SAN LUCAS 1:79 - Lengua Sur (Enxet) Nuevo Testamento

⁷⁹ yakwayam enxoho kalsásesexma m'a énxet'ák apheykha nak ekyaktésakxaxma, yakwayam hennaklakxak ma'a ámay ekyetnamakxa nak meyke ektahakxa egwáxok.”

SAN LUCAS 1:79 ပူးပေါင်းရင်းမြစ်များ

SAN MATEO 4:16

Cháxa apkelteyáseykegkaxa axta énxet'ák neyseksa ekyaktésakxaxma xa, apwet'ak axta ekyawe agko' elseyexma; chápogwatchek axta xa elseyexma nak, nepyeseksa m'a énxet'ák apheykencha'a axta nétsapmakxa.”

SAN LUCAS 2:32

cham'a elseyexma peya nak kalsásesamhoxma apyókxoho énxet'ák nak tén han peya kañék kélteméseso apkeleymákpoho m'a énxet'ák Israel.”

SAN JUAN 1:9

Wayak axta elseyexma ekmámnaksoho agko' keso náxop ektaha nak elsásesóxma apyókxoho énxet'ák.

SAN JUAN 12:46

Ekwa'ak axta ko'o keso náxop, yakwayam enxoho mexmakha neyseksa ekyaktesóxma énxet'ák apteme nak mehey'áseyam, ko'o sektaha nak elseyexma.

SAN JUAN 8:12

Apkeltennáseyha axta makham Jesús énxet'ák. Aptahak axta s'e: —Ko'o sekteme elseyexma keso náxop; énxet ektahakxa enxoho setleykha ko'o, keytek sat ma'a elseyexma ekyennaktésamo nak egnenyek, metyesha sat neyseksa ekyaktesóxma.

SAN JUAN 9:5

Ko'o sekteme elseyexma keso náxop neyseksa sekha makham keso náxop.

LOS HECHOS 10:36

Apkelpakhetchesek axta Dios Israel aptawan'ák neptámen, apkeltennásek axta amya'a meyke ektahakxa egwáxok eñama nak Jesucristo, aptaha nak Wese' meyke ekhémo negyeseksa negko'o.

LOS HECHOS 26:18

Eyáphásek xép nepyeseksa xa énxet'ák nak, yakwayam enxoho elyekpelchásesamhok, tén han kamaskok apkelteyáseyncha'a ekyaktesakxaxma, wánxa aksa elteyésha m'a neyseksa elseyexma nak, yakwayam enxoho anhan kamaskok ekyetna ekmowána Satanás nepyeseksa xa énxet'ák nak, wánxa aksa elyetlakxak ma'a Dios; yakwayam enxoho etnahagkok mehey'áseyam ko'o, keñe anhan elxawagkok ma'a meyakmagkáseykekxa nak Dios apkeltémakxa melya'asáxma, tén han exkak yakwayam epáxakwók ma'a Dios énxet'ák apagkok apkelpagkanamap nak.

ROMANOS 3:17

melya'ásegkok nahan ma'a ekyetnamakxa nak meyke ektahakxa egwáxok.

EFESIOS 5:8

Axta kólya'áseykegkok kéxegke Dios, máxa axta entemék kélheykencha'a enxoho ekyaktesakxaxma, wánxa agkok kéltemék eyke kaxwo' kélyepetcheyo Wese' egegkok, ékeso eñamakxa kélheyncha'a nak neyseksa elseyexma, kólteme kéxegke m'a apkeltémakxa nak énxet'ák apheykha nak neyseksa elseyexma.