SAN JUAN 8:26 - Lengua Sur (Enxet) Nuevo Testamento

²⁶ Xámok eykhe yakwayam altennásekxohok kéltémakxa kéxegke, xámok eykhe nahan yakwayam alsexnenak kéxegke. Ekmámnaksoho eyke aksok apxeyenma m'a aptaha axta seyáphaso ko'o, altennaksohok cha'a ko'o énxet'ák apheykha náxop ma'a seklegaya nak cha'a aptémakxa appeywa m'a aptaha axta seyáphaso ko'o.

SAN JUAN 8:26 ပူးပေါင်းရင်းမြစ်များ

SAN JUAN 15:15

Massék ko'o sekxéna kaxwo' kéxegke kéltaha seláneykha, hakte énxet ektaha nak kélásenneykha mey'asagkek ma'a aksok apkelané nak wese' apagkok. Ekxénchek ko'o kéltaha kéxegke enámokkok, hakte elya'asásegwokmek kéxegke m'a ekyókxoho aptémakxa axta seyenagkama ko'o Táta.

SAN JUAN 16:12

“Xámok eykhe yakwayam altennaksek kéxegke, wánxa agkok, megkólwanchek eyke kólya'ásegwók ekyókxoho nak.

SAN JUAN 17:8

hakte eltennáseyha axta ko'o m'a amya'a segkésa axta exchep, axta nahan elya'ásekmok. Apkelya'ásegwokmek axta anhan eyámnaksoho señama ko'o m'a aphakxa nak xép, axta nahan elya'ásekmok aptaha seyáphaso exchep xa énxet'ák nak.

SAN JUAN 18:20

Aptahak axta apchátegmowágko Jesús se'e: —Eltenneykha axta cha'a ko'o nápakta'awo' énxet'ák; Alxekmóshok axta anhan cha'a énxet'ák ma'a kañe' apchakneykekxexa nak énxet'ák judíos, tén han ma'a kañe' tegma appagkanamap, cham'a apchakneykekxexa nak cha'a apkelánamákpoho judíos; meyxamaxkohok cha'a ko'o sektémakxa nak cha'a sekpeywa.

SAN JUAN 3:11

Nenxénchek cha'a negko'o m'a negya'áseykegkoho nak, nenxénchek nahan cha'a m'a aksok negwetayo nak; kélya'áseykmek eyke kéxegke nentémakxa nak cha'a neltennaso kéxegke. Nakso' xa sektahakxa nak seyáneya exchep.

SAN JUAN 7:16

Aptahak axta apchátegmowágko Jesús se'e: —Háwe selxekmóso ahagko' ko'o s'e ektémakxa nak selxekmóso, cha'a keñamak ma'a aptaha axta seyáphaso ko'o.

SAN JUAN 7:28

Xama axta apleg'a Jesús xa, aptahak axta apyennaktésawo appeywa neyseksa apkelxekmóso énxet'ák kañe' tegma appagkanamap se'e: —Elyekpelchawók neyke kéxegke, kélya'ásegkok neyke anhan señamakxa. Háwe axta ko'o sekxegayam ahagko', ekxegakmek axta ko'o aptaha seyáphaso m'a ekpayhawo nak kóltehek kéláyo, cham'a megkólya'ásegko nak kéxegke.

SAN JUAN 8:25

Keñe axta ektaha amya'a kélmaxneyeyncha'a Jesús se'e: —¿Yaksak énxet xép? Aptahak axta apchátegmowágko Jesús se'e: —Chakhók alenxanmohok selpakhetcheso kéxegke.

SAN JUAN 8:27

Axta eyke elya'ásegkok apxéna Apyap Jesús xa énxet'ák.

SAN JUAN 8:40

Nakso' eykhe m'a sektémakxa nak cha'a seltennaso kéxegke ektaha axta selxekmóso ko'o Dios, akke kólhaxanmak kélmáheyo hélakhek ko'o. Axta eyke etnék Abraham xama enxoho xa ektaha nak.

2 CORINTIOS 1:18

Dios akke aptaha apya'áseykegkoho mantéma cha'a negko'o agának kéxegke “nakso'”, tén han “ma'”, cham'a neghéyásawo enxoho mók nenteme nempeywa xa.