SAN JUAN 6:61 - Lengua Sur (Enxet) Nuevo Testamento

⁶¹ Apyekpelchágwokmek axta Jesús apkelpakmétencha'a énxet'ák judíos megkalcha apwáxók ma'a aptahakxa axta appeywa. Aptahak axta Jesús apkelmaxneyeyncha'a s'e: —¿Yagkalchak kélwáxok kéxegke kélleg'a sektahakxa nak sekpeywa?

SAN JUAN 6:61 ပူးပေါင်းရင်းမြစ်များ

SAN MATEO 11:6

¡Apkeleñémo agko' énxet apteme nak seyáyo ko'o!”

SAN MATEO 17:27

Emhok sekxo' ekpayhegwayam nak wátsam ekwányam, ényaw sat sókhaxé neygmen, eltegkes sat ma'a ektaswé amonye enxoho kelasma. Xama sawo selyakye sat étak kañe' awáxok. Kaxhok sat yakwayam agmések selyakye m'a tegma appagkanamap, xép tén han ko'o, yakwayam enxoho móllókasek énxet'ák. Esakxés sat, eyánmagkas sat nahan.

SAN JUAN 16:19

Apyekpelchék axta Jesús kélmoko kólmaxneyha. Aptahak axta apkeláneya s'e: —Eltennásek xeyk kéxegke peya mehelwetekxók cha'a, keñe sekxéna nahan yáma kawegkohok, keñe helwetekxak makham. ¿Keya kélmaxneyeyncha'a nak cha'a kélmók kéxegke kélxéna xa?

SAN JUAN 21:17

Antanxo apkelmaxneyeykekxa axta entahak. Aptahak axta makham se'e: —Simón, Juan apketche, ¿eyásekhayoya exchep? Kelapwokmek axta Pedro hakte antanxo axta entahak apkelmaxneyeykekxoho nakso' kexaha apchásekhayo. Aptahak axta apchátegmowágko Pedro s'e: —Wese', apya'ásegkok xép xa ekyókxoho nak: apya'ásegkok xép seyásekhayo ko'o. Aptahak axta apcháneya Jesús se'e: —Eltakmelches seknaktóso nekkések.

SAN JUAN 6:64

Apyetneyk eyke makham kélnepyeseksa kéxegke apteme nak apya'áseyam xa. Nano' axta apya'áseykegkoho Jesús ma'a énxet'ák ektaha axta apkelya'áseyam, nano' axta anhan apya'áseyak ma'a énxet apmáheyo axta etlakkasesek yának emakpok Jesús.

HEBREOS 4:13

Yawanchek keyxánegkesek Dios ekyókxoho aksok ektaha axta apkelané, yáxñakxoho nahan katnehek apweté ekyókxoho aksok ma'a Dios, cham'a peya nak óltennásekxohok nentémakxa axta.