SAN JUAN 6:11 - Lengua Sur (Enxet) Nuevo Testamento

¹¹ Apkelmeyk axta Jesús pan, keñe axta apmésa ekxeyenma apwáxok Dios, apkelmeyásegkek axta anhan énxet'ák ektaha axta apheykha m'a. Hawók axta anhan aptemésesakxa kelasma, apkelmeyásegkek axta ekwánxa enxoho apmopmenyého.

SAN JUAN 6:11 ပူးပေါင်းရင်းမြစ်များ

SAN MATEO 15:36

apkelmeyk axta xa siete pan nak, tén han ma'a kelasma. Natámen apméso ekxeyenma apwáxok Dios axta apkelyepta xa pan nak, apkelmeyásegkek axta anhan apkeltámeséyak, keñe axta apkeltámeséyak apkelmeyásegko xa énxet'ák nak.

SAN LUCAS 24:30

Xama axta apheyncha'a nekha mésa, apmeyk axta pan Jesús, apmések axta ekxeyenma apwáxok Dios, keñe axta apyepta nepyeseksa, apkelmeyásegkek axta anhan xa énxet'ák nak.

SAN JUAN 21:10

Aptahak axta apkeláneya Jesús se'e: —Kólsanta nekha kelasma kaxwé kélnapma exchek.

SAN JUAN 21:13

Apyepetchegwokmók axta Jesús apkeltámeséyak, apmeyk axta pan, keñe axta apkelmeyásegko apkeltámeséyak; hawók axta anhan aptemésesakxa m'a kelasma.

SAN JUAN 21:9

Xama axta apkelántepa yókxexma, apwet'ak axta kélwatno táxa yetlo kélpekkenma kelasma nátex, apwet'ak axta anhan xama pan apyetna m'a.

SAN JUAN 6:23

Keñe axta anhan elwákxo yántakpayhe keto' ma'a aptókakpexa axta pan natámen apméso ekxeyenma apwáxok Dios ma'a Wese' egegkok. Axta keleñamak ma'a tegma apwányam Tiberias.

SAN JUAN 6:9

—Yetneyk xama sakcha'a apyetna nak cinco pan se'e, tén han ánet kelasma, megkawakxók eyke apyókxoho énxet xa.

LOS HECHOS 27:35

Apmeyk axta Pablo pan natámen apteme appeywa xa, apmések axta ekxeyenma apwáxok Dios nápakta'awo' apyókxoho apkelxegexma'a, apyepteyk axta, keñe axta aptawa.

ROMANOS 14:6

Enxet appagkanma nak xama ekhem, Wese' egegkok yakwayam etnehek apcháyo eyke keñamak appagkanma xa ekhem nak. Enxet apsawhomo nak apto ekyókxoho aksok, Wese' egegkok yakwayam etnehek apcháyo eyke keñamak apsawhomo aptama xa aksok nak, egkések nahan ekxeyenma apwáxok Dios; énxet meto nak mók xama aksok, Wese' egegkok yakwayam etnehek apcháyo eyke keñamak metama xa mók xama aksok nak, egkések nahan ekxeyenma apwáxok Dios.

1 CORINTIOS 10:31

Hawók nahan ektémakxa m'a kéltawa enxoho kélto, esenhan kélyena enxoho m'a kélya nak, esenhan ma'a kéllana enxoho mók aksok, kóllána ekyókxoho aksok yakwayam kóltemésesek apcheymákpoho Dios.

1 TESALONICENSES 5:18

Kólmés cha'a ekpayheykekxa kélwáxok Dios eñama m'a ekyókxoho ektahakxa enxoho kéxegke, hakte cháxa apkeltémókxa nak kóltehek kéxegke Dios xa, kéxegke kélteme nak megkólya'áseyam Cristo Jesús.