SAN JUAN 5:25 - Lengua Sur (Enxet) Nuevo Testamento

²⁵ Peyk kaxwo' kammok xa ekhem nak, keso kaxwo' nak, cháxa yakwánxa sat ellegak Dios Apketche appeywa m'a énxet'ák apkeletsapma axta; Enakxétekhágwók sat ma'a ektahakxa enxoho apkellegé appeywa. Nakso' xa sektahakxa nak sekpeywa seláneya kéxegke.

SAN JUAN 5:25 ပူးပေါင်းရင်းမြစ်များ

SAN LUCAS 15:24

Hakte apketsepmeyk axta s'e hatte nak, apxátekhágwokmek eyke kaxwo'; apxegáneykmek axta anhan, negwetákxeyk eyke kaxwo'.’ Apkeláneygkek axta anhan ektámáxche elpayhekxo apwáxók.

SAN LUCAS 15:32

Payhawók eyke anlának ektámáxche, tén han kalpayhekxak egwáxok, hakte apxátekhágwokmek kaxwo' apyáxeg apketsapma axta; apxegáneykmek axta, negwetákxeyk eyke kaxwo'.’ ”

SAN LUCAS 9:60

Aptahak axta apchátegmowágko Jesús se'e: —Yoho kalatawónek apkeletsapma m'a nétsapma nak; exeg xép, eltennaha m'a aptémakxa nak Wese' apwányam Dios.

SAN JUAN 13:1

Apya'ásegkok axta Jesús ekwokmo ekhem yakwánxa kamaskok apha keso náxop, yakwayam enxoho exnakxak makham xamo' Apyap, amonye ekwayam ekhem melwagkayam axta énxet'ák judíos, cham'a apkeltéma axta Pascua. Apkelásekhayók axta cha'a Jesús ma'a énxet'ák ektaha axta apkelxegexma'a keso náxop, cháxa ektémakxa axta apkelásekhayo ekwokmoho néxa apha xa.

SAN JUAN 17:1

Apkenmexawók axta néten Jesús natámen apxeyenma xa, aptahak axta appakmeta s'e: “Táta wokmek kaxwo' ekhem. Yána sat kataxchek ektémakxa nak aptakmalma Apketche, yakwayam enxoho nahan exekmósek xép Apketche ektémakxa nak aptakmalma exchep.

SAN JUAN 4:21

Aptahak axta apchátegmowágko Jesús se'e: —Kelán'a, nahey'ásem aksa, kammok sat ekhem yakwánxa kólpeykeshok kéxegke Dios Egyap meyke kélmeyeykenta s'e néten egkexe nak tén han meyke kélmeyeykekxa m'a tegma apwányam Jerusalén.

SAN JUAN 4:23

Peyk eyke kaxwo' kammok ekhem, keso kaxwo' nak, cham'a yakwánxa sat etnésesek ekmámnaksoho apkelpeykesamo Dios ma'a énxet'ák ektaha nak nakso' apkelpeykesamo Dios, eñama apteméseso m'a Espíritu apkeñama nak Dios. Hakte apmenyék cha'a Dios Egyap etnehek énxet xa ektaha nak, cham'a ektaha nak apkelpeykesamo.

SAN JUAN 5:21

Apnakxétekháseykmek cha'a ko'o Táta m'a apkeletsapma axta, egkéshok nahan cha'a elyennakte apnenya'ák, hawók nahan aptémakxa nak Apketche apkelmeyáseykegko cha'a elyennakte apnenya'ák ma'a apmokókxa enxoho egkések.

SAN JUAN 5:28

Nágkatlakkas aksa kélwet'a enxoho xa, hakte kammok sat ekhem yakwánxa nak ellegak sekpeywa ahagko' m'a énxet'ák apkeletsapma axta,

SAN JUAN 6:60

Xama axta apkelleg'a ektahakxa apkelxekmóso Jesús, apyókxoho énxet ektaha axta apkelyetlo aptahak axta apkelpakmeta s'e: —Magwanchek agmok takha' xa aptahakxa nak appeywa; ¿yaksak awanchek kalyahakxohok xa aptahakxa nak appeywa?

SAN JUAN 8:43

¿Yaksak ektaha megkólewagko nak kólya'asagkohok sektahakxa nak seltenneykha ko'o? Hakte megkólmenyék kóleyxhok sekpeywa ko'o.

SAN JUAN 8:47

Enxet ektahakxa enxoho Dios énxet apagkok, yeyxhok ma'a amya'a eñama nak Dios, háwe eyke kéxegke Dios énxet'ák apagkok, ékeso eñamakxa megkólmoko nak kóleyxho Dios appeywa.

SAN JUAN 9:27

Aptahak axta apchátegmowágko énxet kaxwé apweteykekxaxma s'e: —Nano' xeyk seltennasa kéxegke, akke kólyahákxohok sekpeywa. ¿Yaksak ektaha kéltamho nak altennásekxohok makham? ¿Kélmokók enxeykel'a kéxegkáxa kólyetlakxak Jesús?

ROMANOS 6:4

Nelatawanyexchek axta negko'o xamo' Cristo eñama m'a yakpasama yegmen nak, neletsepmeyk axta anhan yakwayam enxoho hẽlnakxátekhásók negko'o, tén han antehek axnagkok nentémakxa, ekhawo ektémakxa axta kélxátekháseykmo Cristo eñama apmopwána m'a Apyap ekha nak apcheymákpoho.

EFESIOS 2:1

Máxa kélhapák axta kéxegke nano', eñama m'a kéltémakxa ekmaso axta, tén han eñama m'a megkólya'asáxma axta,

EFESIOS 2:5

ékeso eñamakxa segmeyáseykxo nak ekyennakte egnenya'ák xamo' Cristo, cham'a nentémakxa axta makham máxa eghapák eñama m'a nentémakxa axta mólya'asáxma. Apmések axta aksa kéxegke Dios kélwagkásamáxche teyp eñama m'a ektémakxa nak segemleykekxoho.

EFESIOS 5:14

hakte elseyexma kapekkenekxak yáxñakxoho. Ekeso eñamakxa ektéma nak amya'a s'e: “Exatakha, xeyep ektaha nak apteyenma, exnekxa néten nepyeseksa énxet'ák ektaha nak apkeletsapma, Cristo sat yelsásesexma exchep.”

COLOSENSES 2:13

Máxa kélhapák axta kéltemék kéxegke nápakto' Dios nano' axta eñama m'a megkólya'asáxma axta, tén han eñama m'a megkólkahásamáxche axta kélyenyekhamol'a egyempehek; apmések eyke kaxwo' kéxegke Dios ekyennakte kélnenyek xamo' Cristo, cham'a Dios aptaha nak meyakmagkáseykekxa ekyókxoho ektémakxa mólya'asáxma.

APOCALIPSIS 3:1

“Etáxéses nahan xép Dios apchásenneykha nak ma'a apchakneykekxexa nak énxet tegma apwányam Sardis: ‘Keso aptahakxa nak appeywa apyetna nak siete espíritus apkeñama Dios se'e, cham'a apyetna nak han siete yaw'a: Ekya'ásegkok ko'o ekyókxoho aksok apkelané nak xép, ekya'ásegkok nahan apketsapma exchep, kélanagkamchek eykhe keynnakték apyempehek neyseksók apha.