SAN JUAN 6:71 - Lengua Sur (Enxet) Nuevo Testamento

⁷¹ Judas axta apxénak Jesús aptaha appeywa xa, cham'a Simón Iscariote apketche, hakte Judas axta m'a peya axta etlakkasesek yának emakpok Jesús, aptaha axta eykhe apkeñama nepyeseksa doce Jesús apkeltámeséyak.

SAN JUAN 6:71 ပူးပေါင်းရင်းမြစ်များ

SAN MATEO 10:2

Keso apkelwesey axta doce seykha amya'a s'e: Simón axta sekxo', apkeltamhomakpo axta nahan Pedro, keñe axta anhan ma'a apyáxeg apwesey axta Andrés; Santiago axta anhan ma'a yetlo apyáxeg apwesey axta Juan, aptaha axta Zebedeo apketchek;

SAN MATEO 10:4

Simón axta anhan ma'a apkeltamhomakpo axta celote, Judas Iscariote axta anhan ma'a, cham'a appelakkasesa axta apkeltamho emakpok Jesús.

SAN MARCOS 14:10

Apteyánegwokmok axta apkelámha apmonye'e nak appasmo apkelmaxnéseso Dios énxet'ák apagkok xama Jesús apkeltámeséyak apwesey axta Judas Iscariote, apkeñama axta nepyeseksa m'a doce nak, yakwayam enxoho yának emakpok Jesús.

SAN JUAN 12:4

Keñe axta appakmeta Judas Iscariote, cham'a aptaha axta xama apkeltámeséyak Jesús apmáheyo etlakkasesek yának emakpok Jesús. Aptahak axta s'e:

SAN JUAN 13:2

Pekkenchesek axta apwáxok Judas kelyekhama' yakwayam yának kólpelakkasesek emakpok Jesús, cham'a Judas aptaha axta Simón Iscariote apketche. Apya'ásegkok axta Jesús aptaha apkeñama m'a aphakxa nak Dios tén han peya emyekxak makham ma'a aphakxa nak Dios, apya'ásegkok axta anhan Jesús apmésama Apyap apmopwána elának ekyókxoho aksok; apkempákxeyk axta néten Jesús nekha mésa neyseksa aptéyak, aplekkek axta apchaklamap keñe axta apteta nepxet apáwa nenleklamol'a egyempehek natámen negyakpaso yegmen.

SAN JUAN 13:26

Aptahak axta apchátegmowágko Jesús se'e: —Ayásesek sat ko'o pan nápakha, keñe m'a ektahakxa enxoho sekméso, cham'a sekxéna exchek ma'a. Yetlókók axta apyáseso pan nápakha Jesús, keñe axta apmésa Judas, Simón Iscariote apketche.

SAN JUAN 2:2

Apcháneyakpek axta anhan Jesús yetlo apkeltámeséyak epásegwók xa sẽlyamhopma nak.

SAN JUAN 20:24

Tomás axta xama apkeltámeséyak Jesús apkeltamhomakpo axta Apkánet Appalleykmoho, axta exnak xamo' apkelxegexma'a m'a, cham'a apwákxo axta Jesús.

SAN JUAN 6:64

Apyetneyk eyke makham kélnepyeseksa kéxegke apteme nak apya'áseyam xa. Nano' axta apya'áseykegkoho Jesús ma'a énxet'ák ektaha axta apkelya'áseyam, nano' axta anhan apya'áseyak ma'a énxet apmáheyo axta etlakkasesek yának emakpok Jesús.

SAN JUAN 6:70

Aptahak axta apchátegmowágko Jesús se'e: ko'o axta selyéseykha kéxegke xa doce nak. Wánxa agkok, kelyekhama' eyke kélxama kéxegke.

LOS HECHOS 2:23

Kélakhak axta kéxegke xa énxet nak, kélyepetchesek axta aksok ektegyéso eñama apyepetcheso m'a énxet'ák elmasagcha'a nak apkeltémakxa, ekhawo m'a ektémakxa axta apkeláneykekxa Dios yakwayam elána', cham'a apmákpo axta.

SAN JUDAS 1:4

Apkelyexancháseykha keñamak apkelyexamakpoho appáxakwaya kéxegke nápakha énxet apkelmopwána amya'a nak, cham'a ekxeyenma nak eknaktáxésamaxche nano' axta, yakwayam kóllegásesagkohok xa énxet'ák nak. Sagcha'ak apkeltémakxa xa, apmeykha nahan cha'a m'a ektémakxa nak Dios segásekhayo apkeláneykegko m'a apkelyeykhásamákpoho nak apkeltémakxa ekmaso, mexeyenmak nahan cha'a apwesey m'a Jesucristo aptaha nak wánxa xama Wese' egegkok.