SAN JUAN 6:2 - Lengua Sur (Enxet) Nuevo Testamento

² Apxámok axta énxet apyetleykekxa Jesús ma'a, hakte apkelwet'ak axta apkelana aksok sempelakkaso nak agweta', cham'a apkeltakmelchesekmo axta apkelháxamap.

SAN JUAN 6:2 ပူးပေါင်းရင်းမြစ်များ

SAN MATEO 12:15

Xama axta apleg'a amya'a Jesús, keñe axta apxega. Apxámok axta énxet apyetlo, apkeltakmelcheseykmek axta Jesús apyókxoho apkelháxamap,

SAN MATEO 13:2

Apchánteyk axta Jesús yántakpayhe, hakte apxámok axta énxet apya'ayam, aphakmek axta m'a kañe' yántakpayhe, keñe axta énxet'ák apheyncha'a neyáwa wátsam ekpayhegwayam.

SAN MATEO 14:14

Xama axta apteyapwokmo Jesús kañe' yántakpayhe, apwet'ak axta énxet apxámokma, apyósekak axta apkelano, apkeltakmelchesekmek axta apkelháxamap apnaklo axta xa énxet'ák nak.

SAN MATEO 8:1

Xama axta aptepa Jesús néten egkexe, apxámok axta énxet apyetleykha.

SAN MARCOS 1:45

Wánxa agkok, apxegkek axta m'a énxet nak, yetlókók axta anhan apkeltennáseykha apyókxoho énxet ektahakxa axta. Ekeso eñamakxa megkapwagko axta cha'a aptaxnegwokmo Jesús nepyeseksa tegma, aphakmek axta aksa cha'a meykexa tegma, cham'a yókxexma meykexa énxet enxoho. Wánxa agkok, apyókxoho énxet'ák apkeleñama mók nekha axta eyke cha'a apkelmahágkok aphakxa apteyánegwokmoho.

SAN MARCOS 6:33

Wánxa agkok, apxámok axta eyke énxet apweteykegkoho apkelxega, apkelyekpelchawók axta anhan; keñe axta apnaktémágko apkelmahágko apyókxoho énxet apkeleñama nepyeseksa tegma apwányam, axta ewokmohok Jesús neyáwa, apkelwokmo apmonye'e xa énxet'ák nak.

SAN JUAN 11:47

Keñe axta apchánchesákxo énxet'ák fariseos tén han apkelámha apmonye'e appasmo apkelmaxnéseso Dios énxet'ák apagkok ma'a kelwese'e ekha nak kéláyo. Aptahak axta apkelpakmeta s'e: —¿Háxko sat antehek negko'o? Xámagkek apkelané aksok sempelakkaso agweta' ma'a énxet nak.

SAN JUAN 12:18

Ekeso eñamakxa apkelanyexágko axta Jesús xa énxet'ák nak, hakte apkelleg'ak axta amya'a ektahakxa apkelané Jesús aksok sempelakkasamo nak agweta'.

SAN JUAN 12:37

Apkelanak axta eykhe cha'a Jesús aksok sempelakkaso agko' agweta' nápakta'awo' xa énxet'ák nak, apkelya'ásekmek axta eyke xa énxet'ák nak;

SAN JUAN 2:11

Cháxa apkelana axta Jesús émha amonye aksok sempelakkaso agweta' tegma apwányam Caná yókxexma Galilea xa, cham'a apxekmósa axta anhan ektémakxa apcheymákpoho, axta anhan elya'ásekmok apkeltámeséyak.

SAN JUAN 2:23

Apxámok axta énxet apteme mey'áseyam Jesús neyseksa apha axta Jerusalén ekhem kéltéma axta Pascua, cham'a apkelwet'a axta apkelana Jesús aksok sempelakkaso nak agweta'.

SAN JUAN 20:30

Xámok axta makham apkelané Jesús aksok sempelakkaso agweta' nápakta'awo' apkeltámeséyak, cham'a megkanaktáxesamaxko nak se'e weykcha'áhak nak.

SAN JUAN 3:2

Yáktések axta aptaha meyk'a Nicodemo Jesús. Aptahak axta apcháneya s'e: —Sẽlxekmóso, negya'ásegkok negko'o aptaha exchep Dios apcháphaso yakwayam hẽlxekmósak negko'o, hakte méko kawának kalának ma'a aksok sempelakkaso agweta' apkelana nak xép, cham'a metnaha enxoho apxegexma Dios.

SAN JUAN 6:14

Xama axta apkelwet'a énxet'ák aksok sempelakkaso agweta' apkelané Jesús, aptahak axta apkelpakmeta s'e: —Neykexa nakso' Dios appeywa aplegaso apxénamakpo nak ewa' náxop xa.

SAN JUAN 6:22

Mók hem axta entahak apkelya'ásegwokmo énxet'ák apheykekxa axta neyáwa apkelchánta Jesús apkeltámeséyak ma'a yántakpayhe ekyetna axta xama agko' ma'a, tén han apkelya'ásegwokmo metnaha apkelxegexma'a Jesús ma'a apkeltámeséyak.

SAN JUAN 6:26

Aptahak axta apkeláneya Jesús se'e: —Elchetamchek kéxegke, hakte kéltokagkek axta ekwokmoho kélyakkanakmo, háwe eñama kélya'áseyak ektémakxa m'a aksok sempelakkaso agweta' selana axta ko'o. Nakso' xa sektahakxa nak seláneya kéxegke.

SAN JUAN 6:30

Aptahak axta énxet'ák apkelmaxneyeyncha'a Jesús se'e: —¿Yaksak aksok sempelakkaso agweta' apwanchek henxekmósek xép, yakwayam enxoho magya'asók negko'o negwet'a enxoho? ¿Háxko ektémakxa aptamheykha exchep?