SAN JUAN 5:22 - Lengua Sur (Enxet) Nuevo Testamento

²² Metnék cha'a apyekpelchémo Táta xama énxet enxoho, wánxa agkok, apmések axta eyke Apketche apmopwána etnehek apyekpelchémo énxet'ák,

SAN JUAN 5:22 ပူးပေါင်းရင်းမြစ်များ

SAN MATEO 11:27

“Egkések axta ko'o Táta ekyókxoho aksok. Méko keykpelkohok Dios Apketche, wánxa m'a Apyap; méko nahan keykpelkohok ma'a Apyap, wánxa ékpelkohok ma'a Apketche, tén han elyekpelkohok ma'a énxet'ák apkepmenyexa enxoho Apketche ékpelchásesamhok aptémakxa Apyap.

SAN MATEO 16:27

Hakte yetlo apcheymákpoho eñama apméso Apyap sat ewatak ma'a ektaha nak Apketche énxet, yetlo apkelásenneykha sat nahan, keñe sat egkések aksok eyéméxchexa m'a énxet ektémakxa axta aksok apkelané.

SAN MATEO 28:18

Apyepetchegwákxók axta Jesús xa énxet'ák nak. Aptahak axta apkeláneya s'e: —Egkések ko'o Dios yakwayam hetnehek selyaheykekxoho ekyókxoho aksok ma'a néten tén han keso náxop.

SAN JUAN 17:2

Hakte apmések axta exchep Apketche yakwayam etnehek meyke ekhémo nepyeseksa énxet'ák keso náxop, yakwayam enxoho elmésagkok elyennakte apnenya'ák ma'a apyókxoho énxet ektaha axta apméso exchep Apketche yakwayam eltakmelchesek.

SAN JUAN 3:35

Apchásekhayók Apketche Dios, apmések axta nahan apmopwána yakwayam elának ekyókxoho aksok.

SAN JUAN 5:27

apmések axta anhan apmopwána yakwayam enxoho etnehek apkelyekpelchémo énxet'ák eñama apteme énxet Apketche.

SAN JUAN 9:39

Keñe axta aptaha appakmeta Jesús se'e: —Ekwa'ak axta ko'o keso náxop yakwayam enxoho atnehek selyekpelchémo énxet'ák, yakwayam enxoho anhan étekxaxma m'a énxet apteme nak meyke apakta'ák, yakwayam enxoho nahan etnekxak meyke apakta'ák ma'a énxet ekha nak apakta'ák.

LOS HECHOS 10:42

Ẽláphásek axta negko'o Jesús yakwayam óltennasha énxet'ák apcháphásama Dios yakwayam etnehek apkelyekpelchémo m'a énxet'ák meletsapma nak, tén han ma'a apkeletsapma nak.

LOS HECHOS 17:31

Hakte appagkanchek axta Dios xama ekhem yakwánxa etnehek apyekpelchémo ekpéwomo agko' keso náxop eñama m'a énxet ektaha nak apkelyeseykha; apxekmósek axta Dios peya elának xa cham'a apxátekhásekmo axta.”

ROMANOS 2:16

cham'a ekhem yakwánxa sat etnehek apkelyekpelchémo Dios yetlo apchásenneykekxa Jesucristo m'a aksok appósamo nak énxet'ák, ekhawo ektémakxa nak seltenneykha cha'a ko'o tásek amya'a.

2 CORINTIOS 5:10

Hakte negyókxoho sat ólmahagkok ma'a segyekpelchémókxa nak Cristo, yakwayam enxoho exkak cha'a enxama m'a aksok ekpehewayam nak yakwayam exka', cham'a ektahakxa enxoho apkelané aksok ektakmela esenhan ma'a ektahakxa enxoho apkelané aksok ekmaso neyseksa meyamasma axta m'a ektémakxa nak apyókxa.

2 TIMOTEO 4:1

Ekmések ko'o sekpeywa exchep nápakto' Dios tén han nápakto' ma'a Cristo Jesús, cham'a peya nak ewatak yetlo apteme Wese' apwányam yakwayam etnehek apkelyekpelchémo m'a énxet'ák meletsapma nak, tén han ma'a apkeletsapma nak; awanhek seltémo eltennaha exchep tásek amya'a, megyeyxek ma'a ekyetna enxoho elya'asakxaxma, esenhan ma'a méko enxoho elya'asakxaxma. Ellekwomho sat nahan énxet'ák, elpakhetches sat nahan ma'a énxet'ák eyesagkexa enxoho aptamhágkaxa, elwaskakkásekxoho sat nahan, elxekmós sat nahan yetlo mepekhésamap.

1 SAN PEDRO 4:5

Ekeso eñamakxa peya nak exének nápakto' Dios ektémakxa aksok apkeláneyak xa énxet'ák nak, cham'a Dios appenchesama nak apkeláneykekxa aptahakxa yakwayam etnehek apkelyekpelchémo énxet'ák apkelyenna nak, tén han ma'a énxet'ák apkeletsapma axta.