SAN JUAN 5:10 - Lengua Sur (Enxet) Nuevo Testamento

¹⁰ ékeso eñamakxa aptaha axta apcháneya énxet'ák judíos énxet ektaha axta kéltakmelcheseyam se'e: —Sakhem nellókasamakxa nelyampé, magáneyamaxche ansawha nentaháno sakhem.

SAN JUAN 5:10 ပူးပေါင်းရင်းမြစ်များ

SAN MATEO 12:10

Apheyk axta xama énxet ekyame apmek ma'a; apkeltamhok axta eykhe énxet'ák etegyaha aptemésesakxa yakwayam esexnenak Jesús. Aptahak axta apkelmaxneyeyncha'a s'e: —¿Megkamyawaxcheya kóltakmelchesók xama énxet apháxamap ekhem sábado?

SAN MARCOS 2:24

Aptahak axta apkelmaxneyeyncha'a énxet'ák fariseos se'e: —Elano, ¿yaksak ektaha apkelánegko nak apkeltámeséyak xép ma'a aksok megkólhayo nak anlának ekhem nellókasamakxa nelyampé?

SAN MARCOS 3:4

Keñe axta aptaha apkelmaxneyeyncha'a Jesús énxet'ák se'e: —¿Yaksak aksok kélhayo anlának ekhem nellókasamakxa nelyampé? ¿Aksok ektakmela, aksok ekmaso enxeykel'a? ¿Agwagkasek teyp énxet, agakhek enxeykel'a? Wánxa agkok, apkelwanmeyágkek axta eyke aksa xa énxet'ák nak.

SAN LUCAS 13:14

Wánxa agkok, aplókek axta eyke m'a énxet aptaha axta apkemha apmonye apchakneykekxexa énxet'ák judíos, hakte ekhem apkellókasamakxa apkelyampé énxet'ák judíos axta m'a aptakmelchesekmo axta Jesús xa kelán'a nak. Aptahak axta apkemha apmonye judíos apkeláneya énxet'ák se'e: —Wánxa aksa seis ekhem negmowána antemeykha; kélwanchek kólxegmak xa ekhem nak, yakwayam enxoho kóltakmelchesók ektémakxa kélháxamáxche, háwe eyke m'a ekhem sábado nak, nellókasamakxa nelyampé.

SAN LUCAS 23:56

Xama axta elwákxo axanák, kelaneykxék axta sokmátsa tén han ma'a kéltexneykegkohol'a egyempehek. Kellókasek axta elyampé kelán'ák ekhem apkellókasamakxa axta cha'a apkelyampé énxet'ák judíos, ekhawo m'a elánemaxchexa axta katnahagkok.

SAN LUCAS 6:2

Nápakha énxet'ák fariseos axta aptahak apkelmaxneyeyncha'a s'e: —¿Yaksak ektaha kéllana nak kéxegke aksok megkólhayo nak anlának ekhem nellókasamakxa nelyampé?

SAN JUAN 1:19

Apkeláphásek axta énxet'ák judíos apkeleñama tegma apwányam Jerusalén aphakxa Juan ma'a appasmo nak apkelmaxnéseso Dios énxet'ák apagkok, axta anhan apkeláphásak ma'a énxet'ák Levitas yakwayam elmaxneyha aptémakxa.

SAN JUAN 5:11

Aptahak axta apchátegmowágko énxet ektaha axta kaxwé aptakmelwayam se'e: —‘Emekxa aptaháno, exeg,’ exchek aptahak seyáneya m'a énxet ektaha exchek setakmelcheseyam

SAN JUAN 5:15

Apxegkek axta xa énxet ektaha axta aptakmelwayam, apkeltennásekxek axta énxet'ák judíos ektaha Jesús aptakmelcheseyam.

SAN JUAN 5:16

Ekeso eñamakxa melwatésekmo axta énxet'ák judíos aptaknagko Jesús, hakte apkelanak axta aksok Jesús ekhem nellókasamakxa nelyampé.

SAN JUAN 7:23

Megkóleyxek cha'a kéxegke ekhem nellókasamakxa nelyampé kólyenyekhásesek apyempehek sakcha'a kélkahasa enxoho, yakwayam enxoho kólsawhohok kóllának ma'a eltémókxa nak antehek Moisés segánamakxa apagkok. ¿Yaksak ektaha séltaknawe nak kélwet'a sektakmelchesakmo énxet apháxamap ekhem nellókasamakxa nelyampé?

SAN JUAN 9:16

Aptahak axta apkelpakmeta nápakha fariseos se'e: —Enxet ektaha nak apkelané xa megkañamak Dios, hakte metnahak apcháyo ekhem nellókasamakxa nelyampé. Keñe axta anhan nápakha énxet aptaha apkelpakmeta s'e: —¿Háxko katnehek elának aksok sempelakkaso agweta' aptaha enxoho mey'asáxma? Cháxa ektahakxa axta apkexpáncháseykpo énxet'ák xa.