SAN JUAN 9:30 - Lengua Sur (Enxet) Nuevo Testamento

³⁰ Aptahak axta apchátegmowágko énxet se'e: —¡Neykel'a kólya'ásegkok apteyapmakxa m'a, keñe nak ko'o seteyásekxoxma!

SAN JUAN 9:30 ပူးပေါင်းရင်းမြစ်များ

SAN MATEO 11:5

Kóltennasha sat Juan apkelwetákxoxma énxet'ák meyke nak apakta'ák, keñe apkelxegákxo m'a énxet meyke aptapnák nak, keñe anhan apkeltakmelwokmo m'a énxet ektamhéyak nak negmasé ektepelchamáxche egyempehek, keñe anhan apkellegákxoxma m'a énxet'ák meyke apeyk'ák nak, keñe anhan apnakxétekhágwokmo m'a énxet'ák apkeletsapma axta, keñe anhan kéllegasa amya'a segwagkasamo teyp ma'a énxet'ák meyke nak aksok apagkok.

SAN MATEO 21:42

Aptahak axta apkeláneya Jesús énxet'ák se'e: —¿Yagkólyetseteyk makham kéxegke eknaktáxésamaxche ektéma nak ekxeyenma s'e? ‘Tamhákxeyk kaxwo' meteymog kélmámenyého kólmaha m'a meteymog apyamasma axta énxet'ák apkeláneyak nak tegma. Cháxa apkelana axta Wese' egegkok xa, payhekxeyk egwáxok negko'o negwet'a.’

SAN MARCOS 6:6

Apkenatchesek axta apwet'a Jesús metnaha melya'áseyam xa énxet'ák nak. Apweynchámeyha axta Jesús nátegma eyágketexa apkelxekmósama cha'a énxet'ák.

SAN LUCAS 7:22

Aptahak axta apchátegmowágko Jesús se'e: —Kóltakhoho, kóltennásekxa Juan ektahakxa nak kélweté, tén han xa ektahakxa nak kéllegé. Kóltennasha nahan Juan apkelwetákxo exma m'a énxet'ák meyke apakta'ák nak, tén han apkelxegákxo m'a énxet'ák meyke aptapnák nak, tén han apkeltakmelwokmo m'a énxet'ák ektamhéyak axta negmasé ektepelchamáxche egyempehek, tén han apkellegákxo exma m'a énxet'ák ektamhéyak axta meyke apeyk'ák, tén han apnakxétekhágwokmo m'a énxet'ák apkeletsapma nak, keñe kéltennásencha'a amya'a segwagkasamo teyp ma'a énxet'ák meyke nak aksok apagkok.

SAN JUAN 12:37

Apkelanak axta eykhe cha'a Jesús aksok sempelakkaso agko' agweta' nápakta'awo' xa énxet'ák nak, apkelya'ásekmek axta eyke xa énxet'ák nak;

SAN JUAN 3:10

Apchátegmowágkek axta Jesús, aptahak axta s'e: —Xép apteme apkelxekmóso énxet'ák Israel, ¿ya ey'ásegkok xa ektéma nak?

SAN JUAN 9:29

Negya'ásegkok negko'o m'a appakhetchesama axta Dios Moisés; akke agya'ásegkok negko'o apkeñamakxa m'a énxet nak, magya'ásegkok nahan apteyapmakxa.

SAN JUAN 9:31

Negya'ásegkok negko'o megyaháxenmo cha'a Dios aksok apkelmaxnagko m'a énxet'ák melya'asáxma nak; wánxa aksa yeyxhok Dios aksok apkelmaxnagko m'a énxet'ák ektaha nak apkelpeykesamo, cham'a apkeláneyol'a Dios apmopmenyého.

2 CORINTIOS 4:6

Dios apagko' axta apkeltémo katyapok aksa elseyexma neyseksa ekyaktesóxma, axta anhan apkeltémo katyapok elseyexma egwáxok negko'o m'a Dios, yakwayam enxoho agya'ásegwomhok ektémakxa nak Dios apcheymákpoho elyenmasama nak nápát ma'a Jesucristo.