SAN JUAN 9:35 - Lengua Sur (Enxet) Nuevo Testamento

³⁵ Apleg'ak axta amya'a Jesús kéltekkesa kañe' kélakneykekxexa énxet kaxwé apweteykekxaxma axta. Xama axta apwet'a m'a, aptahak axta apkelmaxneyeyncha'a s'e: —¿Ya ey'ásekmok xép ma'a ektaha nak Apketche énxet?

SAN JUAN 9:35 ပူးပေါင်းရင်းမြစ်များ

SAN MATEO 14:33

Keñe axta apkeltekxeyágko aptapnák apmonye Jesús ma'a ektaha axta apkelchánte yántakpayhe. Aptahak axta apcháneya s'e: —¡Nakso' neyke agkok xép aptaha Dios Apketche!

SAN MATEO 16:16

Aptahak axta Simón Pedro apchátegmowágko s'e: —Xép aptaha Mesías, Dios memassegwayam Apketche.

SAN MATEO 4:3

Yo'ókmek axta Jesús kelyekhama' yakwayam keykkónek. Entahak axta eyáneya s'e: —Nakso' agkok xép aptaha Dios Apketche, yána katnekxak apto s'e meteymog nak.

SAN MARCOS 1:1

Eyeynamókxa amya'a ektakmela apxénamap Jesucristo aptaha nak Dios Apketche,

SAN JUAN 1:18

Méko ekwetaya aptémakxa Dios xama enxoho; axta eyke segyekpelcháseseyam negko'o m'a aptaha nak wánxa xama Dios Apketche, aptaha nak han Dios, aptaha nak han cha'a meyenyaweykha Apyap.

SAN JUAN 1:34

Ekwet'ak axta ko'o m'a. Ekxénchek nahan ko'o aptaha Dios Apketche m'a.”

SAN JUAN 10:36

Epagkanchek axta ko'o Dios, eyáphásek axta nahan keso náxop, ¿yaksak ektaha kélxéna nak kéxegke sekwañeyncha'a ko'o m'a Dios, cham'a sekxéna nak ko'o sektaha Dios Apketche?

SAN JUAN 11:27

Entahak axta eyátegmowágko Marta s'e: —Wese', nakso' may'ásekmok xép aptaha Mesías Dios Apketche, cham'a apxénamakpo axta ewak keso náxop.

SAN JUAN 20:28

Aptahak axta Tomás se'e: —¡Wese' ahagkok!, ¡Dios ahagkok!

SAN JUAN 20:31

Wánxa agkok, naktáxésamaxchek eyke weykcha'áhak xa yakwayam enxoho megkólya'asók kéxegke Jesús aptaha Mesías, aptaha nak Dios Apketche, yakwayam enxoho nahan kólwetak ekyennakte kélnenya'ák eñama Cristo, neyseksa kélteme megkólya'áseyam.

SAN JUAN 3:36

Negko'o ektahakxa enxoho nenteme magya'áseyam Dios Apketche, keytek ekyennakte egnenyek megkatnegwayam enéxa; keñe m'a ektahakxa enxoho apya'áseyam Dios Apketche mexkeyk sat xa ekyennakte egnenyek nak, wánxa sat exkak ma'a ekmaso senlegasáseykegkoho nak Dios.

SAN JUAN 5:14

Keñe axta apwetágwokmo Jesús apha kañe' tegma appagkanamap ma'a énxet ektaha exchek aptakmelcheseyam. Aptahak axta apcháneya s'e: —Cháxa aptakmelwokmo nak xép neylánekxa aksa kaxwo' mey'asáxma, yakwayam enxoho megkahapweyk xép aksok ekmaso agko'.

SAN JUAN 6:69

Magya'ásekmok negko'o exchep appeywa. Negya'ásegkok nahan negko'o aptaha exchep Dios Appagkanma.

SAN JUAN 9:22

Cháxa ektahakxa axta eyátegmoweyak enchána eyeka énxet'ák xa, hakte hawók axta mók apkelpakmeyesma énxet'ák judíos apmoko elántekkesek énxet'ák kañe' apchakneykekxexa ektahakxa enxoho apkelxeyenma Jesús aptaha Mesías.

SAN JUAN 9:34

Aptahak axta makham apcháneya énxet'ák fariseos kaxwé apweteykekxaxma s'e: —Xép apteme apteyam yetlo ekyawe mey'asáxma. ¿Yaksak ektaha apmoko nak hẽlxekmósek negko'o? Keñe axta kéltekkesa kañe' kélakneykekxexa.

LOS HECHOS 8:36

Xama axta apyeykhágwokmo xama yókxexma ekyetnakxa axta yegmen, aptahak axta wese' eyásenneykha s'e: —Yetné nak yegmen se'e. ¿Apwancheya sat heyakpásesek yegmen?

LOS HECHOS 8:37

Aptahak axta apcháneya Felipe s'e: —Aptemék agkok xép mey'áseyam ekweykmoho kañó' agko' apwáxok, apwanchek. —May'ásekmok ko'o Jesucristo aptaha Dios Apketche, axta aptahak apchátegmowágko xa énxet nak.

LOS HECHOS 9:20

Apchénawók axta apkeltenneykha Saulo apchakneykekxexa judíos apxéna Jesús aptaha Dios Apketche.

ROMANOS 10:20

Keñe axta megyéseykxo aptaha appeywa Isaías se'e: “Eteyákxeyk axta ko'o m'a énxet'ák mehektamsama axta; ekxekmowásexkók axta ko'o m'a énxet'ák metegyeykencha'a axta sekwesey.”

1 SAN JUAN 4:15

Negko'o ektahakxa enxoho nenxeyenma Jesús aptaha Dios Apketche, antehek negyepetcheyo Dios, hegyepetkohok nahan ma'a Dios.

1 SAN JUAN 5:10

Negko'o ektahakxa enxoho magya'áseyam Dios Apketche, keytek egwáxok xa ektémakxa nak apxeyenma Dios; keñe m'a énxet ektahakxa enxoho apya'áseyam Dios, máxa apmopwána amya'a etnésesek ma'a Dios, hakte ey'ások ma'a aptémakxa nak Dios apxeyenma Apketche.

1 SAN JUAN 5:13

Kéxegke ektáxesásak se'e weykcha'áhak nak, kélteme nak megkólya'áseyam Dios Apketche, yakwayam enxoho kólya'asagkohok kéxegke ekyetna ekyennakte egnenyek megkatnegwayam enéxa nak.

1 SAN JUAN 5:20

Negya'ásegkok nahan negko'o m'a apwaya axta Dios Apketche, tén han segmésama negya'ásegwayam yakwayam agyekpelkohok ma'a Dios aptaha nak apmámnaksoho. Negyepetcheyók negko'o m'a aptaha nak apmámnaksoho, cham'a Jesucristo aptaha nak Dios Apketche. Cháxa Dios aptaha nak apmámnaksoho xa, aptaha nak han eñamakxa ekyennakte egnenyek megkatnegwayam enéxa.

1 SAN JUAN 5:5

Negko'o ektahakxa enxoho magya'áseyam Jesús aptaha Dios Apketche, agmalánek ektémakxa nak keso náxop.

3 SAN JUAN 1:10

Ekeso eñamakxa peya nak altennásekxohok kéxegke sekwákxo sat ma'a, hakte aptekkesekmek aksa cha'a amya'a senxéna negko'o xa énxet nak, keñe nahan aptaha apmopwána amya'a senxéna negko'o. Háwe eyke ekwánxa agkok apteme xa, melmak nahan cha'a takha' ẽlyáxeg'a ektaha apkelwayam ma'a, megya'awok nahan cha'a elmok takha' apnámokkok ma'a énxet'ák apmáheyo neykhe elmok takha' apnámokkok, apkelántekkesek cha'a kañe' kélakneykekxexa.