SAN JUAN 4:15 - Lengua Sur (Enxet) Nuevo Testamento

¹⁵ Entahak axta eyáneya kelán'a Jesús se'e: —Wese', hegkes sat ko'oxa xa yegmen nak, yakwayam enxoho meheyakhekxék cha'a ekhem, kamaskok nahan sekyekwakto yegmen se'e yámelchet nak.

SAN JUAN 4:15 ပူးပေါင်းရင်းမြစ်များ

SAN JUAN 4:16

Aptahak axta apcháneya Jesús kelán'a s'e: —Kaltennásekxa atáwa, keñe sat keyxyók makham se'e.

SAN JUAN 6:26

Aptahak axta apkeláneya Jesús se'e: —Elchetamchek kéxegke, hakte kéltokagkek axta ekwokmoho kélyakkanakmo, háwe eñama kélya'áseyak ektémakxa m'a aksok sempelakkaso agweta' selana axta ko'o. Nakso' xa sektahakxa nak seláneya kéxegke.

SAN JUAN 6:34

Aptahak axta énxet'ák apkelmaxneya Jesús se'e: —Wese' hegmes cha'a negko'o xa pan apxéna nak.

SAN JUAN 6:35

Aptahak axta apkeláneya Jesús se'e: —Ko'o sekteme pan apyennaktésamo nak apnenyek énxet, kéxegke ektahakxa enxoho sey'eykekta' ko'o, megkakhekxék sat cha'a meyk, keñe m'a ektahakxa enxoho mehey'áseyam ko'o, megkakhekxék sat cha'a ekhem.

ROMANOS 6:23

Nétsapma ekteme ekyanmaga m'a mólya'asáxma nak, wánxa agkok, ekyennakte egnenya'ák megkatnegwayam enéxa eñama negyepetcheyo Cristo Jesús Wese' egegkok akke m'a aksok segméso naksa nak Dios.

ROMANOS 8:5

Enxet'ák ektaha nak apkelyetleykekxa apkeltémakxa apancha'awo' nak melya'asáxma, wánxa aksa kaxénmakha apwáxok ma'a apkeltémakxa apancha'awo' nak; keñe m'a énxet'ák apkelyetleykekxa nak ma'a apkeltémókxa nak antehek Espíritu, wánxa aksa kaxénmakha apwáxok ma'a aksok eñama nak Espíritu.

1 CORINTIOS 2:14

Enxet meyke nak apwáxok Espíritu megkamhek apwáxok aksok eleñama nak ma'a Espíritu apkeñama nak Dios, hakte ekyéháxma yána'. Mopwanchek nahan ey'ásegwomho', hakte Espíritu aksa cha'a etnehek apyekpelchémo xa.

SANTIAGO 4:3

Kélmaxnakkek agkok nahan cha'a aksok Dios, keñe megkólxakyek, hakte sagkek katnehek kélwáxok neyseksa kélmaxnagko, hakte kélmenyék aksa kóltawasha eñama m'a aksok kélyespagko nak.

1 SAN JUAN 5:20

Negya'ásegkok nahan negko'o m'a apwaya axta Dios Apketche, tén han segmésama negya'ásegwayam yakwayam agyekpelkohok ma'a Dios aptaha nak apmámnaksoho. Negyepetcheyók negko'o m'a aptaha nak apmámnaksoho, cham'a Jesucristo aptaha nak Dios Apketche. Cháxa Dios aptaha nak apmámnaksoho xa, aptaha nak han eñamakxa ekyennakte egnenyek megkatnegwayam enéxa.