SAN JUAN 8:24 - Lengua Sur (Enxet) Nuevo Testamento

²⁴ Ekeso eñamakxa seltennasa exchek kéxegke peya kóletsapok neyseksa kéllané megkólya'asáxma; hakte kélya'áseykmek agkok kéxegke sektaha ko'o m'a sektahakxa exchek seláneya kéxegke, kóletsapok sat neyseksa kéllané megkólya'asáxma.

SAN JUAN 8:24 ပူးပေါင်းရင်းမြစ်များ

SAN MATEO 24:5

Hakte elwak sat énxet apxámokma sexneyásamákpoho ko'o. Sat etnehek apkelpeywa s'e: ‘Ko'o Mesías’, apxámok sat nahan etnehek énxet apkelyexancháseykha.

SAN MARCOS 13:6

Hakte elwak sat énxet apxámokma sexneyásamákpoho ko'o. Sat etnehek apkelpeywa s'e: ‘Ko'o Mesías’, apxámok sat nahan etnehek énxet apkelyexancháseykha.

SAN MARCOS 16:16

Kólwagkasaxchek sat teyp kéxegke kélteme nak megkólya'áseyam tén han kéltegye nak yakpasama yegmen; kólsexnánéxchek sat eyke kéxegke kélteme nak kélya'áseyam.

SAN LUCAS 21:8

Aptahak axta apchátegmowágko Jesús se'e: “Kólleyxmakha sat, nágkólho aksa kólyexanchesha. Hakte elwak sat énxet apxámokma sexneyásamákpoho ko'o. Sat etnehek apkelpeywa s'e: ‘Ko'o Mesías’. Etnehek sat nahan se'e: ‘Wokmek kaxwo' ekhem.’ Nágkólyetlakxa aksa kéxegke.

SAN JUAN 13:19

Nano' axta seltennasa kéxegke xa yakwayam enxoho mehelya'asók sektaha ko'o mamassegwayam, cham'a ektaha enxoho xa.

SAN JUAN 3:18

“Negko'o ektahakxa enxoho nenteme magya'áseyam Dios Apketche mantehek nensexnánemaxche; keñe m'a énxet ektahakxa enxoho apteme apya'áseyam aptemék apsexnánémap eñama apya'áseyam ma'a Dios Apketche aptaha nak wánxa xama.

SAN JUAN 3:36

Negko'o ektahakxa enxoho nenteme magya'áseyam Dios Apketche, keytek ekyennakte egnenyek megkatnegwayam enéxa; keñe m'a ektahakxa enxoho apya'áseyam Dios Apketche mexkeyk sat xa ekyennakte egnenyek nak, wánxa sat exkak ma'a ekmaso senlegasáseykegkoho nak Dios.

SAN JUAN 4:26

Aptahak axta apchátegmowágko Jesús se'e: —Ko'o neykhe xa ekxéna nak, neykhe s'e ekpakhetchesa nak.

SAN JUAN 8:21

Aptahak axta makham Jesús apkeláneya énxet'ák se'e: —Axog sat ko'o, helchetmok sat kéxegke, wánxa agkok kóletsapok sat eyke kéxegke neyseksa kéllané megkólya'asáxma. Megkólwanchek sat kólmahagkok kéxegke m'a yakwánxa nak amhagkok ko'o.

SAN JUAN 8:25

Keñe axta ektaha amya'a kélmaxneyeyncha'a Jesús se'e: —¿Yaksak énxet xép? Aptahak axta apchátegmowágko Jesús se'e: —Chakhók alenxanmohok selpakhetcheso kéxegke.

SAN JUAN 8:28

Ekeso eñamakxa aptaha axta apkeláneya Jesús énxet'ák se'e: —Kélya'ásekxek sat agkok néten kéxegke m'a ektaha nak Apketche énxet, kólya'ásegwók sat kéxegke sektaha ko'o m'a sektémakxal'a alának kéxegke, kólya'ásegwók sat nahan megkatnaha selané exakko' sektamheykha; wánxa aksa cha'a ko'o atnehek sekpeywa m'a ektémakxa nak sexekmóso ko'o Táta.

SAN JUAN 8:58

Aptahak axta apchátegmowágko Jesús se'e: —Ekhegkek axta ko'o meykexa Abraham. Nakso' xa sektahakxa nak seláneya kéxegke.

LOS HECHOS 4:12

Méko pók énxet ekyetna m'a nelwagkásamáxche teyp nak, hakte axta hegmeyásak negko'o Dios pók énxet yakwayam hẽlwagkasek teyp keso náxop.

HEBREOS 12:25

Kólawho sat kéxegke, nágkóltaknaw aksa m'a ektaha nak sẽltennaso xa. Hakte axta elegketamakpok ma'a énxet'ák ektaha axta aptaknagko Dios appeywa, cham'a apmésa axta eykhe appeywa Dios apkeltennasa eyesagko aptamhágkaxa neyseksa apheykha makham keso náxop. Negko'o sat eyke ekyagwánxa agkok magmowána ólegketaxchek, cham'a maghaxno enxoho aptahakxa segméso appeywa seltennasa eyesagko nentahakxa m'a apkeñama nak néten.

HEBREOS 2:3

¿Háxko sat antehek ólegketaxchek negko'o mantakmelchesa enxoho m'a nelwagkásamáxche teyp ektaha nak ektakmela agko'? Wese' egegkok Jesús apagko' axta ektaha aplegaso apmonye xa nelwagkásamáxche teyp nak, axta senxekmóso negko'o ektaha ekmámnaksoho m'a énxet'ák ektaha axta apkellegé.