SAN JUAN 7:39 - Lengua Sur (Enxet) Nuevo Testamento

³⁹ Axta apxénak Jesús ma'a énxet ektahakxa enxoho apteme mey'áseyam peya exkak Espíritu, hakte axta eweyk makham Espíritu. Axta anhan kóltemésesók apcheymákpoho Jesús ma'a.

SAN JUAN 7:39 ပူးပေါင်းရင်းမြစ်များ

SAN MATEO 16:14

Aptahak axta apkelátegmowágko s'e: —Nápakha énxet'ák cha'a apxeyenmak xép aptaha Juan el Bautista; keñe nápakha apxeyenma aptaha exchep Elías, keñe anhan nápakha apxeyenma aptaha exchep Jeremías, tén han apxeyenma aptaha pók Dios appeywa aplegaso.

SAN MATEO 21:11

Aptahak axta apkelátegmowágko énxet'ák se'e: —Cháxa Jesús, aptaha nak Dios appeywa aplegaso apkeñama nátegma Nazaret yókxexma Galilea xa.

SAN LUCAS 24:49

Wáphásesek sat kéxegke m'a apxeyenma axta egkések kéxegke Táta. Kólhakha sat kéxegke s'e tegma apwányam Jerusalén ekwokmoho kélxaka kélmowána eñama nak néten.

SAN LUCAS 3:16

wánxa agkok, aptahak axta Juan apkeláneya apyókxoho énxet'ák se'e: “Yegmen ko'o ekmáha sekyakpasásegko kéxegke yegmen; apxegakmek eyke netámen xama énxet yakwayam sat eyakpásesagkok kéxegke yetlo Espíritu Santo tén han ma'a táxa. Apmopwána eghak ma'a maxnawok ko'o, megkapayhawok nahan alhexyawásesek ko'o axát'ák ma'a apkeltéto apmagkok.

SAN LUCAS 7:16

Xama axta ekwetáxko xa, apyókxoho énxet axta nahan apchekak, yetlókók axta apkelpeykesamo Dios. Aptahak axta apkelpakmeta s'e: —Dios appeywa aplegaso meyke ekhémo aptépak negyeseksa negko'o. Aptahak axta anhan apkelpakmeta s'e: —Dios apwa'ak yakwayam epasmok énxet'ák apagkok.

SAN JUAN 1:21

Apkelmaxneyakxók axta makham xa énxet'ák nak: —¿Yaksak eyke énxet xép? —¿Háweya exchep Elías aptaha axta Dios appeywa aplegaso? —Háwe ko'o, —axta aptahak apchátegmowágko Juan. Apkelenxanakmók axta eyke apkelmaxneyeykha xa énxet'ák nak: —¿Xeyepya Dios appeywa aplegaso apxénamakpo nak ewa'? —Háwe ko'o, axta aptahak makham apchátegmowágko Juan:

SAN JUAN 1:33

Axta ko'o makham ay'áseykegkok aptémakxa m'a; wánxa agkok, aptahak axta seyáneya ektaha axta seyáphaso yakwayam ayakpásesagkok yegmen énxet se'e: ‘Apwet'ak sat agkok xép apwéweynto Espíritu, tén han apyakwa'a enxoho apyetseksek énxet, cháxa apyakpasáseykegkohol'a yegmen énxet yetlo Espíritu Santo xa.’

SAN JUAN 12:16

Axta elya'ásegkok sekxo' Jesús apkeltámeséyak xa ektahakxa axta, wánxa agkok xénwokmek axta apwáxók ekyetnama eknaktáxésamaxche ekxeyenma m'a Jesús, cham'a kélmésa axta apcheymákpoho natámen kélxátekháseyam.

SAN JUAN 12:23

Aptahak axta Jesús apkeláneya xa énxet'ák nak. —Wokmek kaxwo' ekhem yakwánxa nak kóltemésesek apcheymákpoho m'a ektaha nak Apketche énxet.

SAN JUAN 14:13

Ekyókxoho aksok kélmaxnagko nak eñama ko'o sekwesey, alának sat ko'o, yakwayam enxoho kataxchek ektémakxa apcheymákpoho Dios eñama m'a Apketche.

SAN JUAN 14:26

Espíritu Santo sat eyke elxekmósek kéxegke ekyókxoho aksok, elya'asásegwakxohok sat nahan ma'a ekyókxoho sektémakxa nak selanagkama kéxegke, cham'a Espíritu aptaha nak Apmasma kéxegke, peya nak yáphásesek kéxegke Táta eñama ko'o sekwesey.

SAN JUAN 16:14

Sat nahan exekmósek kéxegke ektémakxa nak ko'o seyeymáxkoho m'a, hakte exkak sat ma'a ektaha nak sekpeywa ahagko' ko'o, elya'asásegwók sat nahan kéxegke.

SAN JUAN 16:7

tásek eyke atakhekxak ko'o yakwayam enxoho kapasmok kéxegke. Hakte agkok atakhákxak ko'o, meweyk yakwayam exnak kélnepyeseksa kéxegke m'a aptaha nak Apmasma kéxegke; ektakhakxeyk sat agkok ko'o, wáphásesek sat kéxegke m'a. Nakso' xa sektahakxa nak seláneya kéxegke.

SAN JUAN 17:1

Apkenmexawók axta néten Jesús natámen apxeyenma xa, aptahak axta appakmeta s'e: “Táta wokmek kaxwo' ekhem. Yána sat kataxchek ektémakxa nak aptakmalma Apketche, yakwayam enxoho nahan exekmósek xép Apketche ektémakxa nak aptakmalma exchep.

SAN JUAN 17:5

Táta hegkes ko'o makham seyeymáxkoho ekyetnama axta ko'o xamo' xép amonye elánamáxche keso náxop, eñama m'a aphamakxa nak xép.

SAN JUAN 20:22

Keñe axta apkelwátekhápégko apkeltámeséyak, aptahak axta apkeláneya s'e: —Ekmések ko'o kéxegke Espíritu Santo.

SAN JUAN 6:14

Xama axta apkelwet'a énxet'ák aksok sempelakkaso agweta' apkelané Jesús, aptahak axta apkelpakmeta s'e: —Neykexa nakso' Dios appeywa aplegaso apxénamakpo nak ewa' náxop xa.

SAN JUAN 7:12

Apxénákpek axta cha'a Jesús nepyeseksa énxet'ák. Nápakha énxet axta cha'a aptahak apxéna Jesús se'e: “Méko aptémakxa m'a énxet nak”; keñe axta nápakha énxet'ák aptaha cha'a apxéna Jesús se'e: “Sagkek aptémakxa m'a énxet nak. Apkelyexancháseykha cha'a énxet'ák.”

SAN JUAN 8:54

Aptahak axta apchátegmowágko Jesús se'e: —Takmeláha agkok sekpeywa sekxénáxchekxoho ahagko', chakhók katakmelmakha sekpeywa. Táta eyke m'a ektakmalma nak cha'a sexeyenma ko'o, cham'a kélxeyenma nak kéxegkáxa aptaha Dios kélagkok.

LOS HECHOS 19:2

Aptahak axta Pablo apkelmaxneyeyncha'a s'e: —¿Kélxaweykegkeya kéxegke Espíritu Santo, cham'a kéltéma axta megkólya'áseyam Jesús? —Manlegeyk negko'o exénakpok Espíritu Santo, axta aptahak apkelátegmowágko xa énxet'ák nak.

LOS HECHOS 2:17

Aptahak Dios se'e: ‘Katnehek sat ekwokmo enxoho ekhem, agkések sat Espíritu ahagkok apyókxoho énxet'ák; eltennaha sat amya'a yakwánxa katnehek, kélketchek kéxegke, tén han ma'a kélketchek kelwán'ák nak, étak sat cha'a aksok kélxekmósamo wokma'ák, keñe sat kawanmaksek cha'a m'a apkelwányam nak.

LOS HECHOS 2:33

Egmések axta negko'o Espíritu Santo, cham'a natámen apya'áseykekxa axta néten Dios ma'a Jesús, tén han ma'a aphésakxo axta ekpayhókxa nak apkelya'asamakxa, tén han ma'a natámen axta apméso Apyap Espíritu apxeyenma axta hegmések negko'o xa. Cháxa kélwetaya nak kéxegke, tén han ma'a kéllegaya nak.

LOS HECHOS 2:38

Aptahak axta Pedro apchátegmowágko s'e: —Kólyakmagkas kélwáxok, kóltegye yakpasama yegmen eñama nak Wese' egegkok Jesucristo apwesey, yakwayam enxoho meyakmagkásekxék Dios kéltémakxa nak megkólya'asáxma, keñe sat egkések kéxegke Dios Espíritu Santo.

LOS HECHOS 2:4

Kellánegkok axta apwáxók Espíritu Santo xa apyókxoho nak, mók ektémakxa apkelpeywa axta apkelpakmétak, ekhawo m'a ektahakxa axta apméso Espíritu Santo yakwánxa katnehek apyakmaga mók ektémakxa kélpeywa.

LOS HECHOS 3:13

Apmések axta ekyawe apcheymákpoho meyke ekhémo xama apchásenneykha apwesey Jesús ma'a Abraham Dios apagkok, tén han Dios apagkok ma'a Isaac, tén han ma'a Jacob ektaha nak han ẽlyepmeyk nano' negko'o, cham'a kélmésa axta kéxegke énxet ekyawe nak kéláyo, cham'a apmáheyo axta eykhe ényekxak Pilato, keñe axta kéxegke megkól'awo.

LOS HECHOS 4:31

Xama axta appenchásegko aptamheyak nempeywa nelmaxnagko, pexyenegkek axta xóp ma'a apchaknákxexa axta; apkellánegkók axta apwáxók Espíritu Santo xa énxet'ák nak, apkellegásek axta Dios appeywa meyke apchéseykekxa.

ROMANOS 8:9

Massegkek eyke kélyetleykekxa kéxegke xa nentémakxa egagko' nak, wánxa m'a apkeltémókxa nak antehek Espíritu, cham'a eyámnaksoho enxoho apha kélwáxok kéxegke Espíritu apkeñama nak Dios. Méko agkok negko'o m'a Espíritu apkeñama nak Cristo, mantehek negko'o Cristo énxet'ák apagkok.

2 CORINTIOS 3:8

awanhok agko' sat katnehek eyeymáxkoho m'a ektémakxa nak kéltenneykha axnagkok nelpakhetchásamáxkoho nak Dios ektaha axta aptekkeso Espíritu.

EFESIOS 4:30

Nágkóllapwagkas aksa Espíritu Santo apkeñama nak Dios, cham'a kélkahásamáxko nak kéxegke yakwayam enxoho kólyekpelchaxkohok kélteme nak Dios énxet'ák apagkok, cham'a ekwa'a sat ekhem yakwánxa hẽlwagkasek teyp.