SAN JUAN 7:4 - Lengua Sur (Enxet) Nuevo Testamento

⁴ Apmenyék agkok etnehek énxet kélyekpelchémo, méxakpók elának aksok. Elának nahan nápakta'awo' énxet'ák xa aksok apkelana nak, hakte apkelanak xép xa ektéma nak.

SAN JUAN 7:4 ပူးပေါင်းရင်းမြစ်များ

SAN MATEO 23:5

Exekmóshok nahan cha'a énxet'ák ma'a ekyókxoho aksok apkeláneyak nak. Apmenyék nahan keytek Dios appeywa kéltáxéso ekpayhakxa nápát, tén han ma'a apaktegák nak, apmenyék nahan elyáncheshok elmakheykha napwa'ék apkelántaxno.

SAN MATEO 4:6

Entahak axta eyáneya s'e: —Nakso' agkok xép aptaha Dios Apketche, enextegenta' náxop; hakte entemék eknaktáxésamaxche weykcha'áhak se'e: ‘Dios sat eláphaksek apkelásenneykha yakwayam etakmelchesek xép. Emágwatak sat xép, yakwayam enxoho metyegwaték meteymog xama enxoho.’

SAN MATEO 6:16

“Agkok kóltáwak kélto kélpeykáso Dios, nágkayakhapmakha aksa kélwáxok, nágkólteme aksa aptamheykegkaxal'a énxet'ák apkelmeyókásamákpohol'a apancha'awók apkeltémakxa, máxa katnehek ma'a elyakhápencha'a enxoho apwáxók yakwayam enxoho étak énxet'ák apkelpeykáso Dios yetlo metéyak aptéyak. Apkelxawágkek aksok apkelxawé naksa eñama aptamhéyak xa. Nakso' xa sektahakxa nak seláneya kéxegke.

SAN MATEO 6:5

“Kéltemék agkok kéxegke nempeywa nelmaxnagko, nágkólteme aksa m'a aptamheykegkaxa nak énxet'ák apkelmeyókásamákpoho nak apancha'awók apkeltémakxa, cham'a apmáheyol'a etnamha kañe' apchakneykekxexa judíos aptaha enxoho nempeywa nelmaxnagko, tén han etnegwók ma'a máseyak yókxexma apheykegkaxal'a énxet'ák, yakwayam enxoho kataxchek aptahakxa. Apkelxakék aksok apkelxawé naksa eñama aptamhéyak xa. Nakso' xa sektahakxa nak sekpeywa seláneya kéxegke.

SAN LUCAS 6:45

Aksok ektakmela aksa exének ma'a énxet ektakmela nak aptémakxa, hakte keytek aksok ektakmela m'a kañe' apwáxok, énxet ekmaso nak aptémakxa, aksok ekmaso aksa exének, hakte keytek aksok ekmaso m'a kañe' apwáxok. Hakte apátog cha'a katyapwakxak énxet ma'a ekhágko nak aksok ekxámokma kañe' apwáxok.

SAN JUAN 18:20

Aptahak axta apchátegmowágko Jesús se'e: —Eltenneykha axta cha'a ko'o nápakta'awo' énxet'ák; Alxekmóshok axta anhan cha'a énxet'ák ma'a kañe' apchakneykekxexa nak énxet'ák judíos, tén han ma'a kañe' tegma appagkanamap, cham'a apchakneykekxexa nak cha'a apkelánamákpoho judíos; meyxamaxkohok cha'a ko'o sektémakxa nak cha'a sekpeywa.

SAN JUAN 7:3

Aptahak axta apcháneya apkelyáxeg Jesús se'e: —Ney exnekxa aksa s'e. Emyekxa' sat makham ma'a Judea, yakwayam enxoho étak aksok apkelané exchep ma'a apkeltámeséyak apheykha nak ma'a.

SAN JUAN 7:5

Wokmók axta anhan apkelyáxeg apya'áseyam Jesús.