SAN JUAN 7:43 - Lengua Sur (Enxet) Nuevo Testamento

⁴³ Keñe axta apkexpáncháseykpo énxet, Jesús axta ñokxa apxénákpo.

SAN JUAN 7:43 ပူးပေါင်းရင်းမြစ်များ

SAN MATEO 10:35

Ekwa'ak axta ko'o yakwayam atnesásekxak apkenmexma apyap énxet, keñe kelán'a katnehek enmexma m'a egken, keñe katnekxak enmexma yepyámog ma'a atánegken;

SAN LUCAS 12:51

¿Kélaneykeya kéxegke asókmohok ko'o meyke ektahakxa egwáxok sekwa'a keso náxop? Eltennásek ko'o kéxegke masókmoho xa, wánxa seksókmoho m'a apkexpánchásamap nak énxet.

SAN JUAN 10:19

Xama axta apkelleg'a judíos xa aptahakxa axta appeywa Jesús, yeykháxchek axta makham mók apkelpakmeyesma.

SAN JUAN 7:12

Apxénákpek axta cha'a Jesús nepyeseksa énxet'ák. Nápakha énxet axta cha'a aptahak apxéna Jesús se'e: “Méko aptémakxa m'a énxet nak”; keñe axta nápakha énxet'ák aptaha cha'a apxéna Jesús se'e: “Sagkek aptémakxa m'a énxet nak. Apkelyexancháseykha cha'a énxet'ák.”

SAN JUAN 9:16

Aptahak axta apkelpakmeta nápakha fariseos se'e: —Enxet ektaha nak apkelané xa megkañamak Dios, hakte metnahak apcháyo ekhem nellókasamakxa nelyampé. Keñe axta anhan nápakha énxet aptaha apkelpakmeta s'e: —¿Háxko katnehek elának aksok sempelakkaso agweta' aptaha enxoho mey'asáxma? Cháxa ektahakxa axta apkexpáncháseykpo énxet'ák xa.

LOS HECHOS 14:4

Wánxa agkok, apkexpancháseykpek axta eyke énxet'ák ma'a tegma apwányam nak, nápakha énxet'ák axta leyawok apwáxók apkeltémakxa m'a énxet'ák judíos, keñe axta nápakha énxet'ák ekleyawo apwáxók apkeltémakxa m'a énxet'ák seykha amya'a.