SAN LUCAS 1:78 - Lengua Sur (Enxet) Nuevo Testamento

⁷⁸ Hakte Dios egagkok negko'o ensantegkásak elseyexma ektémol'a kaxwé ekteyapma ekhem, eñama m'a ekyawe segemleykekxoho nak,

SAN LUCAS 1:78 ပူးပေါင်းရင်းမြစ်များ

SAN JUAN 3:16

“Awanhek axta apkelásekhayo Dios énxet'ák apheykha nak keso náxop, apmések axta Apketche apwánxa xama apagko', yakwayam enxoho megyetsepek ma'a ektahakxa enxoho apteme mey'áseyam, wánxa aksa étak ma'a ekyennakte apnenyek megkatnegwayam enéxa nak.

EFESIOS 5:14

hakte elseyexma kapekkenekxak yáxñakxoho. Ekeso eñamakxa ektéma nak amya'a s'e: “Exatakha, xeyep ektaha nak apteyenma, exnekxa néten nepyeseksa énxet'ák ektaha nak apkeletsapma, Cristo sat yelsásesexma exchep.”

FILIPENSES 1:8

Hakte apya'ásegkok Dios ekwánxa nak ko'o sekmámenyého alwetekxak kélyókxoho kéxegke, eñama aptekkeso ewáxok seyásekhayo m'a Jesucristo.

FILIPENSES 2:1

Cristo agkok apkelwaskakkáseykekxoho kéxegke, mések agkok nahan ektakmelwayam kélwáxok kéxegke m'a ektémakxa nak segásekhayo Cristo, apheyk agkok nahan kélwáxok kéxegke Espíritu, kélya'ásegkok agkok nahan kéxegke ektémakxa m'a negásekhayo nak egmók, tén han ma'a ektémakxa nak apmopyósa anlanok egmók,

COLOSENSES 3:12

Apkelásekha'awók kéxegke Dios, apkelyésáha axta nahan yakwayam kóltehek énxet'ák apagkok. Kólteme kélahakkásamáxche m'a ekmámnaksoho nak apmopyósa anlanok egmók, ektakmeleykha egwáxok, megkeymáxkoho egwáxok, meyke ekyenneykha egwáxok anlanok egmók, tén han ma'a mampekhésamaxche nak.

2 SAN PEDRO 1:19

Cháxa ektaha nak ekteméseso ekmámnaksoho m'a amya'a apkeltenneykha axta énxet'ák apkellegaso axta Dios appeywa, cham'a megkatnama nak eyakhémo kélháxenmo kéxegke. Hakte máxa chálewaso xa amya'a nak, cham'a elsáseykmohol'axma neyseksa ekyaktesakxaxma, yakwayam kalsásesek exma kélwáxok kéxegke, ekwokmoho m'a axto'o apteyapmakxal'a yaw'a apwányam.

1 SAN JUAN 3:17

Enxet ekxákma nak aksok apagkok, apwet'ak agkok apyáxeg aptémo xamo' mey'áseyam eyéméxko kólpasmok, wánxa agkok, megkések eyke m'a aksok eyéméxchexa enxoho, megkeytek apwáxok ma'a negásekhayo eñama nak Dios.

APOCALIPSIS 22:16

“Ko'o Jesús, eyáphásek ko'o seyásenneykha apkeñama néten yakwayam eltennaksek ekyókxoho apchakneykekxexa énxet ektéma nak xa, ko'o sekteme señama nepyeseksa David aptawan'ák neptámen, ko'o nahan sekteme yaw'a apwányam apteyapmol'a axto'o agko'.”