SAN JUAN 5:23 - Lengua Sur (Enxet) Nuevo Testamento

²³ yakwayam enxoho kaxhok kélteme kéláyo Dios Apketche m'a ekwánxa nak kélteme kéláyo ko'o Táta. Agkok kóltahak kéláyo Dios Apketche, megkóltahak nahan kéláyo m'a Táta aptaha axta seyáphaso ko'o.

SAN JUAN 5:23 ပူးပေါင်းရင်းမြစ်များ

SAN MATEO 10:37

“Kéxegke ektahakxa enxoho kélásekhayo kélyap esenhan ma'a kélchána, keñe kasextohok ko'o selásekhayo, megkapayhawok kóltehek kéxegke énxet'ák ahagkok; kéxegke ektahakxa enxoho kélásekhayo agko' kélketchek, esenhan ma'a kélketchek kelwána, keñe kasextohok ko'o selásekhayo, megkapayhawo kóltehek kéxegke énxet'ák ahagkok.

SAN MATEO 11:27

“Egkések axta ko'o Táta ekyókxoho aksok. Méko keykpelkohok Dios Apketche, wánxa m'a Apyap; méko nahan keykpelkohok ma'a Apyap, wánxa ékpelkohok ma'a Apketche, tén han elyekpelkohok ma'a énxet'ák apkepmenyexa enxoho Apketche ékpelchásesamhok aptémakxa Apyap.

SAN MATEO 12:21

Apxámokxoho énxet'ák sat etnahagkok melya'áseyam ma'a.”

SAN MATEO 15:8

‘Appeywa aksa heyawho ko'o xa énxet'ák nak, keñe m'a apwáxók nak megkaxegkáseykencha'a heyawhok ko'o

SAN MATEO 28:19

Kólmohok sat apheykegkaxa nak énxet ekyókxoho yókxexma keso náxop, kólteméses nahan seltameséyak ko'o m'a, kólyakpásesák nahan yegmen yetlo kélxeyenma apwesey m'a Táta, Apketche, tén han ma'a Espíritu Santo.

SAN LUCAS 10:16

“Enxet'ák ektahakxa enxoho apháxenmo kéltenneykha kéxegke, yeyxhok nahan ko'o xa sekpeywa; énxet'ák aptaknawe enxoho kéxegke, hetaknók nahan ko'o xa; énxet ektahakxa enxoho setaknagko ko'o, aptaknókek nahan ma'a aptaha axta seyáphaso.”

SAN JUAN 14:1

“Nágkatneykha kélwáxok. Kólteme megkólya'áseyam Dios, kólteme nahan mehelya'áseyam ko'o.

SAN JUAN 16:14

Sat nahan exekmósek kéxegke ektémakxa nak ko'o seyeymáxkoho m'a, hakte exkak sat ma'a ektaha nak sekpeywa ahagko' ko'o, elya'asásegwók sat nahan kéxegke.

SAN JUAN 17:10

Apyókxoho ektaha nak ko'o énxet'ák ahagkok, xép nahan énxet'ák apagkok xa, keñe m'a ektaha nak xép énxet'ák apagkok, ko'o nahan énxet'ák ahagkok ma'a, xekmowásexkók nahan ektémakxa nak ko'o sektakmalma eñama xa énxet'ák nak.

ROMANOS 15:12

Temegkek nahan apnaktáxeséyak Isaías, aptaha axta Dios appeywa aplegaso s'e: “Etyapok sat aptáwen neptámen Isaí, aptaha axta wese' David apyap, apkemha apmonye sat kóltemésesek, yakwayam etnehek Wese' nepyeseksa pók énxet'ák, sat nahan kañék yakwayam keytek apkelhaxneykha yakwánxa katnehek apmonye'e énxet'ák xa.”

ROMANOS 6:22

Massék eyke kaxwo' elma kéxegke m'a mólya'asáxma, kéltemék kaxwo' kélyaheykekxoho Dios. Akke nakso' ekpasmoma kéxegke xa, hakte kótaksohok cha'a kéxegke ektakmela kéltémakxa xa, keñe natámen, kótaksek cha'a ekyennakte kélnenya'ák megkatnegwayam enéxa.

ROMANOS 8:9

Massegkek eyke kélyetleykekxa kéxegke xa nentémakxa egagko' nak, wánxa m'a apkeltémókxa nak antehek Espíritu, cham'a eyámnaksoho enxoho apha kélwáxok kéxegke Espíritu apkeñama nak Dios. Méko agkok negko'o m'a Espíritu apkeñama nak Cristo, mantehek negko'o Cristo énxet'ák apagkok.

1 CORINTIOS 1:3

Dios Egyap tén han Jesucristo Wese' egegkok sat etnehek apméso naksa kéxegke m'a ektémakxa nak segemleykekxoho, tén han ma'a meyke ektahakxa egwáxok, ektaha nak apagkok ma'a.

1 CORINTIOS 10:31

Hawók nahan ektémakxa m'a kéltawa enxoho kélto, esenhan kélyena enxoho m'a kélya nak, esenhan ma'a kéllana enxoho mók aksok, kóllána ekyókxoho aksok yakwayam kóltemésesek apcheymákpoho Dios.

1 CORINTIOS 16:22

Agkok agásekha'awok enxama Wese' egegkok Jesucristo, payhawók henlegásesagkohok Wese' egegkok. ¡Exyem Wese' egegkok!

1 CORINTIOS 6:19

¿Yagkólya'ásegkok kéxegke kélyókxa ekteme Espíritu Santo tegma appagkanamap apagkok, Dios axta apméso kéxegke, apheyk nahan kélwáxok kéxegke xa Espíritu Santo nak? Háwe kéxegke kélteme kélagkok kélagko' xa kéltémakxa nak.

2 CORINTIOS 1:9

Máxa axta entahak peya enxoho agmaskok. Wánxa agkok, egya'asásegwokmek axta eyke negko'o ektémakxa yakwayam magásenneyxkók egagko' xa, wánxa antehek negásenneykekxa m'a Dios, aptaha nak apnakxátekháseyam cha'a apkeletsapma axta.

2 CORINTIOS 13:14

Keytek sat cha'a kélnepyeseksa kéxegke m'a ektémakxa nak segméso naksa Wese' egegkok Jesucristo m'a segemleykekxoho nak, tén han ma'a Dios segásekhayo nak, exek sat nahan cha'a kélwáxók Espíritu Santo kélyókxoho kéxegke.

2 CORINTIOS 5:14

Cristo segásekhayo cha'a negko'o senláneseyak nentémakxa, eyeynamókxa m'a negya'ásegwokmo axta apketsapma xama énxet segyanmaga negyókxoho nak, keñe anhan segwákxoho negyókxoho negko'o m'a ektémakxa axta apketsapma.

2 CORINTIOS 5:19

Aptemesáseykekxoho apagko' axta Dios apkelásekheykekxoho énxet'ák apheykha nak keso náxop eñama m'a Cristo, meyke apkelanyo m'a ektémakxa nak melya'asáxma énxet; egmések axta anhan negko'o nentamheykha yakwayam ólya'asásegwók énxet'ák ektémakxa xa amya'a nak.

EFESIOS 6:24

etnehek sat nahan apméso naksa apyókxoho énxet'ák ektaha nak apchásekhayo Wese' egegkok Jesucristo m'a ektémakxa nak segemleykekxoho, yetlo m'a apchásekhayo megkamassegwayam nak.

2 TIMOTEO 1:12

Cháxa keñamak seklegágkoho nak ko'o kaxwo' ekyókxoho xa aksok nak, wánxa agkok mamegkayhek eyke ko'o axének, hakte ekya'ásegkok ko'o m'a aptaha nak seyayókxa; nakso' nahan ektemesásak ko'o ekyetna apmopwána hetakmelchesesek ekweykmoho néxa ekhem ma'a sektamheykha apkeltamho axta alána'.

HEBREOS 1:6

Xama axta apcháphasa apkemha apmonye Apketche Dios keso náxop, aptahak axta anhan appeywa s'e: “Apyókxoho Dios apkelásenneykha sat elpeykeshok.”

2 SAN PEDRO 1:1

Ko'o Simón Pedro sekteme Jesucristo apchásenneykha sekteme nahan seykha amya'a apagkok. Kéxegke ektáxesásak se'e weykcha'áhak nak, kéxegke ekyetna nak megkólya'áseyam ektakmela agko', ekhawo s'e ekyetna nak han negko'oxa, hakte ekpéwomo aptémakxa m'a Jesucristo segwagkasamo nak teyp, aptaha nak Dios egagkok.

2 SAN PEDRO 3:18

Wánxa agkok, emenyék ko'o kólya'ásegwomhok ektakmela agko' ma'a Wese' egegkok Jesucristo segwagkasamo nak teyp, tén han seyámenyého kólyánchesagkohok kélma kéxegke m'a segásekhayo eñama nak Wese' egegkok. ¡Apcheymákpoho sat cha'a kóltemésesek Wese' egegkok keso kaxwo' nak, tén han megkatnegwayam enéxa! Katnahagkok sat.

1 SAN JUAN 2:23

Negko'o ektahakxa enxoho manxeyenma apwesey Dios Apketche mantehek negyepetcheyo m'a Dios Egyap; negko'o ektahakxa enxoho nenxeyenma apwesey Dios Apketche, antehek negyepetcheyo m'a Dios Egyap.

2 SAN JUAN 1:9

Negko'o ektahakxa enxoho negmáheyo agyeykhasagkohok ektémakxa axta sẽlxekmóso Cristo, mantehek negyepetcheyo Dios, keñe m'a énxet ektahakxa enxoho meyenseyam ektémakxa axta nelxekmowásamáxche eñama Cristo, etnehek apyepetcheyo Dios Egyap xa, tén han ma'a Apketche.