SAN JUAN 5:39 - Lengua Sur (Enxet) Nuevo Testamento

³⁹ Kóltakmelcheshok cha'a kéxegke kéltámesamaxche m'a ektémakxa nak eknaktáxésamaxche Dios appeywa, hakte kélmenyék eykhe kólwetak ekyennakte kélnenyek megkatnegwayam enéxa, eñama kélteme xa; exeyenmék eykhe ko'o xa eknaktáxésamaxche nak,

SAN JUAN 5:39 ပူးပေါင်းရင်းမြစ်များ

SAN MATEO 22:29

Aptahak axta apchátegmowágko Jesús se'e: —Megkólakhawok kéxegke hakte megkólya'ásegkok ektémakxa nak eknaktáxésamaxche weykcha'áhak, megkólya'ásegkok nahan ma'a ektémakxa nak Dios apmopwána.

SAN MARCOS 10:3

Aptahak axta apchátegmowágko Jesús se'e: —¿Háxko axta apkeltémókxa kóltehek kéxegke Moisés?

SAN MARCOS 12:10

“¿Yagkólyetseteyk kéxegke eknaktáxésamaxche ektéma nak ekpeywa s'e?: ‘Tamhákxeyk kaxwo' meteymog kélmamenyého kólmaha m'a meteymog apyamasma axta énxet'ák apkeláneyak nak tegma.

SAN LUCAS 16:29

Aptahak axta apcháneya Abraham se'e: ‘Yetneyk eyke apkelyáxeg xép ma'a weykcha'áhak aptáxéso axta Moisés, cham'a apnaktáxeséyak axta anhan Dios appeywa apkellegaso axta: ¡Tásek elyahakxohok ektémakxa ekpeywa xa!’

SAN LUCAS 16:31

Wánxa agkok, aptahak axta apchátegmowágko Abraham se'e: ‘Agkok emokók elyahakxohok Moisés apnaktáxeséyak nak, tén han ma'a apnaktáxeséyak axta énxet'ák apkellegaso axta Dios appeywa, étak sat eykhe exátekhágwók ektaha axta apketsapma, elya'asók sat eyke.’ ”

SAN LUCAS 24:25

Keñe axta aptaha apkeláneya Jesús se'e: —Méko kélya'áseyak kéxegke, askehek nahan cha'a yakwayam megkólya'ásemek ma'a ekyókxoho ektémakxa axta apkeltenneykha énxet'ák apkellegaso axta Dios appeywa.

SAN LUCAS 24:27

Keñe axta apkeltennáseyncha'a Jesús énxet'ák ekyókxoho m'a ektémakxa axta weykcha'áhak eknaktáxésamaxche ekxeyenma Jesús, axta apchénawók ma'a weykcha'áhak Moisés axta apnaktáxeséyak, ekweykmoho m'a ekyókxoho apnaktáxeséyak axta énxet'ák ektaha axta Dios appeywa apkellegaso.

SAN LUCAS 24:44

Keñe axta aptaha apkeláneya s'e: —Cha'a etnahak ko'o m'a sektémakxa axta seltennáseykha kéxegke sekhamakxa axta makham kélnepyeseksa: eltennasegkek axta cha'a kéxegke ekmáheyo kasawhaxkohok katnehek ma'a ekyókxoho ektémakxa nak eknaktáxésamaxche Moisés segánamakxa apagkok sexeyenma ko'o, tén han ma'a eknaktáxésamaxko axta énxet'ák Dios appeywa apkellegaso weykcha'áhak apagkok, tén han ma'a eknaktáxésamaxko nak Salmos.

SAN JUAN 1:45

Apxegkek axta Felipe apketama Natanael. Aptahak axta apcháneya s'e: —Negwet'ak negko'o m'a énxet aptáxesama nak apwesey Moisés weykcha'áhak eknaktáxésamaxchexa nak segánamakxa, cham'a aptáxesama nak han énxet'ák Dios appeywa apkellegaso apxeyenma m'a. Jesús apkeñama tegma apwányam Nazaret ma'a, José apketche.

SAN JUAN 5:32

Yetneyk eyke m'a aptaha nak cha'a sexeyenma ko'o, ekya'ásegkok nahan ko'o ektéma ekmámnaksoho apkeltenneykha sexeyenma xa.

SAN JUAN 5:36

Yetneyk eyke ko'o m'a aptaha nak ektakmela sexeyenma ko'o, megkaxnawok ma'a ektémakxa axta cha'a sexeyenma ko'o Juan. Aksok selané nak cha'a ko'o ekteme ekxekmóso ektaha nakso' seyáphaso ko'o Táta, cham'a sektamheykha apkeltémo axta alának Táta.

SAN JUAN 5:40

megkólmenyék eyke helyo'ótak kéxegke yakwayam kólwetak xa ekyennakte egnenyek megkatnegwayam enéxa nak.

SAN JUAN 5:46

Agkok kólya'ásekmok kéxegke m'a apxeyenma axta Moisés, mehelya'ásemek nahan ko'o xa, hakte aptáxesegkek axta weykcha'áhak Moisés sexeyenma ko'o.

SAN JUAN 7:52

Aptahak axta apkelátegmowágko énxet'ák se'e: —¿Xépya nahan apkeñama Galilea? Eltámesap ektémakxa nak eknaktáxésamaxche, ékpelchágwók sat xép metyapma Dios appeywa aplegaso apkeñama m'a Galilea.

LOS HECHOS 13:27

Hakte axta elya'áseykegkok aptémakxa Jesús ma'a énxet'ák apkelámha apmonye'e apheykencha'a axta tegma apwányam Jerusalén, axta anhan elyekpelchék ektémakxa m'a kélyetsetchesama axta weykcha'áhak kañe' apchakneykekxexa énxet'ák judíos yókxoho ekhem negheykekxexa nak, cham'a apnaktáxeseyak axta énxet'ák Dios appeywa apkellegaso; apkeláneyák apancha'awók axta anhan aptamheykegkok yakweykenxa katnehek xa énxet'ák nak, cham'a apchakha axta Jesús.

LOS HECHOS 17:11

Cháxa énxet'ák judíos aptaha axta eltakmela apwáxók xa, axta kaxnók ma'a énxet'ák apheykha nak tegma apwányam Tesalónica, ñohok axta apkelma amya'a eñama nak Dios yetlo ekmayheykegkoho apwáxók. Yókxoho ekhem axta anhan cha'a apkeltámesamap ma'a ektémakxa nak eknaktáxésamaxche yakwayam enxoho elwetak ektaha kexaha nakso' ma'a ektémakxa axta amya'a kéllegaso.

LOS HECHOS 26:27

Wese', ¿Ya ey'ásekmok xép ektémakxa axta apkelxeyenma énxet'ák ektaha axta Dios appeywa apkellegaso? Ekya'ásegkok ko'o aptéma exchep mey'áseyam xa.

ROMANOS 1:2

Nano' axta apxeyenma Dios xa amya'a nak, eñama apkellegaso m'a énxet'ák ektaha axta apkellegaso Dios appeywa, ekyetnama nak eknaktáxésamaxche m'a amya'a aptemésesama axta ekpagkanamaxche Dios.

ROMANOS 3:2

Xámok aksok ekpasmo xa énxet'ák nak. Appeywa axta sekxo' apmésók Dios xa énxet'ák judíos.

COLOSENSES 3:16

Keytek sat cha'a kélwáxok kéxegke ekyókxoho amya'a eñama nak Cristo. Kólxekmós cha'a kélnámokkok, kólwaskakkásekxoho nahan cha'a kélnámokkok yetlo kélmeykha m'a ekyókxoho ektémakxa nak kélya'ásegwayam. Kólmeneykmes negmeneykmaso eñama nak salmos, tén han ma'a negmeneykmaso nak, tén han ma'a negmeneykmaso aptekkeso nak egwáxok Espíritu apkeñama nak Dios, yetlo kélméso ekxeyenma kélwáxok Dios.

HEBREOS 11:16

wánxa agkok apmenyék axta eyke étak apkelókxa ektakmela xa énxet'ák nak, cham'a negókxa ekyetna nak néten. Ekeso eñamakxa memegkaktama nak Dios apkeltéma énxet'ák apagkok xa énxet'ák nak, hakte yetneyk apkeláneso xama tegma apwányam.

HEBREOS 11:35

Yetneyk axta anhan kelán'ák elxawákxo axta étchek kélnakxátekháseyam, cham'a apkeletsapma axta. Apkeletsepmeyk axta anhan nápakha énxet eñama kélnaktawáseykegkoho, mopmenyék axta kólchexeykxak, yakwayam enxoho étak ektakmela ekyennakte apnenyek natámen apnakxátekhágwayam.

APOCALIPSIS 19:10

Eltekxekkek axta ko'o etapnák náxop ekpayhókxa apkenmágkaxa Dios apchásenneykha, yakwayam alpeykesho', wánxa agkok, aptahak axta seyáneya s'e: “Ná etne aksa xa, ko'o sekteme Dios apchásenneykha, ekhawók ko'o exchep, ekhawók nahan ma'a apkelyáxeg'a ektaha nak melyenseyam apkeltenneykha Jesús apwesey. Elpeykesho m'a Dios.” Hakte, cháxa eyewáneseso énxet'ák ektaha nak apkellegaso Dios appeywa xa apkeltenneykha nak Jesús apwesey.