SAN JUAN 5:7 - Lengua Sur (Enxet) Nuevo Testamento

⁷ Aptahak axta apchátegmowágko énxet apháxamap se'e: —Wese', méko cha'a ko'o hetaxnések ekhó yammáxek elpaktepa enxoho yegmen. Ekmokók agkok cha'a atxek ko'o, pók aksa cha'a kóltaxnések apmonye.

SAN JUAN 5:7 ပူးပေါင်းရင်းမြစ်များ

SAN JUAN 5:2

Yetneyk nahan ekhó yammáxek ma'a tegma apwányam Jerusalén, cham'a keto' átog ekwesey nak Nekkések átog apagkok, cháxa ekhó yammáxek apkeltéma nak hebreo Betzatá xa. Cinco nahan kélpakxeneyak neyáwa xa ekhó yammáxek nak.

SAN JUAN 5:3

Apxámok axta cha'a etnohok énxet'ák apkelháxamap xa cinco kélpakxeneyak nak, meyke apakta'ák tén han ma'a meyke aptaknák nak, tén han ma'a énxet megkamopwána nak eltakheykha. Náxop axta cha'a apheykegkok xa. Apkelhaxneykegkek axta cha'a kalpaktépok yegmen xa énxet'ák apkelháxamap nak.

SAN JUAN 5:4

Apwa'akteyk axta agkok cha'a Dios apchásenneykha m'a ekhó yammáxek nak, keñe axta cha'a kalpaktépok yegmen, etakmelwók axta nahan cha'a énxet apháxamap ektaha enxoho apmonye kéltaxnéso yegmen, kamaskok ma'a ektémakxa enxoho apháxamap.

SAN JUAN 5:6

Xama axta apwet'a Jesús apyetna xa énxet apháxamap nak, apyekpelchawók axta ektaha nano' ektémakxa apháxamap. Aptahak axta apkelmaxneyeyncha'a Jesús se'e: —¿Apmenyéya exchep etakmelwók?

ROMANOS 5:6

Xama axta magkegwagko negko'o ólwagkasaxchek teyp, apketsekkek axta Cristo ekyanmaga m'a énxet'ák elmasagcha'a nak apkeltémakxa, cham'a ekwokmo axta ekhem yakwánxa katnehek xa.

1 CORINTIOS 9:24

Kélya'ásegkok kéxegke ektémakxa m'a nelteyásamáxche nak. Apyókxoho yenyahagkok, xama eyke exkak ekyanmaga. Kólenyahak kéxegkáxa kóltesaxchek, yakwayam enxoho kólxawak ekyanmaga.