SAN JUAN 8:52 - Lengua Sur (Enxet) Nuevo Testamento

⁵² Aptahak axta apkelátegmowágko judíos se'e: —Nakso' nentemesásak kaxwo' negko'o ekyetna apwáxok xép kelyekhama'. Apketsepmeyk axta Abraham, apsawhomakpók nahan apkeletsapma m'a énxet'ák ektaha axta apkellegaso Dios appeywa, keñe exchep aptaha appeywa s'e: ‘Enxet ektahakxa enxoho apkelyaheykekxoho sekpeywa, megyetsepek sat.’

SAN JUAN 8:52 ပူးပေါင်းရင်းမြစ်များ

SAN MATEO 11:18

Apwa'ak axta Juan aptaha axta meto apto tén han meya vino, apyókxoho énxet axta apkelxeyenmak ekyetna kelyekhama' Juan,

SAN JUAN 1:19

Apkeláphásek axta énxet'ák judíos apkeleñama tegma apwányam Jerusalén aphakxa Juan ma'a appasmo nak apkelmaxnéseso Dios énxet'ák apagkok, axta anhan apkeláphásak ma'a énxet'ák Levitas yakwayam elmaxneyha aptémakxa.

SAN JUAN 14:23

Aptahak axta apchátegmowágko Jesús se'e: —Enxet ektahakxa enxoho seyásekhayo ko'o, elyahakxohok ma'a ektémakxa nak sekpeywa; yásekhohok sat nahan ma'a Táta, ólchexyok sat nahan negko'o yakwayam antehek negyepetcheyo xa énxet nak, Táta tén han ko'o.

SAN JUAN 15:20

Kaxénwakxoho kélwáxok sektaha exchek seláneya kéxegke s'e: ‘Enxet ektaha nak kélásenneykha metnehek apyeykhágweykmoho m'a wese' apagkok.’ Elyakmáseykha axta agkok ko'o, kólmenxenmakha sat nahan kéxegkáxa; aptemék axta agkok apkelyaheykekxoho sekpeywa énxet, elyahakxohok sat nahan kélpeywa kéxegke.

SAN JUAN 17:6

“Elya'asásegwokmek ko'o aptémakxa exchep ma'a énxet'ák apkelyéseyncha'a axta exchep keso náxop, cham'a segkésa axta. Xép axta énxet'ák apagkok xa énxet'ák nak, egkések axta eyke ko'o exchep, apkelyahákxók axta nahan xép appeywa.

SAN JUAN 7:20

Aptahak axta apkelátegmowágko énxet'ák se'e: —¿Yaksak ekmoko kakhek xép? ¡Kelyekhama' taxnak apwáxok xép!

SAN JUAN 8:22

Aptahak axta apkelpakmeta judíos se'e: —¿Peyk enxeykel'a yakhakpekxak xa énxet nak? La'a apxéna nak magkegwagko ólmahagkok ma'a yakwánxa nak emhagkok.

SAN JUAN 8:48

Aptahak axta judíos apcháneya Jesús se'e: —Payhawo' neyke agkok nentahakxa nak nempeywa nenxéna exchep aptaha apkeñama Samaria, tén han ekha apwáxok kelyekhama'.

SAN JUAN 8:51

Enxet ektahakxa enxoho apkelyaheykekxoho sekpeywa megyetsepek sat. Nakso' xa sektahakxa nak seláneya kéxegke.

SAN JUAN 8:55

Akke kólya'ásegkok kéxegke m'a Dios, ko'o eyke ekya'ásegko', ekxénchek agkok ko'o may'ásegko m'a Dios, sekmowána amya'a atnehek, ekhawo kéltémakxa nak kéxegke; nakso' eyke ko'o sekya'ásegkoho m'a Dios, elyaheykekxók nahan ma'a appeywa.

SAN JUAN 9:24

Apcháneyáha axta makham énxet'ák fariseos xa énxet apteme axta meyke apakta'ák. Entahak axta amya'a apcháneyákpo s'e: —Hẽltennés hana negko'o ekmámnaksoho agko' nápakto' Dios. Negya'ásegkok negko'o aptaha mey'asáxma m'a énxet nak.

HEBREOS 11:13

Apsawhomakpók axta apkeletsapma xa énxet'ák nak neyseksa melxaweyák ma'a aksok apxeyenma axta egkések Dios; nano' axta eyke apkelya'áseyak ekmáheyo katnehek ma'a ektémakxa axta appekkencháseykekxa appeywa Dios eñama m'a melya'áseyam axta, leklamók axta apwáxók xa, apkelyekpelchágweykmoho apancha'awo' axta aptamheykegkok aptaha apkelwé yakwatakxoho keso náxop, megkatnahakxa nak apkeleñémekxa.

HEBREOS 2:9

Jesús akke negwet'ak negko'o, cham'a aptemésesa axta Dios kónegók yakwatakxoho nepyeseksa apkelásenneykha apkeleñama nak néten, negwet'ak nahan kélmésa apcheymákpoho tén han kélmésa ekyawe kéláyo, eñama m'a apketsapma axta. Segásekhayo axta keñamak Dios apkeltémo yetsapok Cristo yakwayam hempasmok negyókxoho negko'o.