SAN JUAN 5:44 - Lengua Sur (Enxet) Nuevo Testamento

⁴⁴ Kélmenyék agkok cha'a kéxegke kóltehek kéláyo kélmók, ¿háxko katnehek heltehek mehelya'áseyam ko'o, megkólchetama enxoho m'a ektakmela senxeyenma nak Dios aptaha nak wánxa xama?

SAN JUAN 5:44 ပူးပေါင်းရင်းမြစ်များ

SAN MATEO 23:5

Exekmóshok nahan cha'a énxet'ák ma'a ekyókxoho aksok apkeláneyak nak. Apmenyék nahan keytek Dios appeywa kéltáxéso ekpayhakxa nápát, tén han ma'a apaktegák nak, apmenyék nahan elyáncheshok elmakheykha napwa'ék apkelántaxno.

SAN LUCAS 19:17

Aptahak axta apchátegmowágko wese' s'e: ‘Takmelakxoho, xép apteme seyásenneykha ektakmela aptémakxa; atnésesek sat xép wese' apkeláneykha diez yókxexma hakte aptakmelchesegkek xa aptamheykha étkok sekmésa axta.’

SAN JUAN 12:43

Axta apmenyék énxet'ák ma'a nentémakxa eklekkesamo nak apwáxok antehek énxet keso náxop, keñe axta eyesextoho apmopmenyého m'a nentémakxa eklekkesamókxa nak apwáxok antehek Dios.

SAN JUAN 17:3

Enxet'ák ektahakxa enxoho apya'áseykegkoho exchep aptaha wánxa xama Dios, tén han apya'ásegkoho enxoho m'a Jesucristo aptaha axta apcháphaso exchep, keytek sat ekyennakte apnenya'ák megkatnegwayam enéxa.

SAN JUAN 3:20

Apyókxoho énxet ektahakxa enxoho apkeláneyak aksok ekmaso etaknók ma'a elseyexma nak, mépetchegwomok nahan elseyexma, yakwayam enxoho megkapekkenchásekxék yáxñakxoho m'a aksok ekmaso apkelané nak.

SAN JUAN 5:41

“Momenyék ko'o katakmelmakha apkelpeywa hexének énxet'ák keso náxop.

SAN JUAN 8:43

¿Yaksak ektaha megkólewagko nak kólya'asagkohok sektahakxa nak seltenneykha ko'o? Hakte megkólmenyék kóleyxhok sekpeywa ko'o.

ROMANOS 2:10

Wánxa agkok, egkések sat Dios apkeleymákpoho m'a apyókxoho énxet'ák apkeláneyak nak aksok ektakmela, egkések sat nahan yakwayam etnahagkok ekha kéláyo, tén han meyke ektahakxa apwáxók, énxet'ák judíos tén han ma'a énxet'ák metnaha nak judíos.

ROMANOS 2:29

Akke ekteme ekmámnaksoho nenteme judío m'a ekweykmoho nak kaño' agko' egwáxok, kélkahásek agkok apyempehek xama énxet, kawomhok nahan kaño' agko' apwáxok: háwe ektekkeso weykcha'áhak eknaktáxésamaxche xa, Espíritu eyke aptekkeso. Enxet ekyetnakxa enxoho xa kélkahaso ekweykmoho nak kaño' agko' apwáxok, kalkohok apwáxok Dios aptahakxa, keñe megkalchehek apwáxók ma'a énxet'ák.

ROMANOS 2:7

Egkések sat Dios ekyennakte apnenyek megkatnegwayam enéxa m'a énxet'ák meyenseykmo axta apkeláneyak ma'a ekpayhawo nak anlána', cham'a apketamsama axta negeymáxkoho eñama nak Dios, tén han apketamsama m'a yakwayam nak etnésesek Dios ekha kéláyo, tén han apketamsama m'a mótsapma nak;

1 CORINTIOS 4:5

Nágkólteme aksa kélyekpelchémo kélmók kéxegke amonye ekwayam ekhem nelyekpelchamáxchexa; kólleyx ewata' Wese' egegkok, kólleyx nahan enegkenekxak neyseksa elseyexma m'a aksok ekhágko nak neyseksa ekyaktesakxaxma, kólleyx nahan elyekpelchásesók kéxegke ektémakxa nak ekmámenyého kalának egwáxok. Keñe sat egkések ekpayheykekxa apwáxok Dios apyókxoho énxet ekpayhawo nak exkak xa.

2 CORINTIOS 10:18

Hakte háwe énxet eyeymáxkoho appeywa exénakpekxoho apagko' ma'a ekpayhawo nak kalkohok kélwáxok aptémakxa, akke m'a énxet apxeyenma nak Dios aptaha ektakmela aptémakxa.

FILIPENSES 2:3

Nágkóllána aksa xama aksok eñama enxoho m'a kélenmexamaxche nak esenhan ma'a kéleymáxkoho nak, wánxa agkok, kóllána cha'a aksok yetlo megkeymáxkoho kélwáxok. Nágkaxén aksa kélwáxok ektakmela kéltémakxa kéxegke. Kaxén aksa kélwáxok ektakmela apkeltémakxa m'a pók énxet'ák nak.

1 TESALONICENSES 2:6

Axta anhan óltémók negko'o hegáwhok énxet, axta anhan óltémók hegáwhok kéxegke, tén han ma'a pók énxet'ák nak.

1 TIMOTEO 1:17

¡Antehek hana negáyo Wese' apwányam memassegwayam nak, aptaha nak megyetsapma, aptaha nak han metémap, aptaha nak han wánxa xama Dios, óltemésesek nahan apcheymákpoho! Katnahagkok sat.

HEBREOS 3:12

Elyáxeg kólawho sat keytek ekmaso elchetamso kélwáxok kéxegke, cham'a segyenyókasamol'a Dios memassegwayam nak, eñama ekteme ekya'áseyam kélwáxok.

SANTIAGO 2:1

Elyáxeg, kéxegke kéltaha nak megkólya'áseyam Wese' egegkok Jesucristo ekha nak apcheymákpoho, nágkólteméses aksa apyeykhamap kóllanok kélmók, tén han ma'a pók énxet'ák nak.

1 SAN PEDRO 1:7

Hakte máxa sawo ekyátekto elyenma ekmomnáwa m'a ektémakxa nak megkólya'áseyam kéxegke: kéméxchek sekxo' kólyekkónek ma'a ektémakxa nak megkólya'áseyam, ektémol'a sawo ekyátekto elyenma ekmomnáwa kólyekkónek kólyenyók neyseksa táxa. Magya'áseyam elenmáxamáxkohol'a ektémakxa segyekkónma, yeykhágweykmók ma'a ekwánxa nak ekmomnáwa sawo ekyátekto elyenma étsagkasamáxkohol'a. Temegkek agkok ekyekkónamaxche megkólya'áseyam kéxegke xa ektaha nak, kalkohok sat kélwáxok kéltahakxa kéxegke, kóltemésesek sat kéleymáxkoho kéxegke, tásek sat nahan katnehek kélxénamaxche, cham'a senxekmowáseykpoho sat Jesucristo.