SAN JUAN 4:42 - Lengua Sur (Enxet) Nuevo Testamento

⁴² Entahak axta amya'a eyáneyáxko kelán'a s'e: —Magya'ásekmok kaxwo' negko'o, háwe ekwánxa agkok magya'ásekmo m'a ektahakxa exchek sẽltennaseykekxa exche', hakte negko'o egagko' nahan nenleg'ak kaxwo' aptahakxa appeywa, magya'ásekmok nahan aptaha nakso' agko' apkelwagkaso teyp énxet'ák keso náxop.

SAN JUAN 4:42 ပူးပေါင်းရင်းမြစ်များ

SAN MATEO 1:21

Apkenná' sat kategkesek étche María, etnéses sat apwesey Jesús. Eltamhakpok sat xa, hakte elwagkasek sat teyp ma'a énxet'ák apagkok, yakwayam eykhe kóllegásesagkohok eñama melya'asáxma.”

SAN LUCAS 2:32

cham'a elseyexma peya nak kalsásesamhoxma apyókxoho énxet'ák nak tén han peya kañék kélteméseso apkeleymákpoho m'a énxet'ák Israel.”

SAN JUAN 1:29

Mók ekhem axta entahak apwet'a Juan apxegakmo Jesús, aptahak axta Juan apkeláneya énxet'ák se'e: “¡Kóllano, cháxa Nekkések Apketkok apkeñama nak Dios xa, aptaha nak apmaséseso melya'asáxma énxet'ák keso náxop!

SAN JUAN 11:17

Xama axta apwákxo Jesús ma'a, apwetágweykxeyk axta ekwokmo hawók nekha ekhem kélatawanya Lázaro.

SAN JUAN 17:8

hakte eltennáseyha axta ko'o m'a amya'a segkésa axta exchep, axta nahan elya'ásekmok. Apkelya'ásegwokmek axta anhan eyámnaksoho señama ko'o m'a aphakxa nak xép, axta nahan elya'ásekmok aptaha seyáphaso exchep xa énxet'ák nak.

SAN JUAN 4:29

—Kólteyanegwomho hana xama énxet seltennasa exchek ekyókxoho aksok selané nak ko'o, ¿Háweya Mesías ma'a?

SAN JUAN 4:41

apxámágkek axta aksa énxet apteme mey'áseyam Jesús apleg'a appeywa apagko'.

LOS HECHOS 13:23

Jesús axta aptáwen neptámen xa David, cham'a Jesús apcháphasa axta Dios yakwayam elwagkasek teyp énxet'ák Israel, ekhawo m'a ektémakxa axta appeywa.

LOS HECHOS 4:12

Méko pók énxet ekyetna m'a nelwagkásamáxche teyp nak, hakte axta hegmeyásak negko'o Dios pók énxet yakwayam hẽlwagkasek teyp keso náxop.

LOS HECHOS 5:31

Dios axta apya'áseykekxa néten, aphésakxeyk axta m'a ekpayhókxa nak apkelya'asamakxa, aptemésesek axta Wese' tén han segwagkasamo teyp, yakwayam enxoho etnekxak melya'áseyam Dios ma'a énxet'ák Israel, tén han meyakmagkásekxék Dios ma'a apkeltémakxa nak melya'asáxma.

2 CORINTIOS 5:19

Aptemesáseykekxoho apagko' axta Dios apkelásekheykekxoho énxet'ák apheykha nak keso náxop eñama m'a Cristo, meyke apkelanyo m'a ektémakxa nak melya'asáxma énxet; egmések axta anhan negko'o nentamheykha yakwayam ólya'asásegwók énxet'ák ektémakxa xa amya'a nak.

1 TIMOTEO 4:10

Cháxa keñamak neltamheyncha'a nak negko'o xa, tén han nelwaskápeykxoho, hakte nentemék axta nengko'o negásenneykekxa m'a Dios memassegwayam nak, aptaha nak sẽlwagkaso teyp negyókxoho, ekyagwánxa agkok elwagkasek cha'a teyp ma'a énxet'ák apteme nak melya'áseyam.

1 SAN JUAN 2:2

Apmeyásamákpók axta apagko' Jesucristo yakwayam emátog, yakwayam enxoho megkólyakmagkásekxék nentémakxa mólya'asáxma; háwe eyke ekwánxa agkok negko'o, akke anhan megkólyakmagkásekxék apkeltémakxa m'a apyókxoho énxet'ák apheykha nak keso náxop.

1 SAN JUAN 4:14

Negko'o egagko' axta negweté xa, neltenneykha nahan nenxeyenma m'a apcháphásama axta Dios Egyap Apketche yakwayam elwagkasek teyp énxet'ák apheykha nak keso náxop.

1 SAN JUAN 5:20

Negya'ásegkok nahan negko'o m'a apwaya axta Dios Apketche, tén han segmésama negya'ásegwayam yakwayam agyekpelkohok ma'a Dios aptaha nak apmámnaksoho. Negyepetcheyók negko'o m'a aptaha nak apmámnaksoho, cham'a Jesucristo aptaha nak Dios Apketche. Cháxa Dios aptaha nak apmámnaksoho xa, aptaha nak han eñamakxa ekyennakte egnenyek megkatnegwayam enéxa.