SAN JUAN 7:35 - Lengua Sur (Enxet) Nuevo Testamento

³⁵ Keñe axta aptaha apkelpakhetcháseykpoho énxet'ák judíos se'e: —¿Háxko apmokókxa emhagkok apxéna nak magwanchek agwetekxa'? ¿Enxeykel'a peyk emhagkok ma'a apheykegkaxa nak judíos apkekhegwayam nak mók nekha, yakwayam enxoho elxekmósek énxet'ák melya'áseyak nak Dios?

SAN JUAN 7:35 ပူးပေါင်းရင်းမြစ်များ

SAN MATEO 12:21

Apxámokxoho énxet'ák sat etnahagkok melya'áseyam ma'a.”

SAN LUCAS 2:32

cham'a elseyexma peya nak kalsásesamhoxma apyókxoho énxet'ák nak tén han peya kañék kélteméseso apkeleymákpoho m'a énxet'ák Israel.”

SAN JUAN 12:20

Nápakha énxet'ák griegos axta anhan apkelpaxkamap ma'a énxet'ák apkelmahágko axta Jerusalén yakwayam elpeykeshok Dios ekhem melwagkayam axta judíos.

SAN JUAN 7:1

Apweynchámeyha axta Jesús yókxexma Galilea natámen xa. Axta emokók exek ma'a Judea, hakte énxet'ák judíos axta apketámak apmoko yakhek ma'a.

SAN JUAN 8:22

Aptahak axta apkelpakmeta judíos se'e: —¿Peyk enxeykel'a yakhakpekxak xa énxet nak? La'a apxéna nak magkegwagko ólmahagkok ma'a yakwánxa nak emhagkok.

LOS HECHOS 11:18

Xama axta apkelleg'a énxet'ák ekha melya'áseyam apheykha Jerusalén xa, apkelwanmeyágkek axta, aptahak axta anhan apkeltemésesa apcheymákpoho Dios se'e: —¡Apmések neyke nahan Dios yakwayam elyakmagkasek apwáxók ma'a énxet'ák metnaha nak judíos, tén han peya elmésagkok ma'a ekyennakte apnenya'ák megkatnegwayam enéxa nak!

LOS HECHOS 11:20

Nápakha énxet'ák melya'áseyam Jesús axta apkelwokmok ma'a Antioquía. Axta apkeleñamak ma'a Chipre, tén han ma'a Cirene. Apkelpakhetchesek axta énxet'ák metnaha nak judíos, apkeltennáseyha axta amya'a ektakmela Jesús Wese' egegkok apxénamap.

LOS HECHOS 14:1

Apkelántaxnegwokmek axta apchakneykekxexa judíos Pablo tén han Bernabé m'a tegma apwányam Iconio. Aptakmelchások axta apkeltenneykha, apxámok axta énxet'ák judíos apteme melya'áseyam, tén han ma'a énxet'ák metnaha nak judíos.

LOS HECHOS 17:4

Nápakha énxet'ák judíos axta anhan melya'ásekmok xa, apkelyetlákxeyk axta Pablo tén han Silas. Apxámok axta anhan énxet'ák griegos melya'ásekmo, cham'a apkelpeykesamo axta cha'a Dios, xámok axta anhan ma'a kelán'ák kelwese'e nak.

LOS HECHOS 18:4

Ekyókxoho ekhem nellókasamakxa nelyampé axta cha'a apmaheyak Pablo m'a apchakneykekxexa énxet'ák judíos, eltennasha axta cha'a xa énxet'ák nak, apkelenxáneykmek axta nahan cha'a elyakmagkasesek apwáxók ma'a énxet'ák judíos tén han ma'a metnaha nak judíos.

LOS HECHOS 21:21

Kéltennasegkek nahan énxet'ák judíos apxénamakpo exchep apkelxekmósama énxet'ák judíos apheykha nak megkatnahakxa apkelókxa, apxeyenmék hek xép megkeyméxko elyahakxohok ma'a Moisés segánamakxa apagkok nak, keñe exnek han meltémo exchep kólkahaksek kélketchek ma'a kélyenyekhamol'a egyempehek hẽlkahaksek, keñe exnek han meltémo exchep elyetlók ma'a nentémakxa nak negko'o.

LOS HECHOS 22:21

Wánxa agkok, aptahak axta seyáneya Wese' egegkok se'e: ‘Exeg sat kaxwo', wáphaksek sat xép ma'a mók apkelókxa eyátépexa nak.’ ”

ROMANOS 1:16

Mamegkayhek ko'o axének tásek amya'a, hakte cháxa Dios apmopwána xa, yakwayam enxoho elwagkasakpok teyp apyókxoho énxet apteme nak melya'áseyam, eyeynamókxa m'a énxet'ák judíos, wokmók eyke nahan ma'a énxet'ák metnaha nak judíos.

EFESIOS 3:8

Ko'o eyke sekteme kónegók ahagko' nepyeseksa m'a elyáxeg'a ektaha nak Dios énxet'ák apagkok, cham'a apteme nak kóneg; Egkések axta eyke aksa ko'o Dios ektakmela sektamheykha yakwayam atnehek seltennáseykha amya'a ektakmela m'a énxet'ák metnaha nak judíos cham'a amya'a ekxeyenma nak ekxámokma agko' aksok eltakmela eleñama nak Cristo.

COLOSENSES 1:27

Apmenyék axta Dios elyekpelchásesók ma'a ektaha nak énxet'ák apagkok, cham'a ekwánxa nak ekxámokma aksok eltakmela apagkok, cham'a ektemésesama axta cha'a ekpowásamáxkoho énxet'ák metnaha nak judíos. Apheyk kélwáxok kéxegke Cristo, cháxa megkólya'áseykegko axta kéxegke xa, aptaha nak han eñamakxa nelhaxneykha m'a negeymáxkoho peya nak anxawak.

1 TIMOTEO 2:7

Axta keñamak selyésáxko axta ko'o yakwayam atnehek seltenneykha tásek amya'a, tén han atnehek seykha amya'a, eyáneyaxchek axta anhan ko'o alxekmósek énxet'ák metnaha judíos ma'a eñama nak magya'áseyam, tén han ma'a amya'a ekmámnaksoho nak. Nakso' xa sektahakxa nak ko'o sekpeywa; háwe sekmowána amya'a.

2 TIMOTEO 1:11

Egkések axta ko'o Dios yakwayam atnehek seklegaso s'e amya'a nak, eyáphásek axta nahan yakwayam atnehek seykha amya'a, tén han atnehek selxekmóso enámokkok.

SANTIAGO 1:1

Ko'o Santiago sekteme Dios apchásenneykha, sekteme nahan Jesucristo Wese' egegkok apchásenneykha, eyáphásesek ko'o ekxeyenma ewáxok doce pók aptémakxa énxet'ák Israel, apkexpakneykha nak keso náxop.

1 SAN PEDRO 1:1

Ko'o Pedro, sekteme Jesucristo seykha amya'a apagkok. Enxet'ák apkexpakneykha mexneykha apkelókxa ektáxesásak ko'o s'e weykcha'áhak nak, cham'a apheykha nak yókxexma Ponto, Galacia, Capadocia, Asia tén han ma'a Bitinia,