SAN JUAN 7:14 - Lengua Sur (Enxet) Nuevo Testamento

¹⁴ Aptaxnegwokmek axta Jesús tegma appagkanamap neyseksa apchakneykekxa énxet. Apkelxekmósek axta énxet'ák ma'a.

SAN JUAN 7:14 ပူးပေါင်းရင်းမြစ်များ

SAN MATEO 21:12

Aptaxnegwokmek axta Jesús kañe' tegma appagkanamap, apsawhawók axta apkelántekkesa énxet apkelyanmagkásamap axta m'a. Apkelyaknegkesásegkek axta mésa m'a énxet'ák apyakmagkáseykekxa axta cha'a mók selyakye, tén han ma'a kélchexakhamakxa axta wáx'ay.

SAN MATEO 26:55

Yetlókók axta apteme apkelmaxneyeykha Jesús énxet'ák se'e: —¿Yaksak ektaha kélsokmoho nak kéxegke sókwenakte tén han yámet selya'awa yakwayam helmok máxa énxet ekmaso aptémakxa eltemesásak? Yókxoho ekhem axta ko'o selxekmóso énxet kañe' tegma appagkanamap, axta nahan helmák kéxegke.

SAN LUCAS 19:47

Yókxoho ekhem axta apkelxekmóso Jesús énxet'ák kañe' tegma appagkanamap, keñe axta m'a énxet'ák apkelámha apmonye'e nak appasmo apkelmaxnéseso Dios énxet'ák apagkok apketamsama yakweykenxa etnehek yakhek Jesús, axta nahan apkelxegexma'a m'a énxet'ák apkelxekmóso nak apnámokkok ektémakxa segánamakxa, tén han ma'a énxet'ák apkelámha apmonye'e axta m'a tegma apwányam nak.

SAN JUAN 18:20

Aptahak axta apchátegmowágko Jesús se'e: —Eltenneykha axta cha'a ko'o nápakta'awo' énxet'ák; Alxekmóshok axta anhan cha'a énxet'ák ma'a kañe' apchakneykekxexa nak énxet'ák judíos, tén han ma'a kañe' tegma appagkanamap, cham'a apchakneykekxexa nak cha'a apkelánamákpoho judíos; meyxamaxkohok cha'a ko'o sektémakxa nak cha'a sekpeywa.

SAN JUAN 5:14

Keñe axta apwetágwokmo Jesús apha kañe' tegma appagkanamap ma'a énxet ektaha exchek aptakmelcheseyam. Aptahak axta apcháneya s'e: —Cháxa aptakmelwokmo nak xép neylánekxa aksa kaxwo' mey'asáxma, yakwayam enxoho megkahapweyk xép aksok ekmaso agko'.

SAN JUAN 7:2

Chágketwokmek axta ekhem apkelpakxeneykegkaxa axta cha'a judíos aksok áwa' melwagkayam apkeltémakxa axta cha'a apyepmeyk nano'.

SAN JUAN 7:28

Xama axta apleg'a Jesús xa, aptahak axta apyennaktésawo appeywa neyseksa apkelxekmóso énxet'ák kañe' tegma appagkanamap se'e: —Elyekpelchawók neyke kéxegke, kélya'ásegkok neyke anhan señamakxa. Háwe axta ko'o sekxegayam ahagko', ekxegakmek axta ko'o aptaha seyáphaso m'a ekpayhawo nak kóltehek kéláyo, cham'a megkólya'ásegko nak kéxegke.

SAN JUAN 7:37

Wokmek axta ekhem apchayókxa apagko' axta énxet'ák judíos, ektemegwánxa néxa apchakneykekxexa axta m'a. Apkempákxeyk axta néten Jesús ekwokmo xa ekhem nak. Aptahak axta apyennaktésawo appeywa s'e: —Hem sat agkok enchakhak énxet, hey'óta ko'o, agkések sat ko'o yegmen yakwayam ének.

SAN JUAN 8:2

mók ekhem axta entahak, keñe axta apmeyákxo Jesús axto'o agko' ma'a tegma appagkanamap. Apya'aweykteyk axta énxet'ák, keñe axta apha Jesús yakwayam elxekmósek xa énxet'ák nak.

SAN JUAN 8:20

Cháxa aptahakxa axta apkeltenneykha Jesús neyseksa apkelxekmóso énxet'ák kañe' tegma appagkanamap xa, cham'a ekheykegkaxa axta cha'a yántéseksek kélxátamo axta cha'a aksok kélméso Dios. Méko axta eyke ekma Jesús, hakte axta kawokmok makham ekhem.