SAN JUAN 6:41 - Lengua Sur (Enxet) Nuevo Testamento

⁴¹ Ekeso eñamakxa apyennegkesa axta exma judíos megkalcha apwáxók ma'a aptahakxa axta appeywa Jesús, axta ñokxa aptaha appeywa Jesús se'e: “Ko'o sekteme pan apwéweykenta apkeñama néten.”

SAN JUAN 6:41 ပူးပေါင်းရင်းမြစ်များ

SAN LUCAS 15:2

Apkelpakmeteyha axta énxet'ák fariseos, tén han ma'a énxet'ák apkelxekmóso axta apnámokkok ektémakxa segánamakxa. Aptahak axta apkelpakmeta s'e: —Apkelápeyha nak énxet'ák melya'asáxma xa énxet nak, aptókok nahan xamo' aptéyak.

SAN LUCAS 19:7

Xama axta apwet'a apyókxoho énxet xa, apyamatcháseyha axta Jesús, apxénákpek axta Jesús peya exnók énxet mey'asáxma apxagkok.

SAN LUCAS 5:30

Apkelpakmeteyha axta eyke m'a énxet'ák fariseos, tén han ma'a énxet'ák ektaha axta apkelxekmóso ektémakxa segánamakxa, cham'a ektaha axta apkelxegexma'a apancha'awo'. Aptahak axta apkeláneya Jesús apkeltámeséyak se'e: —¿Yaksak ektaha kéltoko nak xamo' kéxegke énxet apkelmomo nak selyakye yakwayam kólmések wese' Roma tén han kélyenawo xamo' apyenéyak, tén han ma'a énxet'ák melya'asáxma nak?

SAN JUAN 1:19

Apkeláphásek axta énxet'ák judíos apkeleñama tegma apwányam Jerusalén aphakxa Juan ma'a appasmo nak apkelmaxnéseso Dios énxet'ák apagkok, axta anhan apkeláphásak ma'a énxet'ák Levitas yakwayam elmaxneyha aptémakxa.

SAN JUAN 6:33

Cha'a pan segmésamol'a cha'a Dios ma'a apwéweykento axta apkeñama néten, egkéshok nahan cha'a elyennakte apnenya'ák énxet apheykha nak keso náxop.

SAN JUAN 6:43

Aptahak axta Jesús apchátegmowágko s'e: —Kólwates kélpakméteykha aksa.

SAN JUAN 6:48

Ko'o sekteme pan apyennaktésamo nak egnenyek.

SAN JUAN 6:58

Ekxénak ko'o m'a pan apwéweykento axta apkeñama néten. Mexnawok ma'a maná apteykegko axta kélyepmeyk nano' kéxegke xa pan nak, cham'a maná megkahaxanma axta aptéyak apkeletsapma; kéxegke ektahakxa enxoho kélto xa pan nak, megkatnegwomek sat néxa ekyennakte kélnenyek.

SAN JUAN 6:60

Xama axta apkelleg'a ektahakxa apkelxekmóso Jesús, apyókxoho énxet ektaha axta apkelyetlo aptahak axta apkelpakmeta s'e: —Magwanchek agmok takha' xa aptahakxa nak appeywa; ¿yaksak awanchek kalyahakxohok xa aptahakxa nak appeywa?

SAN JUAN 6:66

Cháxa eyeynókxa axta apkelwáteseyak apkelyetlo Jesús nápakha énxet'ák xa, massék axta apkelyetloncha'a Jesús.

SAN JUAN 7:12

Apxénákpek axta cha'a Jesús nepyeseksa énxet'ák. Nápakha énxet axta cha'a aptahak apxéna Jesús se'e: “Méko aptémakxa m'a énxet nak”; keñe axta nápakha énxet'ák aptaha cha'a apxéna Jesús se'e: “Sagkek aptémakxa m'a énxet nak. Apkelyexancháseykha cha'a énxet'ák.”

1 CORINTIOS 10:10

Nágkólpakmésmakha nahan kólxének ekmaso m'a Dios, ekhawo aptamheykegkaxa axta apkelpakmeteykencha'a apxeyenma ekmaso Dios nápakha xa énxet'ák nak, ékeso eñamakxa apkennapa axta Dios apchásenneykha aptaha nak tekyawa egyap.

SAN JUDAS 1:16

Elpakmésmakha cha'a megkalchek apwáxok ekyókxoho aksok xa énxet'ák nak, ekyókxoho aksok nahan cha'a exénmakha, wánxa aksa apmenyék kalpeykesásekxak apwáxók ma'a apkelmopmenyého apancha'awo' nak. Kaleyxkohok nahan cha'a apkelpeywa, katakmelmakha nahan cha'a appeywa elának apnámokkok yakwayam elmaxnak aksok.