SAN JUAN 8:25 - Lengua Sur (Enxet) Nuevo Testamento

²⁵ Keñe axta ektaha amya'a kélmaxneyeyncha'a Jesús se'e: —¿Yaksak énxet xép? Aptahak axta apchátegmowágko Jesús se'e: —Chakhók alenxanmohok selpakhetcheso kéxegke.

SAN JUAN 8:25 ပူးပေါင်းရင်းမြစ်များ

SAN LUCAS 22:67

—Hẽltennés negko'o, ¿Xépya Mesías? Aptahak axta apchátegmowágko Jesús se'e: —Eltennásek agkok kéxegke sektaha ko'o Mesías, kólya'asók.

SAN JUAN 1:19

Apkeláphásek axta énxet'ák judíos apkeleñama tegma apwányam Jerusalén aphakxa Juan ma'a appasmo nak apkelmaxnéseso Dios énxet'ák apagkok, axta anhan apkeláphásak ma'a énxet'ák Levitas yakwayam elmaxneyha aptémakxa.

SAN JUAN 1:22

Kélmaxneyakxók axta makham Juan: —¿Yaksak énxet xép? Egmenyék negko'o ansakxések amya'a m'a énxet'ák ektaha axta sẽláphaso negko'o. —¿Háxko sat etnehek hẽltennaksek aptémakxa exchep?

SAN JUAN 10:24

Apwakhegwokmek axta énxet'ák judíos. Aptahak axta nahan apkelmaxneyeyncha'a s'e: —¿Háxko sat ekwánxa ekhem kammok mehẽltennasók negko'o aptémakxa exchep? Xép agkok Mesías, hẽltenneys hana negko'o.

SAN JUAN 19:9

Aptaxnekxeyk axta makham kañe' apxagkok Pilato. Aptahak axta makham apkelmaxneyeyncha'a Jesús se'e: —¿Háxko apkeñamakxa exchep? Wánxa agkok, axta eyke yátegmowagkok Jesús.

SAN JUAN 8:12

Apkeltennáseyha axta makham Jesús énxet'ák. Aptahak axta s'e: —Ko'o sekteme elseyexma keso náxop; énxet ektahakxa enxoho setleykha ko'o, keytek sat ma'a elseyexma ekyennaktésamo nak egnenyek, metyesha sat neyseksa ekyaktesóxma.

SAN JUAN 8:24

Ekeso eñamakxa seltennasa exchek kéxegke peya kóletsapok neyseksa kéllané megkólya'asáxma; hakte kélya'áseykmek agkok kéxegke sektaha ko'o m'a sektahakxa exchek seláneya kéxegke, kóletsapok sat neyseksa kéllané megkólya'asáxma.

SAN JUAN 8:26

Xámok eykhe yakwayam altennásekxohok kéltémakxa kéxegke, xámok eykhe nahan yakwayam alsexnenak kéxegke. Ekmámnaksoho eyke aksok apxeyenma m'a aptaha axta seyáphaso ko'o, altennaksohok cha'a ko'o énxet'ák apheykha náxop ma'a seklegaya nak cha'a aptémakxa appeywa m'a aptaha axta seyáphaso ko'o.