SAN JUAN 7:12 - Lengua Sur (Enxet) Nuevo Testamento

¹² Apxénákpek axta cha'a Jesús nepyeseksa énxet'ák. Nápakha énxet axta cha'a aptahak apxéna Jesús se'e: “Méko aptémakxa m'a énxet nak”; keñe axta nápakha énxet'ák aptaha cha'a apxéna Jesús se'e: “Sagkek aptémakxa m'a énxet nak. Apkelyexancháseykha cha'a énxet'ák.”

SAN JUAN 7:12 ပူးပေါင်းရင်းမြစ်များ

SAN MATEO 10:25

Enxet ektaha nak kélxekmóso kéméxchek kapayhekxak aksa apwáxok aphágweykxoho enxoho m'a aptaha nak apkelxekmóso, keñe m'a énxet ektaha nak kélásenneykha kéméxchek kapayhekxak aksa apwáxok aphágweykxoho enxoho wese' apagkok. Kéltemék agkok Beelzebú énxet ekha nak apxagkok, ¿háxko anhan kóltehek kólxének ma'a apketchek?

SAN MATEO 21:46

Keñe axta apmoko eykhe emok, apkelakak axta eyke, hakte apxámok axta énxet apteme mey'áseyam Jesús aptaha Dios appeywa aplegaso.

SAN MATEO 27:63

Entahak axta amya'a apcháneyákpo Pilato s'e: —Wese', xénwákxók negko'o egwáxok aptémakxa axta appeywa apyennaktamakxa m'a énxet aptaha axta apmopwána amya'a apagko', apxeyenma axta exátekhágwók ekwokmo enxoho antanxo ekhem.

SAN LUCAS 18:19

Aptahak axta apchátegmowágko Jesús se'e: —¿Yaksak ektaha seltaha nak sektakmalma? Wánxa xama apha m'a aptaha nak aptakmela: cham'a Dios.

SAN LUCAS 23:47

Xama axta apwet'a sẽlpextétamo apkemha apmonye ektahakxa, apkeltemésesek axta apcheymákpoho Dios. Aptahak axta s'e: —Nakso' nak axta eyke agkok aptaha meyke aptémakxa s'e énxet nak.

SAN LUCAS 23:50

Apheyk axta xama énxet ektakmela aptémakxa, aptaha axta anhan appéwomo, apwesey axta José, Arimatea axta apchókxa xa, xama tegma apwányam apyetnama nak ma'a Judea. Nepyeseksa énxet'ák judíos ekyawe kéláyo axta apkeñamak xa. Apkelháxanmeyk axta kawak aptémakxa Wese' apwányam Dios xa José, axta kaleklók apwáxok aptamheykegkaxa axta énxet'ák judíos ekyawe kéláyo nak.

SAN LUCAS 6:45

Aksok ektakmela aksa exének ma'a énxet ektakmela nak aptémakxa, hakte keytek aksok ektakmela m'a kañe' apwáxok, énxet ekmaso nak aptémakxa, aksok ekmaso aksa exének, hakte keytek aksok ekmaso m'a kañe' apwáxok. Hakte apátog cha'a katyapwakxak énxet ma'a ekhágko nak aksok ekxámokma kañe' apwáxok.

SAN LUCAS 7:16

Xama axta ekwetáxko xa, apyókxoho énxet axta nahan apchekak, yetlókók axta apkelpeykesamo Dios. Aptahak axta apkelpakmeta s'e: —Dios appeywa aplegaso meyke ekhémo aptépak negyeseksa negko'o. Aptahak axta anhan apkelpakmeta s'e: —Dios apwa'ak yakwayam epasmok énxet'ák apagkok.

SAN JUAN 6:14

Xama axta apkelwet'a énxet'ák aksok sempelakkaso agweta' apkelané Jesús, aptahak axta apkelpakmeta s'e: —Neykexa nakso' Dios appeywa aplegaso apxénamakpo nak ewa' náxop xa.

SAN JUAN 7:32

Apkelleg'ak axta amya'a fariseos ektahakxa apkelpeywa énxet'ák apxéna Jesús, apkeláphásek axta sẽlpextétamo apkeleñama tegma appagkanamap xa énxet'ák fariseos tén han ma'a apkelámha apmonye'e apkelmaxnéseso apnámokkok, yakwayam enxoho emok Jesús.

SAN JUAN 7:47

Aptahak axta fariseos apkeláneya sẽlpextétamo s'e: —¿Kél'awoya apkelyexanchásencha'a kéxegkáxa m'a énxet nak?

SAN JUAN 7:52

Aptahak axta apkelátegmowágko énxet'ák se'e: —¿Xépya nahan apkeñama Galilea? Eltámesap ektémakxa nak eknaktáxésamaxche, ékpelchágwók sat xép metyapma Dios appeywa aplegaso apkeñama m'a Galilea.

SAN JUAN 9:16

Aptahak axta apkelpakmeta nápakha fariseos se'e: —Enxet ektaha nak apkelané xa megkañamak Dios, hakte metnahak apcháyo ekhem nellókasamakxa nelyampé. Keñe axta anhan nápakha énxet aptaha apkelpakmeta s'e: —¿Háxko katnehek elának aksok sempelakkaso agweta' aptaha enxoho mey'asáxma? Cháxa ektahakxa axta apkexpáncháseykpo énxet'ák xa.

LOS HECHOS 11:24

Enxet meyke aptémakxa axta Bernabé, apláneyok axta apwáxok Espíritu Santo, awanhek axta anhan mey'áseyam. Cháxa ektahakxa axta apxáma énxet apyepetcheykekxoho Wese' egegkok xa.

ROMANOS 5:7

Askehek yakwayam yohok emátog xama énxet ekyanmaga pók. Askehek nahan yakwayam yohok emátog xama énxet ekyanmaga m'a énxet meyke aptémakxa nak; agwetak kexaha xama énxet, apmáheyo yetsapok yakwayam etnehek ekyanmaga xama énxet ektakmela nak aptémakxa.

FILIPENSES 2:14

Kóllána ekyókxoho aksok yetlo meyke kélpakmeteykha, tén han meyke kélxamáseyak kélpeywa,