SAN JUAN 8:14 - Lengua Sur (Enxet) Nuevo Testamento

¹⁴ Aptahak axta apchátegmowágko Jesús se'e: —Sekxénamaxchekxoho ahagko' eykhe ektahak ko'o, háwe eyke eyakhémo xa sektahakxa nak sekpeywa. Hakte ekya'ásegkok ko'o m'a señamakxa axta, ekya'ásegkok nahan ma'a yakwánxa nak amhagkok. Akke kólya'ásegkok kéxegke.

SAN JUAN 8:14 ပူးပေါင်းရင်းမြစ်များ

SAN JUAN 10:36

Epagkanchek axta ko'o Dios, eyáphásek axta nahan keso náxop, ¿yaksak ektaha kélxéna nak kéxegke sekwañeyncha'a ko'o m'a Dios, cham'a sekxéna nak ko'o sektaha Dios Apketche?

SAN JUAN 14:10

¿Apya'asékmeya exchep sektaha ko'o sekyepetcheyo m'a Táta, keñe Táta aptaha sépetcheyo ko'o? Háwe ko'o sekpeywa ahagko' se'e sektahakxa nak seláneya kéxegke. Akke apkelaneyk cha'a aptamheykha m'a Táta aptaha nak sépetcheyo ko'o.

SAN JUAN 16:28

Axta eñamak ko'o m'a aphakxa nak Táta, yakwayam awak keso náxop, kaxwo' eyke peyk kamaskok makham sekha keso náxop, yakwayam amyekxak ma'a aphakxa nak Táta.

SAN JUAN 17:8

hakte eltennáseyha axta ko'o m'a amya'a segkésa axta exchep, axta nahan elya'ásekmok. Apkelya'ásegwokmek axta anhan eyámnaksoho señama ko'o m'a aphakxa nak xép, axta nahan elya'ásekmok aptaha seyáphaso exchep xa énxet'ák nak.

SAN JUAN 18:37

Aptahak axta apkelmaxneyeyncha'a Pilato s'e: —¿Wese' apwányam neyke exchep? Aptahak axta apchátegmowágko Jesús se'e: —Cháxa aptahakxa nak appeywa: ko'o sekteme Wese' apwányam. Ekteyekmek axta ko'o, ekwayak axta anhan keso náxop, yakwayam axének ma'a amya'a ektaha nak ekmámnaksoho agko'. Yeyxhok cha'a sekpeywa ko'o m'a apyókxoho énxet'ák ektaha nak apkelyaheykekxoho amya'a ekmámnaksoho.

SAN JUAN 5:31

Ektemék agkok ko'o sekxénamaxchekxoho ahagko', méko keyxhok sektahakxa enxoho seltenneykha ko'o.

SAN JUAN 8:42

Aptahak axta apchátegmowágko Jesús se'e: —Nakso' agkok kéxegke kélyap ma'a Dios, helásekhohok axta ko'o kéxegke, hakte eñamak ko'o m'a Dios, keso sekwaya nak. Háwe ko'o sekwé ahagko', ekwa'ak axta ko'o aptaha seyáphaso m'a Dios.

2 CORINTIOS 11:31

Apya'ásegkok eyke sektéma cha'a ko'o ekmámnaksoho sekpeywa m'a Dios Jesucristo Wese' egegkok Apyap, cham'a ekpayhawo nak cha'a kóltemésesek apcheymákpoho.

2 CORINTIOS 12:11

Ektemegkek axta ko'o máxa seyéháxma, hakte kéxegke axta selyateyeykegkoho atnehek ko'o máxa seyéháxma, kéxegke axta eyke kéméxchek katakmelek sexeyenma ko'o, hakte meheyeykhágweykmohok ko'o m'a seykha amya'a ekha kéláyo nak, ¡énxet mékoho eykhe ko'o!

2 CORINTIOS 12:19

Kélaneykek kexaha óltamhok negko'o hẽlemlekxohok kéxegke, mantahak negko'o xa. Wánxa agkok, nentahak negko'o nempeywa m'a nentémakxal'a ampakmétek nápakto' Dios, ekhawo aptamheykegkaxal'a Cristo énxet'ák apagkok. Elyáxeg selásekhayo, yakwayam ólyennaktésesek apteme melya'áseyam énxet akke keñamak nentéma cha'a negko'o ekyókxoho xa.

APOCALIPSIS 1:5

tén han eleñama m'a Jesucristo, aptaha nak ekmámnaksoho agko' apxeyenma aptémakxa Dios, aptaha axta nahan apmonye apxátekhágwayam nepyeseksa apkeletsapma axta, aptaha nak han ekha kélyaheykekxoho nepyeseksa kelwese'e apkelwányam nak keso náxop. Egásekhayok negko'o Cristo, egmasésesek axta nahan mólya'asáxma, cham'a apyegkena axta éma apagkok,

APOCALIPSIS 3:14

“Etáxéses nahan Dios apchásenneykha nak ma'a apchakneykekxexa nak énxet tegma apwányam Laodicea: ‘Keso aptahakxa nak appeywa aptaha nak apmámnaksoho s'e, aptaha nak han meyeykháseykegkoho appeywa, ekmámnaksoho agko' nahan etnehek appeywa, aptaha nak han eñamakxa ekyókxoho aksok ektaha axta Dios apkelané: