SAN JUAN 7:26 - Lengua Sur (Enxet) Nuevo Testamento

²⁶ Cháxa, méxakpoho apkeltennasa énxet'ák. Méko nahan eyátegmowágko. ¿Enxeykel'a ey'ásekmok kelwese'e egagkok aptaha nakso' Mesías xa énxet nak?

SAN JUAN 7:26 ပူးပေါင်းရင်းမြစ်များ

SAN MATEO 22:16

Apkeláphásek axta énxet'ák fariseos énxet'ák ektaha axta apkelxegexma'a, tén han ma'a ektaha axta apkelyetlo Herodes, yakwayam enxoho etnehek yának Jesús se'e: —Sẽlxekmóso, negya'ásegkok negko'o ektéma cha'a ekmámnaksoho aksok apxeyenma exchep, tén han apkelxekmósama énxet'ák ma'a apkeltémókxa nak antehek Dios, meyke apkenmexmo m'a ektémakxa nak apkelpakmeyesma énxet, hakte mexeyenmak xép ma'a elpeykesáseykekxoho nak apwáxók énxet'ák.

SAN LUCAS 23:13

Apchánchesákxeyk axta Pilato apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák apkelmeykha nak apnámokkok, tén han ma'a apyókxoho énxet'ák.

SAN LUCAS 7:30

axta eyke eltamhok eyakpásesagkok yegmen Juan ma'a énxet'ák fariseos, tén han ma'a énxet'ák apkelxekmóso nak apnámokkok ektémakxa segánamakxa. Cháxa ektahakxa axta megkalcha apwáxók apmokókxa axta eykhe etnésesek Dios xa énxet'ák nak.

SAN JUAN 12:42

Wánxa agkok, apxámok axta énxet'ák judíos apteme melya'áseyam Jesús; weykmók axta anhan ma'a énxet'ák ekha nak kéláyo. Axta eyke exeyenmak nápakta'awo' énxet'ák, hakte énxet'ák fariseos axta apkelayék, yakwayam enxoho megkólántekkesek ma'a kañe' apchakneykekxexa nak énxet'ák judíos.

SAN JUAN 18:20

Aptahak axta apchátegmowágko Jesús se'e: —Eltenneykha axta cha'a ko'o nápakta'awo' énxet'ák; Alxekmóshok axta anhan cha'a énxet'ák ma'a kañe' apchakneykekxexa nak énxet'ák judíos, tén han ma'a kañe' tegma appagkanamap, cham'a apchakneykekxexa nak cha'a apkelánamákpoho judíos; meyxamaxkohok cha'a ko'o sektémakxa nak cha'a sekpeywa.

SAN JUAN 3:1

Apheyk axta xama fariseo apwesey axta Nicodemo, énxet ekha kéláyo nepyeseksa judíos axta m'a.

SAN JUAN 4:29

—Kólteyanegwomho hana xama énxet seltennasa exchek ekyókxoho aksok selané nak ko'o, ¿Háweya Mesías ma'a?

SAN JUAN 7:25

Nápakha énxet'ák apkeleñama Jerusalén axta aptahak aptegyeyncha'a amya'a s'e: —¿Háweya énxet apketagkakpo nak yakwayam kólakhek xa?

SAN JUAN 7:31

Apxámok axta énxet apteme mey'áseyam Jesús. Aptahak axta nahan cha'a apkelpakmeta s'e: —¿Xámok enxoho sat eykel'a katnehek apkelané Mesías aksok sempelakkaso agweta' apwa'a enxoho, megkaxók sat kexaha ekwánxa nak apkelané xa énxet nak?

SAN JUAN 7:48

¿Enxeykel'a anhan elya'ásekmok Jesús ma'a apkelámha apmonye'e egagkok nak, tén han ma'a fariseos?

SAN JUAN 9:22

Cháxa ektahakxa axta eyátegmoweyak enchána eyeka énxet'ák xa, hakte hawók axta mók apkelpakmeyesma énxet'ák judíos apmoko elántekkesek énxet'ák kañe' apchakneykekxexa ektahakxa enxoho apkelxeyenma Jesús aptaha Mesías.

LOS HECHOS 4:13

Xama axta apkelwet'a ektahakxa axta megyeseykekxa apkeltenneykha Pedro, tén han Juan, apkelya'ásegwokmek axta aptaha énxet meyke apkelmopwancha'a tén han meyke kélxekmóso, pelakkasek axta nahan apkelwet'a xa énxet'ák nak, xénwokmek axta nahan apwáxók aptaha Jesús apkeltámeséyak.

FILIPENSES 1:14

Apxámokxoho ẽlyáxeg nentémo xamo' magya'áseyam nahan apmayhágkohok eltennaha amya'a eñama nak Dios meyke apkeye, yetlo ekyágweykmoho agko' apteme melya'áseyam Wese' egegkok, ko'o axta ñokxa set'a selhésakmo sẽlpextétamakxa.