SAN JUAN 6:45 - Lengua Sur (Enxet) Nuevo Testamento

⁴⁵ Temék ekxeyenma Dios appeywa apkellegaso weykcha'áhak apagkok se'e: ‘Dios sat elxekmósek apyókxoho énxet'ák.’ Apyókxoho énxet ektaha nak apháxenmo appeywa Táta, cham'a eltámeye nak eñama Táta, hey'ótak cha'a ko'o.

SAN JUAN 6:45 ပူးပေါင်းရင်းမြစ်များ

SAN MATEO 11:27

“Egkések axta ko'o Táta ekyókxoho aksok. Méko keykpelkohok Dios Apketche, wánxa m'a Apyap; méko nahan keykpelkohok ma'a Apyap, wánxa ékpelkohok ma'a Apketche, tén han elyekpelkohok ma'a énxet'ák apkepmenyexa enxoho Apketche ékpelchásesamhok aptémakxa Apyap.

SAN MATEO 17:5

Neyseksa appakmeyesma axta Pedro eyahapwa'a xama yaphopé elyenma xa énxet'ák nak. Keñe axta ektepa kélpeywa neyseksa xa yaphopé nak. Entahak axta kélpeywa s'e: “Keso hatte seyásekhayo nak ko'o s'e, selyéseykha ahagko' axta anhan: kóleyxho appeywa.”,

SAN MARCOS 1:2

ekhawo ektémakxa axta aptáxéso Isaías, aptaha axta Dios appeywa aplegaso, aptéma axta s'e: “Eyáphásek ko'o seykha amya'a ahagkok apmonye exchep, yakwayam enxoho elanaksek ámay.

SAN LUCAS 1:70

Cháxa apxeyenma axta Dios xa, eñama apkelxeyenma m'a énxet'ák apkellegaso axta appeywa, ektaha axta apkelpagkanamap,

SAN LUCAS 18:31

Mók nekha axta apkelya'ásak Jesús doce apkeltámeséyak. Aptahak axta apkeláneya s'e: “Jerusalén kaxwo' nelmeyákxak, cham'a yakwánxa sat kasawhaxkohok katnehek ma'a ektémakxa axta apnaktáxeséyak énxet'ák ektaha axta apkellegaso Dios appeywa apxeyenma m'a aptaha nak Apketche énxet.

SAN JUAN 10:27

Ekpelkohok cha'a ko'o sekpeywa m'a ektaha nak seknaktóso nekkések, alyekpelkohok nahan ko'o xa, hétlók nahan ma'a sekmahágkaxa enxoho.

SAN JUAN 6:37

Apyókxoho énxet ektaha nak segkéso ko'o Táta hey'ótak cha'a ko'o, matakheksók sat nahan ko'o m'a énxet ektahakxa enxoho sey'eykekta'.

SAN JUAN 6:65

Aptahak axta makham appeywa Jesús se'e: —Ekeso eñamakxa sektaha axta seláneya kéxegke, mopwanchek hey'ótak ko'o énxet mehentegkásento enxoho Táta.

LOS HECHOS 13:40

Kólawho kéxegke yakwayam enxoho megkahapwék ektémakxa nak apnaktáxeseyak énxet'ák Dios appeywa apkellegaso s'e:

LOS HECHOS 7:42

Ekeso eñamakxa apkexaya axta Dios xa énxet'ák nak, apcha'awók axta apkelpeykásó m'a yaw'a aphéyak nak néten. Hakte temegkek eknaktáxésamaxche Dios appeywa apkellegaso weykcha'áhak apagkok se'e: ‘Enxet'ák Israel, ¿egkések enxoho axta eykel'a kéxegke aksok nawha'ák ektekyawa tén han selanchesásekxo aksok ekwokmoho cuarenta apyeyam ma'a yókxexma meykexa énxet?

EFESIOS 1:17

Elmaxnakkek ko'o Dios Jesucristo Wese' egegkok Apyap, ekha nak apcheymákpoho, seltamho egkések kéxegke Espíritu yakwayam elya'ásesagkohok kéxegke m'a aksok senxekmósamo nak Dios, yakwayam enxoho kólyekpelchágwomhok ektakmela agko' kéxegke m'a aptémakxa nak Dios.

FILIPENSES 3:15

Negyókxoho ekyennakwayam nak nenteme magya'áseyam, kéméxchek katnehek elchetamso egwáxok xa ektaha nak, wánxa agkok, yetneyk agkok kéxegke mók ekxénakxa kélwáxok, Dios sat nahan elya'asásegwók kéxegke xa ektéma nak.

1 TESALONICENSES 4:9

Megkeymexchek ko'o atáxésesek kéxegke ektémakxa nak nelásekhamaxkoho nepyeseksa ẽlyáxeg nentémo xamo' nak magya'áseyam, hakte Dios apagko' axta apkelxekmóso kéxegke ektémakxa nak kélásekhamaxkoho.

HEBREOS 10:16

“Sat katnehek seláneso ekhémo mók nelpakhetchásamáxkoho énxet'ák se'e ektaha nak, cham'a egmonye sat, aptahak Wese' egegkok: Apekkenchesek sat ko'o apwáxók seltémókxa etnahagkok xa énxet'ák nak, atáxésesek sat nahan apwáxók.

1 SAN JUAN 2:27

Wánxa agkok, apyetneyk eyke kéxegke Espíritu Santo apkelmeyáseyak axta Jesucristo, megkeyméxchek kólamenyého elxekmósek xama énxet enxoho, hakte Espíritu Santo cha'a elxekmósek kéxegke ekyókxoho aksok, ekmámnaksoho nahan ektémakxa nak sẽlxekmóso, háwe ekmowána amya'a. Nágkólyensem kélteme kélyepetcheyo Cristo, ekhawo m'a ektahakxa enxoho apkelxekmóso Espíritu.