SAN JUAN 5:19 - Lengua Sur (Enxet) Nuevo Testamento

¹⁹ Aptahak axta apchátegmowágko Jesús se'e: “Mopwanchek elának xama aksok Dios Apketche eñama m'a apmopmenyého apagko' nak elána'; wánxa aksa elának aksok apwet'a enxoho apkelana m'a Apyap. Ekyókxoho aksok apkelanakxa enxoho Apyap elának nahan ma'a Apketche. Nakso' xa sektahakxa nak seláneya kéxegke.

SAN JUAN 5:19 ပူးပေါင်းရင်းမြစ်များ

SAN MATEO 26:39

Yetlókók axta apxega Jesús apmahágko yámmakhawo, apháxegwokmek axta ekwokmoho aptekxeya ekpayhakxa nápát xóp. Aptahak axta aptaha nempeywa nelmaxnagko s'e: “Táta, apwanchek agkok xép, nágyána aksa añegkohok ko'o yakwánxa nak hetnehek ekyetchesamaxkoho nak xama egheykok negya aksok ekmáskel'a, momenyék ko'o kalanaxchek ma'a sekmamenyého ahagko' nak, wánxa m'a apmopmenyého nak xép.”

SAN LUCAS 21:15

hakte ko'o sat agkések kéxegke kélpeywa yetlo kélya'áseykegkoho, mopwanchek sat yátegmowagkok kéltahakxa kélpeywa m'a kélenmexma, mopwanchek sat exének ektaha megkamámnaksoho kélpeywa.

SAN JUAN 10:18

Méko kawának hémentók ko'o ektémakxa nak sekyennakte, seyhayo ahagko' eyke amátog eñama sekmámenyého ahagko'. Payhawók ko'o wohok amátog, payhawók nahan amekxak makham sekyennakte. Cháxa apkeltémo axta alának ko'o Táta xa.”

SAN JUAN 12:49

Hakte matnék ko'o sekxénamaxchekxoho ahagko'; egkések axta ko'o Táta apkeltamhókxa atnehek sekpeywa, cham'a aptaha axta seyáphaso, axta anhan eltennásak ma'a apkeltamhókxa axta atnehek selxekmóso.

SAN JUAN 12:50

Ekya'ásegkok ko'o ektaha segmésamo ekyennakte egnenyek ma'a apkeltémókxa nak antehek Táta. Ektemegkek cha'a ko'o sekpeywa m'a apkeltémókxa nak atnehek sekpeywa Táta, cham'a sektémakxa nak cha'a sekpeywa.”

SAN JUAN 14:10

¿Apya'asékmeya exchep sektaha ko'o sekyepetcheyo m'a Táta, keñe Táta aptaha sépetcheyo ko'o? Háwe ko'o sekpeywa ahagko' se'e sektahakxa nak seláneya kéxegke. Akke apkelaneyk cha'a aptamheykha m'a Táta aptaha nak sépetcheyo ko'o.

SAN JUAN 2:19

Aptahak axta apchátegmowágko Jesús se'e: —Kóltegkes sat se'e tegma appagkanamap nak, antanxo ekhem sat ko'o axátekhásekxak makham.

SAN JUAN 3:3

Aptahak axta apcháneya Jesús se'e: —Agkok etnahákxak énxet kaxwé apteyam, mopwanchek étak ma'a aptémakxa nak Wese' apwányam Dios.

SAN JUAN 5:21

Apnakxétekháseykmek cha'a ko'o Táta m'a apkeletsapma axta, egkéshok nahan cha'a elyennakte apnenya'ák, hawók nahan aptémakxa nak Apketche apkelmeyáseykegko cha'a elyennakte apnenya'ák ma'a apmokókxa enxoho egkések.

SAN JUAN 6:38

Háwe axta ko'o yakwayam alánegwak aksok sekmámenyého ahagko' sekwaya señama m'a néten, wánxa aksa yakwayam alának ma'a ektémakxa nak apmopmenyého Táta aptaha axta seyáphaso ko'o.

SAN JUAN 8:28

Ekeso eñamakxa aptaha axta apkeláneya Jesús énxet'ák se'e: —Kélya'ásekxek sat agkok néten kéxegke m'a ektaha nak Apketche énxet, kólya'ásegwók sat kéxegke sektaha ko'o m'a sektémakxal'a alának kéxegke, kólya'ásegwók sat nahan megkatnaha selané exakko' sektamheykha; wánxa aksa cha'a ko'o atnehek sekpeywa m'a ektémakxa nak sexekmóso ko'o Táta.

SAN JUAN 9:4

Kéméxchek anlának aptamheykha m'a aptaha axta seyáphaso ko'o keso ekhakxoho ekhem nak, hakte kayaktések sat, cham'a magkegwagkexal'a anlának nentamheykha.

LOS HECHOS 2:24

Wánxa agkok, Dios axta eyke apxátekhásekmok, apmasésesek axta ekmáske eñama m'a ektémakxa nak nétsapma, hakte yawanchek axta kayeykhágwomhok ma'a ektémakxa nak nétsapma.

ROMANOS 6:4

Nelatawanyexchek axta negko'o xamo' Cristo eñama m'a yakpasama yegmen nak, neletsepmeyk axta anhan yakwayam enxoho hẽlnakxátekhásók negko'o, tén han antehek axnagkok nentémakxa, ekhawo ektémakxa axta kélxátekháseykmo Cristo eñama apmopwána m'a Apyap ekha nak apcheymákpoho.

ROMANOS 8:11

Apheyk agkok kélwáxok kéxegke m'a Espíritu apkeñama nak Dios, cham'a apxátekhásekmo axta Jesús, etnésesók sat kéxegke kélhaxnagcha'ak natámen kéletsapma m'a Dios apxátekhásekmo axta Cristo, eñama apha kélwáxok ma'a Espíritu apkeñama nak Dios.

1 CORINTIOS 15:12

Neltennáha agkok negko'o m'a apxátekhágwayam axta Cristo, ¿yaksak ektaha kélxéna nak kélnápakha kéxegke menakxátekhágweykmo cha'a m'a apkeletsapma axta?

2 CORINTIOS 4:14

Hakte negya'ásegkok negko'o m'a Dios, aptaha axta apxátekháseyam apketsapa axta m'a Wese' egegkok Jesucristo, hennakxátekhasók sat nahan negko'o xa xamo' Cristo. Hennaklakxak sat xamo' kéxegke m'a aphakxa nak Cristo.

2 CORINTIOS 5:10

Hakte negyókxoho sat ólmahagkok ma'a segyekpelchémókxa nak Cristo, yakwayam enxoho exkak cha'a enxama m'a aksok ekpehewayam nak yakwayam exka', cham'a ektahakxa enxoho apkelané aksok ektakmela esenhan ma'a ektahakxa enxoho apkelané aksok ekmaso neyseksa meyamasma axta m'a ektémakxa nak apyókxa.

EFESIOS 2:5

ékeso eñamakxa segmeyáseykxo nak ekyennakte egnenya'ák xamo' Cristo, cham'a nentémakxa axta makham máxa eghapák eñama m'a nentémakxa axta mólya'asáxma. Apmések axta aksa kéxegke Dios kélwagkásamáxche teyp eñama m'a ektémakxa nak segemleykekxoho.

EFESIOS 3:16

Elmaxnakkek ko'o Dios Egyap seltamho epekkenchesek kélwáxok kéxegke kélmowána, tén han ma'a kélwaskápeykekxoho eñama nak apméso Espíritu apkeñama nak Dios, eleñama nak ma'a ekheykegkaxa nak ekxámokma agko' aksok apagkok eltakmela eleñama nak néten.

FILIPENSES 3:21

cham'a peya nak hegyakmagkasesek negyókxa ekmaso nak, yakwayam enxoho katnekxak negyókxa m'a ektémakxa nak apyókxa eyeymáxkoho. Elának sat Cristo xa eñama m'a apmopwána nak, cham'a apmopwána ekmowána nak kasawhekxohok eláneykha ekyókxoho aksok.

FILIPENSES 4:13

Ewanchek ko'o ayeykhak ma'a ekyókxoho aksok nak, hakte Cristo aptaha sepasmo ko'o.

COLOSENSES 1:11

Nelmaxnakkek negko'o Dios neltamho etnésesek kéxegke ekha kélyennakte eñama m'a apmopwána eyeymáxkoho nak; yakwayam enxoho kólewának kólenmaxaxkohok kéxegke ekyókxoho aksok, yetlo kélwaskápeykekxoho tén han kéllenxányam,

COLOSENSES 1:16

Cristo nahan keñamak apkeláneya Dios ekyókxoho aksok ekhéyak nak néten, tén han aksok ekhéyak nak keso náxop, cham'a aksok negwetayo nak, tén han ma'a magwetayo nak, tén han apkeláneya m'a aksok ekha ekmowána ekheykha nak néten eláneykencha'a nak keso náxop, cham'a ekha nak kélyaheykekxoho, ekha nak han elmowancha'a. Cristo nahan keñamak elánamáxko ekyókxoho aksok, Cristo nahan yakwayam etnehek apagkok.

1 TESALONICENSES 4:14

Magya'áseykmok negko'o apketsapma axta Jesús tén han ma'a apxátekhágweykmo axta, ékeso eñamakxa magya'ásekmo nak han peya enakxátekhásók Dios xamo' Jesús ma'a énxet'ák apkeletsapma apteme axta melya'áseyam Jesús.

1 SAN PEDRO 3:18

Hakte apketsekkek axta anhan Cristo eñama m'a ektémakxa nak negko'o mólya'asáxma, wánxa nahan xama apketsapma, meyke teyp. Tásek axta aptémakxa Cristo, wánxa agkok, aplegágkok axta eyke aptaha segyanmaga negko'o nenteme nak ekmaso nentémakxa, yakwayam enxoho enaklakxak kéxegke m'a aphamakxa nak Dios. Apketsekkek axta ekhawo ektémakxal'a ótsapok nenteme nak énxet, wánxa agkok apxátekhágwokmek axta eyke eñama apteme apkeñamakxa apagko' ma'a néten.