptahakxa apkelpeywa m'a énxet'ák apkelmeyókásamákpoho nak apkeltémakxa, tén han ma'a énxet'ák apkelmopwancha'a amya'a nak, cham'a ekyennaktama nak ektémakxa elchetamso apwáxók eñama m'a aksok ekmaso apkeláneyak nak, máxa entemék ma'a elkahásamáxko enxoho xama sawo ekyentaxno.

APOCALIPSIS 11:3

Aláphaksek sat ko'o apkánet ektaha nak ekmámnaksoho apkelxeyenma amya'a ahagkok, yetlo apkelántaxno apáwa sẽlwáxakxamo nak, ellegaksek sat nahan ko'o sekpeywa ekweykmoho mil doscientos sesenta ekhem.”